1ኛ ቆሮንቶስ 6

AMHEVGአማርኛ19 ጥቅሶች2:49 አዳምጥ

አዳምጥ 2:49 · መደበኛ · አስደናቂ በBiblight ይክፈቱ

1ከእናንተ አንዱ ከባልንጀራው ጋር ሙግት ቢኖረው በቅዱሳን ፊት በመፋረድ ፋንታ በዓመፀኞች ፊት ሊፋረድ ይደፍራልን?

2ቅዱሳን በዓለም ላይ እንዲፈርዱ አታውቁምን? በዓለምስ ላይ ብትፈርዱ ከሁሉ ይልቅ ትንሽ ስለሚሆን ነገር ልትፈርዱ አትበቁምን?

3የትዳር ጉዳይ ይቅርና በመላእክት እንኳ እንድንፈርድ አታውቁምን?

4እንግዲህ ስለ ትዳር ጉዳይ የፍርድ ቤት ቢያስፈልጋችሁ በቤተ ክርስቲያን የተናቁትን ሰዎች ፈራጆች አድርጋችሁ ታስቀምጣላችሁን?

5አሳፍራችሁ ዘንድ ይህን እላለሁ። እንደዚህ ነውን? በወንድሞች መካከል ሽማግሌ ሊሆን የሚችል አንድ አስተዋይ ሰው በእናንተ ዘንድ አይገኝምን?

6ነገር ግን ወንድም ወንድሙን ይከሳል፥ ይህም በማያምኑ ፊት ይደረጋልን?

7እንግዲህ ፈጽሞ የእርስ በርስ ሙግት እንዳለባችሁ በእናንተ ጉድለት ነው። ብትበደሉ አይሻልምን? ብትታለሉስ አይሻልምን?

8ነገር ግን እናንተ ትበድላላችሁ ታታልሉማላችሁ፥ ያውም ወንድሞቻችሁን።

9ወይስ ዓመፀኞች የእግዚአብሔርን መንግሥት እንዳይወርሱ አታውቁምን? አትሳቱ፤ ሴሰኞች ቢሆን ወይም ጣዖትን የሚያመልኩ ወይም አመንዝሮች ወይም ቀላጮች ወይም ከወንድ ጋር ዝሙት የሚሠሩ

10ወይም ሌቦች ወይም ገንዘብን የሚመኙ ወይም ሰካሮች ወይም ተሳዳቢዎች ወይም ነጣቂዎች የእግዚአብሔርን መንግሥት አይወርሱም።

11ከእናንተም አንዳንዶቹ እንደ እነዚህ ነበራችሁ፤ ነገር ግን በጌታ በኢየሱስ ክርስቶስ ስም በአምላካችንም መንፈስ ታጥባችኋል፥ ተቀድሳችኋል፥ ጸድቃችኋል።

12ሁሉ ተፈቅዶልኛል፥ ሁሉ ግን አይጠቅምም። ሁሉ ተፈቅዶልኛል፥ በእኔ ላይ ግን አንድ ነገር እንኳ አይሠለጥንብኝም።

13መብል ለሆድ ነው፥ ሆድም ለመብል ነው፤ እግዚአብሔር ግን ይህንም ያንም ያጠፋቸዋል። ሥጋ ግን ለጌታ ነው እንጂ ለዝሙት አይደለም፤ ጌታም ለሥጋ ነው፤

14እግዚአብሔርም ጌታንም አስነሣ እኛንም በኃይሉ ያስነሣናል።

15ሥጋችሁ የክርስቶስ ብልቶች እንደ ሆነ አታውቁምን? እንግዲህ የክርስቶስን ብልቶች ወስጄ የጋለሞታ ብልቶች ላድርጋቸውን? አይገባም።

16ወይስ ከጋለሞታ ጋር የሚተባበር አንድ ሥጋ እንዲሆን አታውቁምን? ሁለቱ አንድ ሥጋ ይሆናሉ ተብሎአልና።

17ከጌታ ጋር የሚተባበር ግን አንድ መንፈስ ነው።

18ከዝሙት ሽሹ። ሰው የሚያደርገው ኃጢአት ሁሉ ከሥጋ ውጭ ነው፤ ዝሙትን የሚሠራ ግን በገዛ ሥጋው ላይ ኃጢአትን ይሠራል።

19ወይስ ሥጋችሁ ከእግዚአብሔር የተቀበላችሁት በእናንተ የሚኖረው የመንፈስ ቅዱስ ቤተ መቅደስ እንደ ሆነ አታውቁምን? በዋጋ ተገዝታችኋልና ለራሳችሁ አይደላችሁም፤ ስለዚህ በሥጋችሁ እግዚአብሔርን አክብሩ።

ማብራሪያ

6:1-8

ክርስቲያኖች እርስ በርሳቸው መጋደል የለባቸውም፣ ምክንያቱም ወንድማማቾች ናቸውና። ይህ በትኩረት ከተስተዋለ ብዙ የፍርድ ቤት ክሶችን ይከለክል ነበር፤ እንዲሁም ብዙ ጠቦችንና ክርክሮችን ያበቃ ነበር። በራሳችን ወይም በቤተሰቦቻችን ላይ ከፍተኛ ጉዳት በሚደርስበት ጊዜ ራሳችንን ለማረም ህጋዊ ዘዴዎችን መጠቀም እንችላለን፤ ነገር ግን ክርስቲያኖች ይቅር ባይ መንፈስ ሊኖራቸው ይገባል። የክርክር ጉዳዮችን፣ በነሱ ምክንያት ወደ ፍርድ ቤት ከመሄድ ይልቅ፣ አሳልፎ መስጠት ይገባል። እነሱ ኢምንት ጉዳዮች ናቸውና፣ በመጀመሪያ የራሳችሁን መንፈስ ካሸነፋችሁ በቀላሉም ሊፈቱ ይችላሉ። ታገሡና ተቻችሉ፣ በእናንተ መካከል በጣም ጥቂት ብልሃት ያላቸው ሰዎችም ጠባችሁን ሊያቆሙ ይችላሉ። በክርስቲያኖች መካከል ትናንሽ ጠቦች እንዲህ ያለ ደረጃ ድረስ ማደጉ፣ በወንድሞች ሊፈቱ እስኪቸግራቸው ድረስ መድረሱ የሚያሳፍር ነው። የአንድ ሰው የራሱ የአእምሮ ሰላም እና የአካባቢውም ሰላም ከድል ይበልጣል። የፍርድ ቤት ክርክሮች በወንድማማቾች መካከል ሊከሰቱ አይችሉም ነበር፤ በመካከላቸው በደል ባይኖር ኖሮ።

6:9-11 ቆሮንቶሳውያን ቀደም ሲል ተጠያቂ የነበሩባቸውን ብዙ ታላላቅ ክፋቶች እንዳይሠሩ ተገስጸዋል። እነዚህ ጥያቄዎች የተላኩለት ሕዝብ በጥበብና በእውቀት ከሌሎች እንደሚበልጥ በሐሳቡ የኮራና በትዕቢት የተነፋፋ መሆኑን ስታስቡት፣ የሚያስተጋቡት ኃይል ታላቅ ነው። ሁሉ ዓመፅ ኃጢአት ነው።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV If any of you has a dispute with another, dare he take it before the ungodly for judgment instead of before the saints? English BCV ሓደ ኻባኻትኩም ምስ ብፃዩ ኽርክር እንተ ሃልይዎ፥ ጉዳዩ ኣብ ቅድሚ ቅዱሳን ክንዲ ምቕራብ፥ ከመይ ደፊሩ ኣብ ቅድሚ ዘይኣምኑ፥ ንምፍራድ ይቐርብ? ትግርኛ GAZBIB Isin keessaa namni tokko obboleessa tokko irraa hadheessa yoo qabaate, namoota Waaqayyoof qulqullaa'an duratti dubbicha… Afaan Oromoo BCV GIZ ወኢትትኀበሉ እንከ ትትዋቀሡ በኀበ ጸኣልያን ቦኑ ዘይክል ይትዋቀሥ ምስለ ካልኡ በኀበ ዐማፅያን አኮኑ በኀበ ኄራን ወለእመቦ ዘቦ ተስናን ምስለ ቢጹ ለይትዋቀሥ በኀበ ቅዱሳን ወአኮ በኀበ ጸኣ… giz GAZGAZ Isin keessaa namni tokko obboleessa tokko irraa hadheessa yoo qabaate, namoota Waaqayyoof qulqullaa'an duratti dubbicha… Afaan Oromoo BCV aksum ሓደ ኻባኻትኩም ምስ ብፃዩ ኽርክር እንተ ሃልይዎ፥ ጉዳዩ ኣብ ቅድሚ ቅዱሳን ክንዲ ምቕራብ፥ ከመይ ደፊሩ ኣብ ቅድሚ ዘይኣምኑ፥ ንምፍራድ ይቐርብ? ትግርኛ AMHNIV ከመካከላችሁ አንድ ሰው ከሌላው ጋር ሙግት ቢኖረው፣ ጒዳዩን በቅዱሳን ፊት በማቅረብ ፈንታ እንዴት ደፍሮ በማያምኑ ሰዎች ፊት ለመፋረድ ያቀርባል? አማርኛ SWAHSUV Je! Mtu wa kwenu akiwa ana daawa juu ya mwenzake athubutu kushitaki mbele ya wasio haki, wala si mbele ya watakatifu? Kiswahili