ፍቕሪ

6ፍቕሪ ከም ሞት ሓያል እያ እሞ፡ ከም ማሕተም ኣብ ልብኻ፡ ከም ማሕተም ኣብ ቅልጽምካ ኣቐምጠኒ። ቅንኢ ከም ሃደስ ጨካን እዩ፥ ከሰልታቱ ሓያል ሃልሃልታ ዘለዎ ፈሓም ሓዊ እዩ።

7ብዙሕ ማያት ንፍቕሪ ኬጥፍኣ ኣይኽእልን፣ ወሓይዝ እውን ኪዓብጥዋ ኣይክእልን እዩ።

30ንእግዚኣብሄር ኣምላኽካ ድማ ብዅሉ ልብኻን ብዅሉ ነፍስኻን ብዅሉ ሓሳብካን ብዅሉ ሓይልኻን ኣፍቅሮ፣ እዚኣ እታ ቀዳመይቲ ትእዛዝ እያ።

31እታ ካልአይቲ ድማ ከምዚ እያ፦ ንብጻይካ ከም ነፍስኻ ከተፍቅሮ ኣለካ። ካብዚ ዝዓቢ ትእዛዝ የለን።

32እቲ ጸሓፊ ድማ፡ ጽቡቕ፡ መምህር፡ ኣምላኽ ሓደ እዩ እሞ፡ ሓቂ ተዛሪብካ፡ በሎ። ብዘይካኡ ድማ ካልእ የልቦን።

33ብዅሉ ልብን ብዅሉ ሓሳብን ብዅሉ ነፍስን ብዅሉ ሓይልን ምፍቃር፡ ንብጻዩ ድማ ከም ገዛእ ርእሱ ምፍቃር፡ ካብ ኵሉ ዚሓርር መስዋእትን ግዳያትን ይበልጽ።

16ኣምላኽሲ፡ ብእኡ ዚኣምን ዘበለ ዅሉ ናይ ዘለኣለም ህይወት ምእንቲ ኺረክብ እምበር፡ ከይጠፍእ፡ ነቲ ሓደ ወዱ ኽሳዕ ዝሃቦ፡ ንዓለም ኣዝዩ ኣፍቀራ።

34ንሓድሕድኩም ክትፋቐሩ፡ ሓድሽ ትእዛዝ እህበኩም ኣለኹ። ከምቲ ኣነ ዘፍቀርኩኹም፡ ንስኻትኩምውን ንሓድሕድኩም ክትፋቐሩ ኣሎኩም።

35ንሓድሕድኩም ፍቕሪ እንተ ኣልዩኩም፡ በዚ ደቀ መዛሙርተይ ምዃንኩም ኵሉ ሰብ ኪፈልጥ እዩ።

21እቲ ትእዛዛተይ ዘለዎን ዚሕልዎን ንሱ እዩ ዘፍቅረኒ፤ ዘፍቅረኒ ዘበለ ድማ ብኣቦይ ክፍቀር እዩ፡ ኣነ ድማ ከፍቅሮን ክገልጸሉን እየ።

9ከምቲ ኣቦ ዘፍቀረኒ፡ ኣነውን ኣፍቀርኩኹም፡ ኣብ ፍቕረይ ጽናሕ።

10ትእዛዛተይ እንተ ሓሊኹም፡ ኣብ ፍቕረይ ክትጸንሑ ኢኹም። ልክዕ ከምቲ ትእዛዛት ኣቦይ ሓሊየ ኣብ ፍቕሩ ዝጸንዕኩ።

27ንስኻትኩም ስለ ዘፍቀርኩምኒን ካብ ኣምላኽ ከም ዝመጻእኩ ስለ ዝኣመንኩምን፡ ኣቦ ባዕሉ የፍቅረኩም ኣሎ።

8ኣምላኽ ግና ገና ሓጥኣን እናሃለና ክርስቶስ ምእንታና ሞይቱ ብምባል ፍቕሩ የርእየና።

37ኣይፋሉን፡ በዚ ዅሉ በቲ ዘፍቀረና ኣቢልና ካብ ሰዓርቲ ኢና።

38ሞት ኰነ ህይወት ወይ መላእኽቲ ወይ ስልጣናት ወይ ሓይልታት ወይ ህሉዋት ወይስ ዚመጽእ ከም ዘይኰነ ኣሚነ እየ።

39ቁመት ወይ ዕምቆት ወይ ካልእ ፍጡር ካብታ ብክርስቶስ የሱስ ጐይታና ዘላ ፍቕሪ ኣምላኽ ኪፈልየና ኣይክእልን እዩ።

7ፍቁራተይ፡ ፍቕሪ ካብ ኣምላኽ እያ እሞ፡ ንሓድሕድና ንፋቐር። ዘፍቅር ዘበለ ድማ ካብ ኣምላኽ ተወሊዱ ንኣምላኽ ይፈልጦ እዩ።

8ዘየፍቅር ንኣምላኽ ኣይፈልጦን እዩ። ምኽንያቱ ኣምላኽ ፍቕሪ እዩ።

10እታ ፍቕሪ እዚኣ እያ፡ ንሕና ንኣምላኽ ከም ዘፍቀርናዮ ዘይኰነስ፡ ንሱ ስለ ዘፍቀረና፡ ንወዱ ድማ መተዓረቒ ሓጢኣትና ኪኸውን ከም ዝለኣኾ እዩ።

11ኣቱም ፍቁራተይ፡ ኣምላኽ ከምኡ እንተ ኣፍቀረና፡ ንሕናውን ንሓድሕድና ንፋቐር።

12ንኣምላኽ ዝረኣዮ ሓደ እኳ የልቦን። ንሓድሕድና እንተተፋቒርና ኣምላኽ ኣባና ይነብር፡ ፍቕሩ ድማ ኣባና ፍጹም ኮይኑ ኣሎ።

16ነቲ ኣምላኽ ኣባና ዘለዎ ፍቕሪ ድማ ፈሊጥናዮን ኣሚንናዮን። ኣምላኽ ፍቕሪ እዩ፤ እቲ ብፍቕሪ ዚነብር ድማ ኣብ ኣምላኽ፡ ኣምላኽ ድማ ኣብኡ ይነብር።