ዔሳው

ዔሳው፣ ኤዶም ተባሂሉ እውን ዝፍለጥ፣ ወዲ ይስሃቅን ርብቃን በዅሪ ወዶም ከምኡ'ውን መንትያ ሓው እስራኤል (ወይ 'ያዕቆብ') ነበረ (ዘፍ 25:25-26)። ንሱ'ውን ብሉጽ ሃዳናይን ፍቑር ወዲ ኣቡኡን ነበረ (ዘፍ 25:27-28)። ዔሳው ኣዝዩ ምስ ጠመየ ንመብጽዓ በዅሪኡ ብሓንቲ ጽዋእ መረቕ ንያዕቆብ ሸጦ (ዘፍ 25:29-34)። ንወለዱ ዘሕዘኑ ክልተ ኬጢያውያን ኣንስቲ ኣእተወ (ዘፍ 26:34-35)። ዔሳው ብምኽንያት ምትላል ንበረኸት ኣቡኡ ንያዕቆብ ሰኣኖ (ዘፍጥረት 27)። ንያዕቆብ ቂም ሓዘሉ፣ ግን ድሕሪኡ ምስኡ ተዓረቐ (ዘፍጥረት 32-33)። ዔሳው ኤዶም ተባሂሉ ኣብ ዝፍለጥ ከረናዊ ሃገር ሴይር ሰፈረ (ዘፍ 36:8-9)። ሓሙሽተ ኣወዳት ነበሩዎ ኣቦ ኤዶማውያን ድማ ኮነ (ዘፍ 36:1-43)። ኤዶማውያን ድሕሪኡ ጸላእቲ እስራኤል ተባሂሎም ተቖጽሩ (ዘኍ 20:14-21;1ኛ ሳሙ 14:47;2ኛ ሳሙ 8:13-14)። ኣምላኽ ንያዕቆብ ምፍቃሩን ንዔሳው ድማ ዘይምቕባሉ ምሳሌ ልዑላውነቱ ኮይኑ የገልግል (ሚል 1:2-3;ሮሜ 9:13)።