ራእይ ዮሃንስ 6

AMHEVGአማርኛ17 ጥቅሶች3:10 አዳምጥ

አዳምጥ 3:10 · መደበኛ · አስደናቂ በBiblight ይክፈቱ

1በጉም ከሰባቱ ማኅተም አንዱን በፈታ ጊዜ አየሁ፥ ከአራቱም እንስሶች አንዱ ነጐድጓድ በሚመስል ድምፅ፦ “መጥተህ እይ፡” ሲል ሰማሁ።

2አየሁም፥ እነሆም፥ አምባላይ ፈረስ ወጣ፥ በእርሱም ላይ የተቀመጠው ቀስት ነበረው፥ አክሊልም ተሰጠው፥ ድልም እየነሣ ወጣ ድል ለመንሣት።

3ሁለተኛውንም ማኅተም በፈታ ጊዜ ሁለተኛው እንስሳ፦ “መጥተህ እይ” ሲል ሰማሁ።

4ሌላም ዳማ ፈረስ ወጣ፥ በእርሱም ላይ ለተቀመጠው ሰላምን ከምድር ይወስድ ዘንድ ሰዎችም እርስ በርሳቸው እንዲተራረዱ ሥልጣን ተሰጠው፥ ታላቅም ሰይፍ ተሰጠው።

5ሦስተኛውንም ማኅተም በፈታ ጊዜ ሦስተኛው እንስሳ፦ “መጥተህ እይ፡” ሲል ሰማሁ። አየሁም፥ እነሆም፥ ጕራቻ ፈረስ ወጣ፥ በእርሱም ላይ የተቀመጠው በእጁ ሚዛን ያዘ።

6በአራቱም እንስሶች መካከል ድምፅ፦ “አንድ እርቦ ስንዴ በዲናር ሦስት እርቦ ገብስም በዲናር፥ ዘይትንና ወይንንም አትጕዳ፡” ሲል ሰማሁ።

7አራተኛውንም ማኅተም በፈታ ጊዜ የአራተኛው እንስሳ ድምፅ፦ “መጥተህ እይ” ሲል ሰማሁ።

8አየሁም፥ እነሆም፥ ሐመር ፈረስ ወጣ፥ በእርሱም ላይ የተቀመጠው ስሙ ሞት ነበረ። ሲኦልም ተከተለው፤ በሰይፍና በራብም በሞትም በምድርም አራዊት ይገድሉ ዘንድ ከምድር በአራተኛዋ እጅ ላይ ሥልጣን ተሰጣቸው።

9አምስተኛውንም ማኅተም በፈታ ጊዜ፥ ስለ እግዚአብሔር ቃልና ስለ ጠበቁት ምስክር የታረዱትን የሰዎች ነፍሳት ከመሠዊያ በታች አየሁ።

10በታላቅ ድምፅም እየጮኹ፦ “ቅዱስና እውነተኛ ጌታ ሆይ፥ እስከ መቼ ድረስ አትፈርድም ደማችንንስ በምድር በሚኖሩት ላይ እስከ መቼ አትበቀልም?” አሉ።

11ለእያንዳንዳቸውም ነጭ ልብስ ተሰጣቸው፥ እንደ እነርሱም ደግሞ ይገደሉ ዘንድ ያላቸው የባሪያዎች ባልንጀራዎቻቸውና የወንድሞቻቸው ቍጥር እስኪፈጸም ድረስ፥ ገና ጥቂት ዘመን እንዲያርፉ ተባለላቸው።

12ስድስተኛውንም ማኅተም በፈታ ጊዜ አየሁ፥ ታላቅም የምድር መናወጥ ሆነ፥ ፀሐይም እንደ ማቅ ጠጕር ጥቁር ሆነ፥ ጨረቃም በሞላው እንደ ደም ሆነ፥

13በለስም በብርቱ ነፋስ ተናውጣ ቃርያዋን ፍሬ እንደምትጥል የሰማይ ከዋክብት ወደ ምድር ወደቁ፥

14ሰማይም እንደ መጽሐፍ ተጠቅልሎ አለፈ፥ ተራራዎችና ደሴቶችም ሁሉ ከስፍራቸው ተወሰዱ።

15የምድርም ነገሥታትና መኳንንት ሻለቃዎችም ባለ ጠጋዎችም ኃይለኛዎችም ባሪያዎችም ጌቶችም ሁሉ በዋሾችና በተራራዎች ዓለቶች ተሰወሩ፥

16ተራራዎችንና ዓለቶችንም፦ “በላያችን ውደቁ፡ በዙፋንም ከተቀመጠው ፊት ከበጉም ቍጣ ሰውሩን፤

17ታላቁ የቁጣው ቀን መጥቶአልና፥ ማንስ ሊቆም ይችላል?” አሉአቸው።

ማብራሪያ

ራእይ 6:1-8

በግ የሆነው ክርስቶስ የመጀመሪያውን ማኅተም ሲፈታ ምን እንደታየ እንመልከት። ነጭ ፈረስ የሚጋልብ ፈረሰኛ። ይህ ነጭ ፈረስ በመውጣቱ፣ የሰላም ዘመን፣ ወይም የክርስትና ሃይማኖት የመጀመሪያ ዕድገት የታሰበ ይመስላል፤ ሰማያዊ መስራቹ ሐዋርያቱን ሁሉንም ሕዝቦች እንዲያስተምሩ በላከበት ጊዜ፣ ‹እነሆ! እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ› በማለት የገባውን ቃል እንደሚያረጋግጥ፣ በንጽህና መውጣቱን ያሳያል። መለኮታዊው ሃይማኖት ዘውድ ደፍሮ ይወጣል፣ መለኮታዊ ሞገስ በላዩ ላይ ያረፈበት፣ በመንፈሳዊ መንገድ ጠላቶቹን የታጠቀ፣ በመጨረሻም ድል አድራጊ እንዲሆን የታሰበ ነው።

ሁለተኛውን ማኅተም ሲፈታ ቀይ ፈረስ ታየ፤ ይህ ደግሞ አጥፊ ፍርዶችን ያመለክታል። የጦርነትና የስደት ሰይፍ አስከፊ ፍርድ ነው፤ ከምድር ላይ ታላላቅ በረከቶች አንዱ የሆነውን ሰላምን ይወስዳል፤ እርስ በእርሳቸው መዋደድና መረዳዳት የነበረባቸው ሰዎች እርስ በእርሳቸው ለመገዳደል ተነሱ። እንደነዚህ ያሉት ትዕይንቶች ንጹህ ከሆነው የመጀመሪያ ክርስትና ዘመን በኋላም ተከስተዋል፤ የክርስትና መሪዎች፣ ፍቅርንና የሰላምን ገመድ ችላ ብለው፣ በመካከላቸው ተከፋፍለው፣ ወደ ሰይፍ ተማጽነው፣ በኃጢአት ውስጥ ተጠመዱ።

ሦስተኛውን ማኅተም ሲፈታ ጥቁር ፈረስ ታየ፤ ይህ ቀለም ሐዘንንና ሰቆቃን፣ ጨለማንና ድንቁርናን ያመለክታል። የተቀመጠበትም በእጁ ቀንበር ይዞ ነበር። በደቀ መዛሙርቱ ላይ የአጉል እምነት ሥርዓቶችን ቀንበር ለመጫን ሙከራዎች ተደርገዋል። የክርስትና ወንዝ ከንጹህ ምንጩ በራቀ መጠን፣ እየበሰበሰ ሄደ። ይህ ጥቁር ፈረስ በሚገፋበት ጊዜ፣ የሕይወት ፍላጎቶች በከፍተኛ ዋጋ የሚሸጡ ሲሆን፣ ይበልጥ ውድ የሆኑት ነገሮች ግን አይጎዱም። በትንቢታዊ አነጋገር፣ እነዚህ ነገሮች የሰዎችን ነፍሳት ለዘላለም ሕይወት የሚያቆይ የሃይማኖታዊ እውቀት ምግብን ያመለክታሉ፤ እንደዚህ ያለውን እንድንገዛ በኢሳያስ 55:1 ተጋብዘናል። ነገር ግን ጥቁሩ ፈረስ በሚያመለክተው የድንቁርናና የአጉል እምነት ጨለማ ደመና በክርስትናው ዓለም ላይ ሲሰራጭ፣ የእውነተኛው ሃይማኖት እውቀትና ተግባር ብርቅ ሆነ። ሕዝብ መንፈሳዊ ምግባሩን ሲጠላ፣ እግዚአብሔር የዕለት እንጀራቸውን ማሳጣት ፍትሐዊ ሊሆን ይችላል። የእንጀራ ራብ አስከፊ ፍርድ ነው፤ ነገር ግን የቃሉ ራብ ከዚህ የከፋ ነው።

አራተኛውን ማኅተም ሲፈታ፣ ሌላ ፈረስ ታየ፣ ቀለሙም የገረጣ ነበር።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV I watched as the Lamb opened the first of the seven seals. Then I heard one of the four living creatures say in a voice… English BCV እቲ በጊዕ፥ ካብቲ ሸውዓተ ማሕተማት፥ ነቲ ቐዳማይ ክፈትሖ እንተሎ ረአኹ። ሓደ ኻብቶም ኣርባዕተ እንስሳ ድማ፥ ከም ነጐድጓድ ብዝመስል ድምፂ፥ “ነዓ ረአ” እንትብል ሰማዕኹ። ትግርኛ GAZBIB Kana booddee hoolichi mallattoowwan torban keessaa isa tokko utuu banuu nan arge; uumama lubbuu qaban arfan keessaa imm… Afaan Oromoo BCV GIZ ወሶበ ፈትሐ ዝክቱ በግዕ አሐደ ማኅተመ እምነ ሰብዐቱ ማኅተሚሃ ይቤለኒ አሐዱ እምነ እልክቱ አርባዕቱ እንስሳሁ፦ “ነዓ ርኢ”፤ ወሰማዕኩ ቃሎ ከመ ነጐድጓድ። giz GAZGAZ Kana booddee hoolichi mallattoowwan torban keessaa isa tokko utuu banuu nan arge; uumama lubbuu qaban arfan keessaa imm… Afaan Oromoo BCV aksum እቲ በጊዕ፥ ካብቲ ሸውዓተ ማሕተማት፥ ነቲ ቐዳማይ ክፈትሖ እንተሎ ረአኹ። ሓደ ኻብቶም ኣርባዕተ እንስሳ ድማ፥ ከም ነጐድጓድ ብዝመስል ድምፂ፥ “ነዓ ረአ” እንትብል ሰማዕኹ። ትግርኛ AMHNIV በጉም ከሰባቱ ማኅተሞች የመጀመሪያውን ሲፈታ አየሁ፤ ከዚያም ከአራቱ ሕያዋን ፍጡራን አንዱ፣ ነጐድጓድ በሚመስል ድምፅ “ና!” ሲል ሰማሁ። አማርኛ SWAHSUV Kisha nikaona napo MwanaKondoo alipofungua moja ya zile muhuri saba, nikasikia mmoja wa wale wenye uhai wanne akisema, … Kiswahili