Of tuuluu

3Of tuulummaa keessan hin baay'isinaa! Of jajuunis afaan keessan keessaa hin ba'in! Waaqayyo gooftichi beekaa dha! Hojii namoota hundumaas miijana irra kaa'ee in ilaala.

12inni irree isaatiin galaana gab godhe, hubannaa isaatiinis Rahaab jawwee galaanaa sana in rukute;

4Namni Waaqayyoon amanannaa isaa godhatu, warra of bokoksanitti, warra amantii isaanii gananii, soba duukaa bu'anittis inni hin gorin haa gammadu!

13Waaqayyoon sodaachuun wanta hamaa jibbuu dha, ani of bokoksuu fi of gurguddisuu, karaa hamaadhaaf arraba dubbii micciiru nan jibba.

25Waaqayyo mana warra of gurguddisanii in jigsa, daarii haadha hiyyeessaa garuu in eega.

5Waaqayyo warra garaa isaaniitti of gurguddisan hundumaa in ciigga'a, isaan utuma harka wal qabatanii iyyuu utuu hin adabamin hin hafan.

18Of gurguddisuun badiisatti, of bokoksuunis kufaatiitti nama in geessa;

12badiisi utuu hin dhufin namni garaa isaatti of gurguddisa, ulfina dura garuu gad of deebisuutu dhufa.

3Wanta qajeelaa fi wanta dhugaa hojjechuun, aarsaa caalaatti Waaqayyo biratti fudhatamaa dha.

4Waan guddaatti of ilaaluun, of bokoksuun, wanti jal'oonni hojjetan hundinuus cubbuu dha.

23Of gurguddisuun, gad deebii namatti fida, kan gad of deebisu garuu, ulfina in argata.

21Warra yaada ofii isaaniitti ogeessota of se'aniif, warra afchaalota of se'aniif wayyoo!

12Namni ol of qabu gad in deebifama, namni gad of deebisus ol in qabama? jedhe.