ትንቢት ሆሴእ 11

BCV aksumትግርኛ12 ፍቕድታት1:59 ስማዕ

ስማዕ 1:59 · መደበኛ ኣብ Biblight ክፈት

1“ንእስራኤል ገና ህፃን እንተሎ ኣፍቀርክዎ፤ ንወደይውን ካብ ግብፂ ፀዋዕኽዎ።

2ብመጠን ኣብዚሐ ዝፀዋዕኽዎም ከዓ ኻባይ ረሓቑ፤ ንሳቶም ንበዓሊም ሰውኡ፤ ንዝተቐረፁ ምስልታት ከዓ ዓጠኑ።

3ኣነውን ንኤፍሬም ኢዱ ሒዘ ታተ ኣበልክዎ፤ ግና ዝፈወስክዎም ኣነ ኸም ዝኾንኩ ንሳቶም ኣየስተውዓሉን።

4ኣነ ብናይ ሰብ ገመድ፥ ብናይ ፍቕሪ መእሰሪ ናባይ ሰሓብክዎም፤ ነቲ ኣርዑትውን ካብ ክሳዶም ኣልዓልኩሎም፤ ዝብላዕውን ኣቕረብኩሎም።”

5“ናባይ ክምለሱ ግና ኣይፈተዉን እሞ፥ ናብ ምድሪ ግብፂ ኽምለሱ እዮም፤ ኣሶርውን ንጉሶም ክኸውን እዩ፤

6ስለ እቲ ዝተማኸርዎ ምኽሪ ኸዓ፥ ኣብ ከተማታቶም ሰይፊ ኽምዘዝ፥ ንዓበይቶምውን ከጥፍእ እዩ።

7ህዝበይ ብምዕማፅ፥ ልቡ ኻባይ ረሓቐ። ናብቲ ልዑል እንተ ፀውዕዎም እኳ፥ ልዕል ልዕል ከብሎም ኣይኽእልን።”

8ኦ ኤፍሬም ከመይ ገይረ ኽሓድገካ? ኦ እስራኤል፥ ከመይ ገይረ ኣሕሊፈ ኽህበካ? ከመይ ገይረኸ ኸም ኣዳማ ኽድርብየካ? ከመይከ ኸም ሲባዮ ኽገብረካ? ልበይ ኣብ ውሽጠይ ተናወፀ፤ ኵሉ ምሕረተይውን ተለዓዒሉ እዩ።

9ኣነ ኣምላኽ እየ እምበር ሰብ ኣይኮንኩንሞ፥ ኣብ ማእኸልኩምውን ቅዱስ እየ እሞ፥ ብናህሪ፥ ቍጥዓይ ኣየምፅእን እየ፤ መቕሰፍቲ ቝጥዓይ ኣየውፅእን እየ፤ ንኤፍሬም ከጥፍእ ድማ ኣይምለስን፤ ብመዓትውን ኣይመፅእን።

10ንሱ ይጓዝም፥ እቶም ደቂ ኸዓ እናንቀጥቀጡ፥ ካብ ምዕራብ ይመፁ እሞ፥ ደድሕሪ እቲ ኸም ኣንበሳ ዝጓዝም እግዚኣብሄር ይኸዱ።

11ካብ ግብፂ ኸም ዒፍ፥ ካብ ምድሪ ኣሶር ድማ፥ ከም ርግቢ እናንቀጥቀጡ ኽመፁ እዮም፤ ኣነውን ኣብ ኣባይቶም ከንብሮም እየ፤ ይብል እግዚኣብሄር።

12ኤፍሬም ብሓሰት፥ ቤት እስራኤል ድማ ብተንኰል ከበበኒ፤ ይሁዳ ኸዓ ምስቲ እሙን ቅዱስ እግዚኣብሄር ኣይፀንዕን።

ትርጓሜ

11:1-7

እስራኤል ከም ቆልዑ ድኹማትን ሓገዝ ዘይብሎምን፡ ከም ቆልዑ ድማ ዓያይን ተንኮለኛታትን ምስ ኮኑ፡ ሽዑ ኣምላኽ ፈተዎም። ከምቲ ሓንቲ ማሕረት እተጠብእ ሕጻን እትጸውሮ፡ ጸዓሮም፡ መገቦም፡ ባህርዮም ድማ ተዓገሰ። ኩሎም ዝዓበዩ፡ ኣምላኽ ኣብ ንእስነቶም ብዛዕባ እተገበረሎም ሰናይ ነገር ብተደጋጋሚ ኸመሓስቡ ይግባእ። ይከናኸኖም ነበረ፡ ምእንታኦም ድማ ይደክም ነበረ፡ ከም ኣቦ ወይ መምህር ጥራይ ዘይኮነስ፡ ከም ኣደ ወይ ማሕረት እውን። ኣብ ምድረ በዳ ምስ ነበሩ፡ ኣምላኽ ኪኸዱሉ ዝግባእ መገዲ ኣርኣዮም። ብኢዶም ሒዙ ድማ ደገፎም። በቲ ብሙሴ እተዋህበ ስርዒታዊ ሕጊ፡ መገዲ ትእዛዛቱ መሃሮም። ከይጠፍኡ ምእንቲ ኺመርሖም፡ ብኢዶም ሒዝዎም ነበረ። ከይዕንቀፉን ከይወድቁን ምእንቲ ኺድግፎም ድማ። መንፈሳዊት እስራኤል ኣምላኽ ኩላቶም ከምዚ ኾይኖም ይድገፉ።

ንድኻታት ነፍሳት ናብ ርእሱ ምምጻእ ግብሪ ኣምላኽ እዩ። ንሱ ኸይሳሓቦም ድማ ሓደ እኳ ናብኡ ኺመጽእ ኣይክእልን። ብማእሰርቲ ፍቕሪ፤ እዚ ቃል እዚ ኻብቲ ቅድሚኡ ዝነበረ ዝያዳ ሓያል ዝኾነ መትረብ የርኢ። ንነዊሕ እዋን እናኣቃረሩሉ ዝነበሩ ጾር ኣረፍናዮም። እስራኤል ንኣምላኽ ኣዝዩ ዘየመስግን እዩ። ምኽርታት ኣምላኽ ምኣድሓኖም ነይሩ፡ ግናኸ ምኽሮም እዩ ኣጥፍኦም። ይምለሱ እዮም።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG እስራኤል ሕፃን በነበረ ጊዜ ወደድሁት፥ ልጄንም ከግብፅ ጠራሁት። አማርኛ ENGNIV “When Israel was a child, I loved him, and out of Egypt I called my son. English BCV “ንእስራኤል ገና ህፃን እንተሎ ኣፍቀርክዎ፤ ንወደይውን ካብ ግብፂ ፀዋዕኽዎ። ትግርኛ GAZBIB “Israa'el ijoollee yeroo turetti ani isa nan jaalladhe, biyya Gibxii keessaas ilma koo nan waame. Afaan Oromoo BCV GIZ እስመ ሕፃን ውእቱ እስራኤል እስመ አነ አፍቀርክዎ፤ እምግብፅ ጸዋዕክዎ ለወልድየ። giz GAZGAZ “Israa'el ijoollee yeroo turetti ani isa nan jaalladhe, biyya Gibxii keessaas ilma koo nan waame. Afaan Oromoo AMHNIV “እስራኤል ገና ሕፃን ሳለ ወደድሁት፤ ልጄንም ከግብፅ ጠራሁት። አማርኛ SWAHSUV Israeli alipokuwa mtoto, nalikuwa nikimpenda, nikamwita mwanangu atoke Misri. Kiswahili