Arjummaa

25namni arjaan in lalisa; namni dheebuu nama baasus dheebuu in baafama.

7Namni adduma addaan garaa duuba yookiis giddiidhaan utuu hin ta'in, akka garaa isaatti murtoo godhetti kennuutu isaaf ta'a; Waaqayyo nama gammachuudhaan kennu in jaallata.

38Kennaa, Waaqayyos isiniif in kenna; qodaa safaraa gaariitti dhidhiibamee kan nam'u, guutees kan irra dhangala'utu isiniif kennama; qodaa safaraa isin itti namaaf safartanitti, isiniif in safarama? jedhe.

12Namni kennuudhaaf qophaa'aa erga ta'ee, wanti inni dhi'eessu sun akka humna isaatti fudhatamaa ta'a malee, humna isaa gara irraatti miti.

11Waan hundumaatti akka arjoomtaniifis karaa hundumaa isin in badhaasa; arjummaa keessan isa nu harkaa fudhattaniif immoo namoonni baay'een Waaqayyoof galata in galchu.

5Namni araara argisiisuu fi namni liqeessu gaarii dha, inni jiruu isaa qajeeltootti in geggeeffata!

10Waaqayyo inni sanyii isa facaasuuf, buddeenas nyaachuudhaaf namaaf kennu, kennaa keessan isiniif in barakachiisa, ija tola keessan irraa galfattanis in baay'isa.

30Abbuma si kadhateef kenni, qabeenya kee isa si duraa fudhates, naa deebisi jettee, hin gaafatin!

5Isin keessaa nama tokkotti ogummaan yoo hir'ate, Waaqayyo isa nama hundumaaf harka guutee fuula ifaadhaan kennu haa kadhatu! Innis in kennaaf.

29inni warra dadhabaniif humna in kenna, warra aangoo hin qabneefis jabina in kenna;

13Egaa isin hamoota taatanii utuu jirtanii, ijoollee keessaniif kennaa gaarii kennuu erga beektanii, abbaan keessan inni waaqa irra ammoo, hammam isin caalaa warra isa kadhataniif hafuura qulqulluu kenna!? jedhe.