1ይ ቆረንቶስ 6

BCV aksumትግርኛ20 ፍቕድታት3:00 ስማዕ

ስማዕ 3:00 · መደበኛ ኣብ Biblight ክፈት

1ሓደ ኻባኻትኩም ምስ ብፃዩ ኽርክር እንተ ሃልይዎ፥ ጉዳዩ ኣብ ቅድሚ ቅዱሳን ክንዲ ምቕራብ፥ ከመይ ደፊሩ ኣብ ቅድሚ ዘይኣምኑ፥ ንምፍራድ ይቐርብ?

2ወይ ከዓ ቅዱሳን፥ ንዓለም ከም ዝፈርዱዶ ኣይትፈልጡን ኢኹም? ንዓለም እትፈርዱ ኻብ ኮንኩም ደኣ፥ ነዝ ኣናእሽተይ ነገራት ንምፍራድ ከመይ ዘይትበቕዑ?

3ንመላእኽቲ ኸም እንፈርድዶ ኣይትፈልጡን ኢኹም? ናይዛ ዓለም እዚኣ ነገር ግዳ፥ ከመይ ዘይንፈርድ?

4እሞኸ ደኣ፥ ብነገር እዛ ዓለም እዚኣ ዝዳነ እንተ ሃልዩኩም፥ ስለ ምንታይ ነቶም ብቤተ ክርስቲያን ዝተንዓቑ ሰባት፥ ፈረድቲ ትገብሩዎም?

5ከሕፍረኩም ኢለ እየ ነዙይ ዝዛረብ ዘለኹ፤ ኣብ መንጎ ኣመንቲ ኽዓርቕ ዝኽእል፥ ለባም ሰብዶ የብልኩምን?

6እኳ ደኣ፥ ሓው ንሓዉ፥ ኣብ ቅድሚ እቶም ዘይኣምኑ ይኸስስ ኣሎ!

7ኣብ ንሰንሳትኩም ምክሳስ ምህላዉ፥ ብርግፅ ውርደት እዩ፤ እንተ እትብደሉዶ ኣይመሐሸን? እንተ እትግፍዑዶ ኣይምሐሸን?

8መሕልፎ ንስኻትኩም ነሕዋትኩም እንተይተረፈ፥ ትብድሉን ትገፍዑን ኣለኹም።

9ዓመፅቲ፥ ንመንግስቲ እግዚኣብሄር ከም ዘይወርስዋዶ ኣይትፈልጡን ኢኹም? ኣይትጋገዩ፤ ኣመንዝራታት ወይ መምለኽቲ ጣዖት፥ ዘመውቲ ወይ ግብሪ ሰዶም ዝገብሩ፥

10ሰረቕቲ፥ ወይ ስሱዓት፥ ወይ ሰካራማት፥ ወይ ተፃረፍቲ፥ ወይ ከተርቲ፥ ንመንግስቲ እግዚኣብሄር ኣይወርስዋን እዮም።

11ገሊኻትኩም ከምኣቶም ኔርኩም ኢኹም። ግና ብስም ጐይታና ኢየሱስ ክርስቶስን፥ ብመንፈስ ኣምላኽናን፥ ተሓፂብኩምን ተቐዲስኩምን ፀዲቕኩምን ኢኹም።

12ኵሉ ተፈቒዱለይ እዩ፤ ግና ዅሉ ኣይጠቅምን እዩ። ኵሉ ተፈቒዱለይ እዩ፤ ኣነ ግና፥ ናይ ሓደ ነገር እኳ፥ ግዙእ ክኸውን ኣይደልን እየ።

13ብልዒ ንኸብዲ፥ ከብዲ ኸዓ ንብልዒ እዩ፤ እግዚኣብሄር ግና ነዙይን ነቱይን ከጥፍኦም እዩ። ሰብነት ንእግዚኣብሄር፥ እግዚኣብሄርውን ንሰብነት እዩ እምበር፥ ሰብነት ንምንዝርና ኣይኮነን።

14እግዚኣብሄር ድማ፥ ከምቲ ንጐይታና ኻብ ምዉታን ዘተስኦ፥ ንኣናውን ብሓይሉ ኸተስአና እዩ።

15እቲ ሰብነትኩም፥ ኣካል ክርስቶስ ምዃኑዶ ኣይትፈልጡን ኢኹም? እሞኸ ደኣ ንኣካል ክርስቶስ ወሲደ፥ ኣካል ኣመንዝራዶ ኽገብሮ(ሀ) ይግባእ እዩ? ኣይግባእን!

16መፅሓፍ “ክልቲኦም ሓደ ኣካል ክኾኑ እዮም” ከም ዝብል፥ ምስ ኣመንዝራ ዝዘመወ፥ ምስኣ ሓደ ኣካል ከም ዝኸውንዶ፥ ኣይትፈልጡን ኢኹም?

17እቲ ምስ ጐይታ ሓደ ዝኸውን ግና፥ ምስኡ ሓደ መንፈስ እዩ።

18ካብ ዝሙት ረሓቑ፤ ሰብ ዝገብሮ ዅሉ ሓጢኣት፥ ካብ ሰብነቱ ወፃኢ እዩ ዝገብሮ፤ ዝምንዝር ግና፥ ኣብ ናይ ባዕሉ ሰብነት እዩ ዝብድል።

19ሰብነትኩም፥ ቤተ መቕደስ ናይቲ ኻብ እግዚኣብሄር ዝተቐበልኩምዎ፥ ኣብ ውሽጥኹም ዘሎ መንፈስ ቅዱስ ከም ዝኾነዶ፥ ኣይትፈልጡን ኢኹም? እምበኣር ናይ ባዕልትኹም ኣይኮንኩምን።

20ብዋጋ ኢኹም ዝተዓደግኩም፤ ስለዙይ ንእግዚኣብሄር ብሰብነትኩም ኣኽብርዎ።

ትርጓሜ

6:1-8 ክርስትያናት ንሓድሕዶም ክካትዑ የብሎምን፥ ከመይሲ ኣሕዋት እዮም። እዚ ብግቡእ እንተተገቲሩ፡ ብዙሓት ሕጋዊ ጉዳያት ምኣኸለ፡ ብዙሓት ምፍልላያትን ግርጭታትን ድማ ምወድአ።

ኣብ ልዕሌና ወይ ኣብ ልዕሊ ስድራና ዓቢ ጉድኣት ዘስዕብ ነገራት እንተሃለወ፡ ንርእስና ንምምልላስ ሕጋዊ መንገዲ ክንጥቀም ንኽእል ኢና፥ ግናኸ ክርስትያናት ይቕረ በሃልቲ ክኾኑ ይግብኦም። እቲ ምፍልላይ ዘስዓበ ጉዳያት ኣብ ክንዲ ብዛዕባኡ ናብ ሕጊ ምብጻሕ፡ ኣቕርብዎም። ንኣሽቱ ነገራት እዮም፡ ቅድሚ ኩሉ ንገዛእ ርእስኹም እንተተቖጻጸርኩም ድማ ብቐሊሉ ክፈትሑ ይኽእሉ። ተጻወሩን ተዋሓሓዱን፥ እቶም ኣብ ማእከልኩም ዘለዉ ዝነኣሰ ፍልጠት ዘለዎም ሰባት እውን ንምፍልላያትኩም ክፍጽምዎ ይኽእሉ።

ንኣሽቱ ምፍልላያት ኣብ ማእከል ክርስትያናት ክሳዕ ክንድዚ ዓብዩ፡ በቶም ኣሕዋት ክፍታሕ ዘይከኣል ምዃኑ ሓፍረት እዩ። ሰላም ናይ ሓደ ሰብ ልቢ፡ ከምኡ ድማ ህድኣት ናይ ከባቢኡ ካብ ዓወት ዝበዝሕ ዋጋ ኣለዎ። ሕጋዊ ጉዳያት ኣብ ማእከል ኣሕዋት ኣይምስፋሕን፡ ኣብኦም ጌጋታት እንተዘይተረኺቡ።

ቍ. 6:9-11

ቆሮንቶሳውያን ካብ ብዙሓት ዓበይቲ ክፍኣታት ተጠንቂቖም እዮም፡ ቅድሚኡ ገበነኛታት ዝነበሩሉ ወይ ዝፈጸምዎ ዝነበሩ። እዘን ሕቶታት እዚአን ብዙሕ ሓይሊ ኣለወን፡ እንተድኣ ንጥበብን ፍልጠትን ብዝምልከት ካብ ካልኦት ንላዕሊ ንሕና ኢና ብዝብል ትዕቢት ንዝተሓብኡ ህዝቢ ከም ዝተዋህባ ኣብ ግምት ኣእቲና። ኵሉ ዘይጽድቂ ሓጢኣት እዩ።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG ከእናንተ አንዱ ከባልንጀራው ጋር ሙግት ቢኖረው በቅዱሳን ፊት በመፋረድ ፋንታ በዓመፀኞች ፊት ሊፋረድ ይደፍራልን? አማርኛ ENGNIV If any of you has a dispute with another, dare he take it before the ungodly for judgment instead of before the saints? English BCV ሓደ ኻባኻትኩም ምስ ብፃዩ ኽርክር እንተ ሃልይዎ፥ ጉዳዩ ኣብ ቅድሚ ቅዱሳን ክንዲ ምቕራብ፥ ከመይ ደፊሩ ኣብ ቅድሚ ዘይኣምኑ፥ ንምፍራድ ይቐርብ? ትግርኛ GAZBIB Isin keessaa namni tokko obboleessa tokko irraa hadheessa yoo qabaate, namoota Waaqayyoof qulqullaa'an duratti dubbicha… Afaan Oromoo BCV GIZ ወኢትትኀበሉ እንከ ትትዋቀሡ በኀበ ጸኣልያን ቦኑ ዘይክል ይትዋቀሥ ምስለ ካልኡ በኀበ ዐማፅያን አኮኑ በኀበ ኄራን ወለእመቦ ዘቦ ተስናን ምስለ ቢጹ ለይትዋቀሥ በኀበ ቅዱሳን ወአኮ በኀበ ጸኣ… giz GAZGAZ Isin keessaa namni tokko obboleessa tokko irraa hadheessa yoo qabaate, namoota Waaqayyoof qulqullaa'an duratti dubbicha… Afaan Oromoo AMHNIV ከመካከላችሁ አንድ ሰው ከሌላው ጋር ሙግት ቢኖረው፣ ጒዳዩን በቅዱሳን ፊት በማቅረብ ፈንታ እንዴት ደፍሮ በማያምኑ ሰዎች ፊት ለመፋረድ ያቀርባል? አማርኛ SWAHSUV Je! Mtu wa kwenu akiwa ana daawa juu ya mwenzake athubutu kushitaki mbele ya wasio haki, wala si mbele ya watakatifu? Kiswahili