Gatii guddaa qaba

10Haadha manaa mana ishee qabuu dandeessu, eenyutu argachuu danda'a ree” Isheen callee gati-jabeessa hundumaa irra guddaa in caalti;

3Gaarummaa fi amanamummaan sittii hin fagaatin! Morma keetti isaan hidhadhu, gabatee garaa keettis isaan caaffadhu!

4Yommus ati Waaqayyo duratti, nama durattis maqaa gaarii in argatta, faara tolaadhaanis in ilaalamta.

4ati ana duratti gati-jabeessaa fi ulfina-qabeessa waan taateef, waanan si jaalladhuufis qooda lubbuu keetii, saba warra kaan dabarsee nan kenna;

1Ifni kee dhufeera, ulfinni Waaqayyoos siif ba'eera, kanaafis ka'ii ibsi!

26Simbirroota qilleensa keessa balali'an ilaalaa! Isaan hin facaasan hin haamanis gombisaattis hin galchan; garuu abbaan keessan inni waaqa irraa isaan in soora. Egaa isin immoo isaan irra guddaa hin caaltanii ree?

29Simbirroonni lama akka saantiima tokkotti in gurguramu mitii ree? Isaanuma keessaa iyyuu tokko illee yaada abbaa keessanii malee lafa hin bu'u;

30isin garuu, rifeensi mataa keessanii hundinuu iyyuu lakkaa'amaa dha.

31Kanaafis hin sodaatinaa! Isinoo simbirroota baay'ee irra guddaa in caaltu? jedhe.

24Haa ta'u iyyuu malee, hojiin wangeela ayyaana Waaqayyoof dhugaa ba'uu, gooftaa Yesus biraa anatti kennameera. Ani immoo ergaa koo fi hojii koo kana raawwachuu duwwaa nan barbaada; kana irraa kan hafe jireenya koo akka waan gatii anaaf qabutti hin lakkaa'u.

6Simbirroonni shan akka saantiima lamaatti in gurguramu mitii? Garuu isaan keessaa tokko iyyuu Waaqayyo duratti kan dagatamu hin jiru.

7Rifeensi mataa keessanii hundinuu iyyuu lakkaa'amaa dha; kanaafis hin sodaatinaa, isinoo simbirroota baay'ee irra guddaa in caaltu.

20arrabni nama qajeelaa akka meetii fo'amaa ti, yaadni nama jal'aa garuu gatii hin qabu;

6Kristos Yesusiif amantii jaalalaan hojjetutu gatii qaba malee, dhagna qabachuu yookiis dhagna qabachuu dhiisuu miti.

5Biyyi lafaa guutummaatti kan koo waan ta'eef, isin anaaf yoo dhageessan, kakuu koos yoo eegdan, saba hundumaa keessaa addumaan dhuunfaa koo in taatu.

12Egaa namni immoo hammam hoolaa irra haa caalu ree? Kanaafis guyyaa Sanbataatti gaarii hojjechuun seera? isaaniin jedhe.