Gammachuu

11Sodaadhaan Waaqayyoof hojjedhaa! Rom'aanis miilla isaa dhungadhaa!

7Isa warri kaan midhaan isaanii fi daadhii waynii isaanii baay'ee irraa argatan caalaatti, ati gammachuu caalu garaa koof kenniteetta.

11Warri kooluu sitti galan hundinuu garuu haa gammadan, bara baraanis haa ililchan! Ati warra maqaa kee jaallatan waan eegduuf; isaan sitti haa gammadan!

2Ani sitti nan gammada, nan burraaqas; maqaa kees faarfannaadhaan nan jajadha, yaa aabba!

5Ani garuu gaarummaa kee amanadheera, na oolchuu keettis garaa koo guutuudhaan nan gammada.

8Ajaji Waaqayyoo qajeelaa dha, garaa namaa in gammachiisa; abboommiin Waaqayyoo qulqulluu dha, ija namaa in ibsa.

5Yommus mo'icha ati argatte irratti, guddifnee sagalee gammachuu in dhageessifna, maqaa Waaqayyo keenyaatiinis faajii keenya ol fuunee in dhaabbanna! Waaqayyo, himata kee hundumaa siif haa raawwatu!

7Waaqayyo aangoo koo ti, gaachana koo tis, garaan koo isa in amanata; ani gargaarsa argadheera, kanaafis garaan koo in ililcha; faarfannaa kootiinis galata isaaf nan galcha.

5Dheekkamsi isaa hamma liphsuu ijaatti, fuulli isaa inni ifaan garuu bara jireenyaatiif in ta'a; galgala boo'ichi yoo namatti dhufe, ganama immoo ililleen in ta'a.

21Eyyee, garaan keenya isatti in gammada, maqaa isaa isa qulqulluus in amananna.

23Yeroo ani faarfannaadhaan si jajadhu, afaan koo, lubbuun koo isheen ati furtes, sagalee gammachuu haa dhageessisan!

16Isaan guyyaa hundumaa maqaa keetti gammaduu isaanii in dhageessisu, qajeelummaa keetiin ol in kaafamu.

12qajeelota nana, Waaqayyotti gammadaa, seenaa qulqullina isaatiifis galata isaaf galchaa!

1Yaa guutummaa biyya lafaa, Waaqayyotti gammaduu kee guddisii dhageessisi!

2Waaqayyoof gammachuudhaan hojjedhaa, ililleedhaanis gara fuula isaa dura kottaa!

14Akkuma ani sooruma hundumaatti gammadu, wanta abboommiin kee dhugaa ba'u duukaa bu'uutti nan gammada.

5Warri imimmaan dhangalaasaa sanyii facaasan, sagalee gammachuu dhageessisaa in haammatu.

6Inni sanyii facaafamuu baatee boo'aa adeemu, bissii isaa baadhatee, sagalee gammachuu dhageessisaa deebi'ee in gala.

21Gooftaan isaa immoo, ?Ba'eessa goote, hojjetaa gaarii dhaa fi amanamaa nana, ati waan xinnoo irratti amanamte, ani immoo waan guddaa irra sin dhaaba; gammachuu gooftaan kee itti jiraatutti gali!? jedheen.

47hafuurri koos Waaqayyo fayyisaa kootti in ililcha.

23Abaabiliin isaaniis raajota akkasuma gochaa turan; egaa, yeroo sanatti gammadaa, quruphisaas, waaqa irratti gatiin keessan guddaa in ta'a.