Karoora

3Hojii kee hundumaa Waaqayyotti kennadhu, wanti ati yaaddus fiixaan siif in ba'a;

11yaada ani isiniif yaade anuma duwwaatu beeka; innis yaada nagaa fi yaada wanta isin gara fuula duraatti eeggattan isiniif raawwachuutti malee, yaada isin balleessu miti.

28?Isin keessaa namni mana dhagaa ijaaruu barbaadu, duraan dursee horii ittiin mana kana ijaaree raawwatu qaba yoo ta'eef, taa'ee kan hin shallagne eenyu?

4Waan garaan kee jaallatu siif haa kennu! Akeeka kee hundumaas siif haa raawwatu!

9Namni garaa isaa keessatti yaada in qopheessa, Waaqayyo garuu tarkaanfii isaatti murtoo in godha.

8Ani waanan si amanadheef, ganama bariidhaan gaarummaan kee akka anatti dhaga'amu godhi! Lubbuun koo ol gara kee waan yaadduufis, karaa irra adeemuun anaaf ta'u ana beeksisi!

22mareen hin jiru yoo ta'e, wanti yaadame fiixaan hin ba'u; warri gorsa kennan yoo baay'atan garuu, fiixaan in ba'a;

21Yaada namaa keessa akeeka baay'eetu jira, garuu wanta Waaqayyo yaadee qopheessetu jabaatee dhaabata.

1Wanti hundinuu yeroo qaba, wanti bantii waaqaa jala jiru hundinuu yeroo qaba;

4Sooromuuf jettee of hin dadhabsiisin, of qabuu kee argisiisuufis ogummaa qabaadhu!

8Waaqayyo,“Yaadni koo akka yaada keessanii, karaan koos akka karaa keessanii miti;

29kunis immoo Waaqayyo gooftaa maccaa isa gorsi isaa dinqii, isa ogummaan isaa guddaa biraa dhufe.

12Nuyi ogummaa garaatti akka galfannutti, ati guyyoota jireenya keenyaa lakkaa'uu nu barsiisi!

9akkuma waaqni lafa irraa ol fagaatu, akkasuma karaan koo karaa keessan irraa, yaadni koos yaada keessan irraa in fagaata.

7Waaqayyo gooftaan murtoo isaa isa dhokatee jiru hojjetoota isaa warra raajotatti utuu hin mul'isin, tokko illee hojii irra hin oolchu.

31Nama humna isaa namatti argisiifatutti hin hinaafin, karaa isaa keessaas tokko illee hin fo'atin;

32namni micciiramaan Waaqayyo duratti in ciigga'ama, warri yaada qajeelaa qaban garuu in amanamu.

10Waaqayyo garuu hafuura qulqulluudhaan isa kana nutti mul'ise; hafuurri qulqulluun waan hundumaa, yaada Waaqayyoo isa gad fagoo iyyuu qoree bira in ga'a.