ትንቢተ ሆሴዕ 11

AMHEVGአማርኛ12 ጥቅሶች1:44 አዳምጥ

አዳምጥ 1:44 · መደበኛ · አስደናቂ በBiblight ይክፈቱ

1እስራኤል ሕፃን በነበረ ጊዜ ወደድሁት፥ ልጄንም ከግብፅ ጠራሁት።

2አብዝቼ ብጠራቸው አጥብቀው ከፊቴ ራቁ፤ ለበኣሊምም ይሠዉ ነበር፥ ለተቀረጹ ምስሎችም ያጥኑ ነበር።

3እኔም ኤፍሬምን ክንዱን ይዤ በእግሩ እንዲሄድ መራሁት፤ እኔም እፈውሳቸው እንደ ነበርሁ አላወቁም።

4በሰው ገመድ በፍቅርም እስራት ሳብኋቸው፤ ለእነርሱም ቀምበርን ከጫንቃቸው ላይ እንደሚያነሣ ሆንሁ፥ ድርቆሽም ጣልሁላቸው።

5ወደ እኔ ይመለሱ ዘንድ አልወደዱምና ወደ ግብፅ ምድር ይመለሳሉ፥ አሦርም ንጉሣቸው ይሆናል።

6ከመከሩትም ምክር የተነሣ ሰይፍ በከተሞቻቸው ላይ ይወድቃል፥ ከበርቴዎችንም ያጠፋል።

7ሕዝቤም ከእኔ ይመለሱ ዘንድ ወደዱ፤ ወደ ላይም ቢጠሩአቸው ማንም ከፍ ከፍ ያደርጋቸው ዘንድ አይችልም።

8ኤፍሬም ሆይ፥ እንዴት እጥልሃለሁ? እስራኤል ሆይ፥ እንዴትስ አሳልፌ እሰጥሃለሁ? እንዴትስ እንደ አዳማ እጥልሃለሁ? እንዴትስ እንደ ሲባዮ አደርግሃለሁ? ልቤ በውስጤ ተናውጣለች፥ ምሕረቴም ተነሣሥታለች።

9እኔ አምላክ ነኝ እንጂ ሰው አይደለሁምና፥ በመካከልህም ቅዱሱ ነኝና የቁጣዬን መቅሠፍት አላደርግም፥ ኤፍሬምንም አጠፋ ዘንድ አልመለስም፤ በመዓትም አልመጣም።

10እግዚአብሔርን ይከተላሉ፥ እርሱም እንደ አንበሳ ያገሣል፤ ባገሣም ጊዜ ልጆች እየተንቀጠቀጡ ከምዕራብ ይመጣሉ።

11እንደ ወፍም ከግብፅ፥ እንደ ርግብም ከአሦር ምድር እየተንቀጠቀጡ ይመጣሉ፤ በቤታቸውም አኖራቸዋለሁ፥ ይላል እግዚአብሔር።

12ኤፍሬም በሐሰት፥ የእስራኤልም ቤት በተንኰል ከበበኝ፤ ይሁዳም ከታመነው ቅዱሱ ከእግዚአብሔር ጋር አይጸናም።

ማብራሪያ

11:1-7 እስራኤል እንደ ሕፃናት ደካማና ረዳት አልባ በነበሩበት ጊዜ፣ ደግሞም እንደ ሕፃናት የዋሃንና ጠማማ በነበሩበት ጊዜ፣ ያን ጊዜ እግዚአብሔር ወደዳቸው፤ አጥቢ እናት ጨቅላ ሕፃንን እንደምትሸከም እርሱም ተሸከማቸው፣ መገባቸውም፣ ድርጊታቸውንም ታገሰ። ያደጉ ሁሉ፣ በልጅነታቸው እግዚአብሔር ያሳየውን መልካምነት ዘወትር ሊያስታውሱ ይገባል። እርሱ ተንከባከባቸው፣ ደከመላቸው፣ እንደ አባትና አስተማሪ ብቻ ሳይሆን፣ እንደ እናትና አሳዳጊም ጭምር። በምድረ በዳ በነበሩበት ጊዜ፣ እግዚአብሔር የሚሄዱበትን መንገድ አሳያቸው፣ እጆቻቸውን በመያዝ ደግፎ ተሸከማቸው። በሙሴ በተሰጠው የሥርዓት ሕግ የትእዛዛቱን መንገድ አስተማራቸው። እንዳይሳሳቱ ለመምራት እጆቻቸውን ያዛቸው፣ እንዳይሰናከሉና እንዳይወድቁም ደግፎ ያዛቸው። የእግዚአብሔር መንፈሳዊ እስራኤል ሁሉም እንዲሁ ይደገፋሉ።

ድሆችን ነፍሳትን ወደ ራሱ መሳብ የእግዚአብሔር ሥራ ነው፤ እርሱ ካልሳባቸው በቀር ማንም ወደ እርሱ ሊመጣ አይችልም። በፍቅር ገመዶች፤ ይህ ቃል ከቀድሞዎቹ የበለጠ ጠንካራ ገመዶችን ያመለክታል። ለረጅም ጊዜ ሲያቃስሱበት ከነበረው ሸክሞች አሳረፋቸው። እስራኤል ለእግዚአብሔር እጅግ በጣም ምስጋና ቢስ ነው። የእግዚአብሔር ምክሮች ባዳኗቸው ነበር፣ የራሳቸው ምክሮች ግን አጠፏቸው።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV “When Israel was a child, I loved him, and out of Egypt I called my son. English BCV “ንእስራኤል ገና ህፃን እንተሎ ኣፍቀርክዎ፤ ንወደይውን ካብ ግብፂ ፀዋዕኽዎ። ትግርኛ GAZBIB “Israa'el ijoollee yeroo turetti ani isa nan jaalladhe, biyya Gibxii keessaas ilma koo nan waame. Afaan Oromoo BCV GIZ እስመ ሕፃን ውእቱ እስራኤል እስመ አነ አፍቀርክዎ፤ እምግብፅ ጸዋዕክዎ ለወልድየ። giz GAZGAZ “Israa'el ijoollee yeroo turetti ani isa nan jaalladhe, biyya Gibxii keessaas ilma koo nan waame. Afaan Oromoo BCV aksum “ንእስራኤል ገና ህፃን እንተሎ ኣፍቀርክዎ፤ ንወደይውን ካብ ግብፂ ፀዋዕኽዎ። ትግርኛ AMHNIV “እስራኤል ገና ሕፃን ሳለ ወደድሁት፤ ልጄንም ከግብፅ ጠራሁት። አማርኛ SWAHSUV Israeli alipokuwa mtoto, nalikuwa nikimpenda, nikamwita mwanangu atoke Misri. Kiswahili