ራእይ ዮሃንስ 5

AMHEVGአማርኛ13 ጥቅሶች2:33 አዳምጥ

አዳምጥ 2:33 · መደበኛ · አስደናቂ በBiblight ይክፈቱ

1በዙፋኑ ላይም በተቀመጠው በቀኝ እጁ ላይ በውስጥና በኋላ የተጻፈበት በሰባትም ማኅተም የተዘጋ መጽሐፍን አየሁ።

2ብርቱም መልአክ፦ “መጽሐፉን ይዘረጋ ዘንድ ማኅተሞቹንም ይፈታ ዘንድ የሚገባው ማን ነው?” ብሎ በታላቅ ድምፅ ሲያውጅ አየሁ።

3በሰማይም ቢሆን በምድርም ላይ ቢሆን ከምድርም በታች ቢሆን መጽሐፉን ሊዘረጋ ወይም ሊመለከተው ማንም አልተቻለውም።

4መጽሐፉን ሊዘረጋ ወይም ሊመለከተው የሚገባው ማንም ስላልተገኘ እጅግ አለቀስሁ።

5ከሽማግሌዎቹም አንዱ፦ “አታልቅስ፤ እነሆ፥ ከይሁዳ ነገድ የሆነው አንበሳ እርሱም የዳዊት ሥር መጽሐፉን ይዘረጋ ዘንድ ሰባቱንም ማኅተም ይፈታ ዘንድ ድል ነሥቶአል፡” አለኝ።

6በዙፋኑና በአራቱ እንስሶች መካከልም በሽማግሌዎችም መካከል እንደ ታረደ በግ ቆሞ አየሁ፥ ሰባትም ቀንዶችና ሰባት ዓይኖች ነበሩት እነርሱም ወደ ምድር ሁሉ የተላኩ የእግዚአብሔር መናፍስት ናቸው።

7መጥቶም በዙፋን ላይ ከተቀመጠ ከዚያ ከቀኝ እጁ መጽሐፉን ወሰደው።

8መጽሐፉንም በወሰደ ጊዜ አራቱ እንስሶችና ሀያ አራቱ ሽማግሌዎች በበጉ ፊት ወደቁ፥ እያንዳንዳቸውም በገናንና የቅዱሳን ጸሎት የሆነ ዕጣን የሞላበትን የወርቅ ዕቃ ያዙ።

9“መጽሐፉን ትወስድ ዘንድ ማኅተሞቹንም ትፈታ ዘንድ ይገባሃል፥ ታርደሃልና፥ª በደምህም ለእግዚአብሔር ከነገድ ሁሉ ከቋንቋም ሁሉ ከወገንም ሁሉ ከሕዝብም ሁሉ ሰዎችን ዋጅተህ ለአምላካችን መንግሥትና ካህናት ይሆኑ ዘንድ አደረግሃቸው፥ በምድርም ላይ ይነግሣሉ፡” እያሉ አዲስን ቅኔ ይዘምራሉ።

11አየሁም፥ በዙፋኑም በእንስሶቹም በሽማግሌዎቹም ዙሪያ የብዙ መላእክትን ድምፅ ሰማሁ፤ ቍጥራቸውም አእላፋት ጊዜ አእላፋትና ሺህ ጊዜ ሺህ ነበር፥

12በታላቅም ድምፅ አሉ፦ “የታረደው በግ ኃይልና ባለ ጠግነት ጥበብም ብርታትም ክብርም ምስጋናም በረከትም ሊቀበል ይገባዋል።

13በሰማይና በምድርም ከምድርም በታች በባሕርም ላይ ያለ ፍጥረት ሁሉ በእነርሱም ውስጥ ያለ ሁሉ፦ በረከትና ክብር ምስጋናም ኃይልም ከዘላለም እስከ ዘላለም በዙፋኑ ላይ ለተቀመጠው፥ ለበጉም ይሁን፡” ሲሉ ሰማሁ።

14አራቱም እንስሶች፦ “አሜን” አሉ፥ ሽማግሌዎቹም ወድቀው ሰገዱ።

ማብራሪያ

ራእይ 5:1-7

ሐዋርያው በዙፋኑ ላይ የተቀመጠው በእጁ በዚያን ጊዜ በልማድ በሚታወቀው መልኩ የተጠቀለለ የብራና ጥቅልል አየ፤ እርሱም በሰባት ማኅተሞች የታተመ ነበር። ይህ ሊገለጡ ያሉት የእግዚአብሔርን ምስጢራዊ ዓላማዎች ይወክል ነበር። መለኮታዊው አምላካዊ ጥበቃ (ፕሮቪደንስ) በቤተክርስቲያኗና በዓለም ላይ ያለው እቅድና አፈጻጸም፣ ተወስኖ፣ ጸንቶ፣ መዝገብ ላይ ተመዝግቦ ይገኛል። የእግዚአብሔር ምክሮች በፍጹም ከፍጥረት ዓይንና ግንዛቤ የተሰወሩ ናቸው። የተለያዩት ክፍሎች በአንዴ አይፈቱም አይከፈቱም፤ ይልቁንም፣ የእግዚአብሔር ምክርና አድራጎት ምስጢር ሁሉ በዓለም እስኪፈጸም ድረስ፣ እርስ በእርስ ተከታትለው ይገለጣሉ።

ፍጥረታት ሊከፍቱትም ሊያነቡትም አይችሉም፤ ጌታ ብቻ እርሱን ማድረግ ይችላል። እግዚአብሔርን በብዛት ያዩት ይበልጥ ለማየት ይጓጓሉ፤ ክብሩንም ያዩ ፈቃዱን ለማወቅ ይፈልጋሉ። ነገር ግን መልካም ሰዎችም ቢሆኑ የመለኮታዊውን አድራጎት ምስጢሮች ለማየት በጣም ይቸኩሉና ይጣደፉ ይሆናል። እንዲህ ያሉት ፍላጎቶች በቶሎ ካልተመለሱ፣ ወደ ሐዘንና ትካዜ ይቀየራሉ። ዮሐንስ የእግዚአብሔርን ድንጋጌዎች መጽሐፍ ማየት ባለመቻሉ እጅግ ካለቀሰ፣ ብዙዎች የክርስቶስን ወንጌል ባለማወቃቸው ምን ያህል እንባ ሊያፈሱ ይገባል! ዘላለማዊ ድነት የተመካው በእርሱ ላይ አይደለምን! በዚህ ዓለም ውስጥ ስለ ራሳችን የሆኑ የወደፊት ክስተቶችን መተንበይ ስለማንችል ማልቀስ አያስፈልገንም፤ የወደፊቱን ተስፋ በጉጉት መጠበቅ ወይም የወደፊት አደጋዎችን አስቀድሞ ማየት አሁን ላለው ተግባርና ትግል ብቁ እንዳንሆን ያደርገናል፣ ወይም ደግሞ የበለጸጉ ቀናቶ…

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV Then I saw in the right hand of him who sat on the throne a scroll with writing on both sides and sealed with seven sea… English BCV ኣብ የማን እቲ ኣብ ዙፋን ተቐሚጡ ዘሎ ድማ፥ ብውሽጡን ብደገኡን ዝተፅሓፈ፥ ብሸውዓተ ማሕተም ዝተሓትመ፥ ጥቕሉል መፅሓፍ ረአኹ። ትግርኛ GAZBIB Yommus ani mirga isa teessoo irra taa'e sanaatti macaafa maramee taa'u tokko nan arge; macaafichis keessaa fi duubaan c… Afaan Oromoo BCV GIZ ወእምዝ ርኢኩ ውስተ የማኑ ለውእቱ ዘይነብር ዲበ መንበር መጽሐፈ ጽሕፍተ እንተ ውስጣ ወእንተ አፍኣሃ ወኅትምት በሰብዐቱ ማኅተም። giz GAZGAZ Yommus ani mirga isa teessoo irra taa'e sanaatti macaafa maramee taa'u tokko nan arge; macaafichis keessaa fi duubaan c… Afaan Oromoo BCV aksum ኣብ የማን እቲ ኣብ ዙፋን ተቐሚጡ ዘሎ ድማ፥ ብውሽጡን ብደገኡን ዝተፅሓፈ፥ ብሸውዓተ ማሕተም ዝተሓትመ፥ ጥቕሉል መፅሓፍ ረአኹ። ትግርኛ AMHNIV በዙፋኑ ላይ የተቀመጠው በውስጥና በውጭ በኩል የተጻፈበት፣ በሰባት ማኅተም የታሸገ ጥቅልል መጽሐፍ በቀኝ እጁ ይዞ አየሁ። አማርኛ SWAHSUV Kisha nikaona katika mkono wa kuume wake yeye aliyeketi juu ya kile kiti cha enzi kitabu kilichoandikwa ndani na nyuma,… Kiswahili