Boqonnaa

28Yesus itti fufee, ?Isin warri itti dhamaattanii dadhabdan, ba'aanis kan isinitti ulfaatu hundinuu gara koo kottaa; ani boqonnaa isiniifan kenna.

1Lubbuun koo gab jettee Waaqayyoon duwwaa in eeggatti, gargaarsi koo isa biraa in dhufa.

16Ammas Waaqayyo isin saba isaatti dubbatee, “Gara karaatti as ba'aatii ilaalaa! “Daandiin inni durii, karaan inni ba'eessi sun amma eessa jira?” jedhaatii gaafadhaa! Boqonnaa akka argattanitti karicha irra adeemaa!” jedhe; isin garuu,“Lakkii nuyi isa irra adeemuu hin barbaannu” in jettan.

8Yaa Waaqayyo, akka ani qoofniitti sodaa malee jiraadhu situ godha; kanaafis ani akkuman ciiseen nagaatti nan rafa.

1Waaqayyo tiksee koo ti, ani homaa hin dhabu!

2Inni marga lalisaa keessa akkan boqodhu in godha, gara laga itti aara galfataniittis na geessa;

8Gaarummaan Waaqayyoo attam akka ta'e, isin miyeeffadhaa ilaalaa! Namni isatti kooluu gale haa gammadu!

1Namni golgaa isa hundumaa gara irraa jiru keessa jiraatu, gaaddisa isa hundumaa danda'uu jala in buufata;

2Waaqayyoon,“Ani sitti kooluu galeera, ati masaraa koo ti; ati Waaqayyo koo isa ani amanadhuu dha” in jedha.

29Waanjoo koo fuudhaatii baadhaa, ana irraas baraa; anoo garraamii dha kanan gad of deebises; boqonnaas lubbuu keessaniif in argattu.

30Waanjoon koo nama hin dhibu, ba'aan [namni anaaf jedhee baatus] salphaa dha? jedhe.

7Dhumni waan hundumaa dhi'aateera; egaa warra of qaban, kadhata gochuufis warra eeggatan ta'aa!

12“ ‘Waaqayyo gooftaan kee akka si abboometti, guyyaa Sanbataa qulqullinatti eegi!

13Guyyaa ja'a hojii kee hojjedhu, jiruu kees hundumaa godhadhu!

14Guyyaan inni torbaffaan garuu Sanbata Waaqayyo gooftaa keetiif eegamuu dha; isatti ati, ilmi kee, intalli kee, hojjetaan kee, hojjettuun kee, qotiyyoon kee, harreen kee, horiin qe'ee kee hundinuu, galaan kellaa kee keessa jirus hojii tokko illee hin hojjetin! Hojjetaan kee fi hojjettuun kee akkuma kee haa boqotan!