Biblight keessatti bani

1ffaa Mootota 20

GAZGAZAfaan Oromoo43 Keeyyattoota13:46 Dhaggeeffadhu
Dhaggeeffadhu 13:46 · Idilee · Diraamaawaa Biblight keessatti bani

1Ben-Hadaad mootiin Sooriyaa loltoota isaa hundumaa walitti in qabate; kana birattis mootota soddomii lama abboota fardeenii isaanii fi konkolaattota isaanii wajjin fudhatee ol ba'ee, mandara Samaariyaa marsee lola itti in kaase.

2Gara mandaraatti, Ahaab mootii Israa'elitti namoota ergee,“Ben-Hadaad mootichi,

3“Meetiin kee fi warqeen kee kan koo ti, dubartoonni kee fi ijoollonni kee warri gaggaariin kan koo ti” jedhee jedhaatii itti himaa!” jedhe.

4Mootiin Israa'el immoo deebisee,“Yaa gooftaa ko, mooticha ko! Akkuma ati jette ani kan kee ti, qabeenyi koo hundinuus kan kee ti” jedhe.

5Warri ergaman ammas deebi'anii gara Ahaab dhufanii,“Ben-Hadaad mootichi,“Ani meetii kee fi warqee kee, dubartoota kee fi ijoollota kee si irraa fudhachuu akkan barbaadu sitti himeen ture.

6Haa ta'u iyyuu malee, bor yowwana hojjetoota koo warra gurguddoota sitti nan erga; isaan mana kee fi mana hojjetoota kee warra gurguddootaa fonqolchanii in ilaalu, wanta isaanitti tolu hundumaa fudhatanii in adeemu” jedha” jedhanii itti in himan.

7Yommus Ahaab mootiin Israa'el jaarsolii biyyichaa guutummaatti walitti qabee,“Namni kun dubartoota koo, ijoollota koo, meetii koo fi warqee koo fudhachuudhaaf yommuu inni nama anatti ergetti, ani isa hin dinne; rakkina attamii akka inni uumuu barbaadu hadaraa mee hubadhaatii ilaalaa!” jedhe.

8Jaarsoliin hundinuu, namoonni hundinuus deebisanii,“Wanta inni jedhu hin dhaga'in yookiis gaaffii isaatiif“Tole” hin jedhin!” jedhan.

9Kana irratti Ahaab mootichi namoota Ben-Hadaad biraa ergamanii dhufaniin,“Gooftaa koo mootichatti,“Ani garbichi kee gaaffii ati duraan ana gaafatte hundumaa nan raawwadha, gaaffii kee isa boodanaa kanaaf garuu:- Tole jechuu hin danda'u” jedhee, jedhaatii itti himaa!” jedhe; warri ergamanis deebi'anii deebii Ahaab kenne Ben-Hadaaditti in himan.

10Yommus Ben-Hadaad nama kan biraa Ahaabitti ergee,“Biyyoon Samaariyaa namoota koo warra anaa wajjin jiran konyee tokko tokko illee yoo wal ga'eef waaqayyoliin ana haa ajjeesan!” jedhee itti in kakate.

11Ahaab mootiin Israa'el immoo deebisee,“Ben-Hadaad mootichatti,“Loltuu dhugaa kan ta'e lolaa galee hidhannaa isaa erga hiikatee of jaja malee, lola dhaquuf hidhachaa utuu jiruu of hin jaju” jedhaatii isatti himaa!” jedhe.

12Ben-Hadaad mootichi, mootota warra kaanii wajjin dunkaana keessa taa'ee dhugaatii dhugaa utuu jiruu, deebii Ahaab deebiseef in dhaga'e; kana irratti,“Mandarattii rukutuudhaaf iddoo iddoo keessan qabadhaa!” jedhee namoota isaa in abboome; isaanis iddoo iddoo isaanii in qabatan.

13Kana gidduutti raajiin Waaqayyoo tokko gara Ahaab mootii Israa'el dhufee,“Waaqayyo,“Loltoota baay'ee kana argitaa” Har'a ani loltoota kana harka kee keessa nan buusa; ati yommus ani Waaqayyo akkan ta'e in beekta” jedha” jedhee in dubbate.

14Ahaab immoo,“Kana eenyutu hojjeta?” jedhee in gaafate; raajichi garuu deebisee,“Waaqayyo,“Loltoota dargaggoota angafoota kutaawwan biyyichaatu hojjeta” jedha” jedhe; mootichi immoo,“Eenyutu lola kana jalqaba?” jedhee in gaafate; raajichi deebisee,“Situ jalqaba” jedheen.

15Kana irratti Ahaab loltoota dargaggoota angafoota kutaawwan biyyichaa dhibba lamaa fi soddomii lama walitti in waame; kana booddees Israa'eloota warra hafan hundumaa lakkaa'ee, namoota kuma torba walitti in qabate.

16Isaan utuu Ben-Hadaadii fi mootonni soddomii lamaan warri isa gargaaran, dhugaatii dhuganii machaa'anii dunkaana isaanii keessa jiranii, guyyaa saafaa lolaaf in ba'an.

17Loltoonni warri dargaggoonni sun duraan dursanii in ba'an; jarri warri waa akka qorataniif Ben-Hadaad isaan erge deebi'anii dhufanii,“Loltoonni kutanni tokko Samaariyaadhaa dhufaa jiru” jedhanii isatti in himan.

18Inni immoo,“Dhufaatiin isaanii nagaa buusuudhaaf yookiis lola kaasuudhaaf yoo ta'e iyyuu, fayyaatti isaan qabaa malee isaan hin ajjeesinaa!” jedhee in abboome.

19Loltoonni warri dargaggoonni sun, loltoota warra kaan dura bu'anii mandarattii keessaa duulaaf ba'anii,

20adduma addaan diina isaanitti dhufe in ajjeesan; yommus warri Sooriyaa in baqatan, Israa'eloonni immoo duukaa bu'anii isaan in ari'an; Ben-Hadaad mootiin Sooriyaas abboota fardeenii isaa muraasaa wajjin fardaan baqatee isaan jalaa in ba'e.

21Ahaab mootiin Israa'el ba'ee fardeenii fi konkolaattota warra Sooriyaa booji'ee, namoota isaanii immoo rukuttaa guddaadhaan in fixe.

22Kana booddee raajichi gara Ahaab mootii Israa'el dhufee, yommuu birraan bari'u“Mootiin Sooriyaa deebi'ee si rukutuuf waan jiruuf, wanta hojjetamuun ta'u beeki, humna waraanaa kees jabeeffadhu!” jedhe.

23Hojjetoonni Ben-Hadaad mootii Sooriyaa warri gurguddoonni immoo,“Waaqayyoliin Israa'elootaa waaqayyolii gaaraa waan ta'aniif, Israa'eloonni nutti jabaatanii nu mo'an; garuu nuyi dachaa keessatti utuu isaan lollee dhugumaan isaan in moona.

24Amma akkas godhi! Mootota kana hundumaa iddoo iddoo isaaniitii kaasiitii ajajjuuwwan waraanaa iddoo isaanii buusi!

25Loltoota, fardeenii fi konkolaattota hamma warra si duraa dhumanii kan baay'atan qopheessi! Yommus nuyi dachaa keessatti Israa'eloota in lolla, dhugumaan isaan in moonas” jedhanii mooticha in gorsan; innis gorsa isaanii fudhatee akkuma isaan jedhan in godhe.

26Birraa sanatti Ben-Hadaad mootiin Sooriyaa namoota isaa walitti qabatee, Israa'eloota loluudhaaf mandara Afeqitti ol in ba'e.

27Israa'eloonnis isaanitti duuluudhaaf galaa fudhatanii, walitti qabamanii ba'anii fuullee isaanii in buufatan; loltoota Sooriyaa warra biyyicha keessa guutan biratti, Israa'eloonni akka re'oota karra xixinnoo lamaa muraasa turan.

28Yommus namni Waaqayyoo tokko gara mootii Israa'el dhaqee,“Waaqayyo,“Sababii namoonni Sooriyaa:- Inni Waaqayyo gaarotaa ti malee, Waaqayyo dachaawwanii miti naan jedhaniif, ani immoo loltoota isaanii warra baay'ee kana hundumaa harka kee keessa nan buusa; kanaanis ani Waaqayyo akkan ta'e in beekta” jedha” jedhe.

29Kutanni lamaanuu fuullee walii buufatanii hamma guyyaa torbaatti in turan; gaafa guyyaa torbaffaa sana lola walitti kaasanii, Israa'eloonni guyyaa tokkotti namoota Sooriyaa keessaa lafoo kumaatama dhibba tokko in fixan.

30Warri hafan immoo gara mandara Afeqitti in baqatan; isaanuma keessaa iyyuu immoo namoota kuma digdamii torba dallaa mandarattiitu irratti jigee fixe; Ben-Hadaad mootiin isaanii immoo gara mandarattiitti baqatee kutaa mana tokkoo isa gara keessaa keessa in dhokate.

31Yommus hojjetoonni mootichaa, warri gurguddoonni,“Kunoo, mootonni Israa'el warra araara buusan akka ta'an amma dhageenyeerra; egaa uffata gaddaa mudhii keenyatti hidhannee, funyoo mataa keenyatti marannee, gara mootii Israa'el yoo dhaqne, tarii inni si ajjeesuu in dhiisa ta'a; kanaaf hadaraa ati immoo “Tole” nuuf jedhi!” jedhanii mooticha in gaafatan.

32Jarri akkuma jedhan, uffata gaddaa mudhii isaaniitti hidhatanii, funyoo mataa isaaniitti maratanii, gara mootii Israa'el dhaqanii,“Ben-Hadaad garbichi kee,“Hadaraa lubbuun koo akka jiraatu godhi!” jedha” jedhan; mootichi immoo deebise,“Inni amma iyyuu jiraa! Egaa si'achi inni obboleessa koo ti!” jedhe.

33Hojjetoonni Ben-Hadaad faara Ahaab mootichaa eeggachaa waan turaniif, yommuu inni,“Obboleessa koo ti” jedhe, isaan immoo tokkichumaan afaan isaa irraa fudhatanii,“Akkuma ati jette, Ben-Hadaad obboleessa kee ti” jedhan; Ahaab mootichi immoo,“Dhaqaatii Ben-Hadaadin fidaa!” jedhee isaan in abboome; yeroo Ben-Hadaad ba'ee gara mootichaa dhufetti, mootichi,“Konkolaataa koo yaabii taa'i!” jedheen.

34Kana booddees Ben-Hadaad,“Mandaroota abbaan koo abbaa kee irraa fudhatee ture siif nan deebisa, akkuma abbaan koo mandara Samaariyaa keessaa iddoo nagadaa qaba ture, ati immoo mandara Damaasqoo keessaa iddoo nagadaa in qabaatta” jedhee Ahaabitti in dubbate; Ahaab immoo deebisee,“Akka walii galtee kanaatti gad sin dhiisa” jedhe; yommus kakaadhaan waliif galanii gad isa in dhiise.

35Raajota keessaa inni tokko raajii akka isaatiitiin,“Kun abboommii Waaqayyoo waan ta'eef, hadaraa na rukuti!” in jedhe; namichi garuu isa rukutuu in dide.

36Kana irratti raajichi,“Sababii ati Waaqayyoof abboomamuu diddeef, kunoo yeroo ati ana biraa adeemtu leenci dha'ee si ajjeesa” jedheen; akkuma namichi raajicha biraa adeemeenis leenci itti dhufee dha'ee isa in ajjeese.

37Ergasii raajichi nama kan biraa tokko argatee,“Hadaraa na rukuti!” jedheen; namichis dhuguma godhee rukutee isa in madeesse.

38Yommus raajichi marata isaa fuulatti haguuggatee wallaalchifatee, gara karaatti ba'ee Ahaab mooticha in eega ture.

39Mootichi achiin darbaa utuu jiruu raajichi sagalee isaa ol fudhatee,“Ani garbichi kee lola bulluqaa gidduu lixee utuun jiruu, loltuun tokko gara galee nama booji'ame tokko gara kootti fidee,“Namicha kana eegi! Yoo inni si harkaa bade garuu qooda isaa in ajjeefamta yookiis immoo meetii akka kiilo graamii soddomii afurii miijanu in baafta” naan jedhe.

40Ani garbichi kee hojiitti asii fi achi fiigaa utuun jiruu, namichi ana harkaa in bade” jedhe; Ahaab mootichi deebisee,“Wanta sitti faradamu ati iyyuu dubbatteetta, akkasumattis sitti in faradama” jedheen.

41Yommus raajichi dafee marata isaa fuula isaa irraa waan fuudheef, inni raajota keessaa tokko akka ta'e mootichi in bare.

42Raajichi immoo mootichaan,“Waaqayyo,“Nama ani raawwattee akka ati isa balleessituuf sitti kenne waan gad dhiifteef, lubbuun kee qooda lubbuu isaa, sabni kees qooda saba isaa in kennama” jedha” jedhe.

43Kana irratti mootichi aaree dheekkamaa gara mana mootummaa isaa isa mandara Samaariyaa keessaa in dhaqe.

Ibsa

20:1-11 Benhadaad Ahaaabii gaaffii baay’ee dhiittii fi ulfina dhabeessa ta’e erge. Ahaaabis gad fageenyaan qaanessaa ta’e bitamuu erge; cubbuun namoota rakkoo akkasii keessa galcha, eegumsa Waaqayyoo jalaa isaan baasuudhaan. Yoo Waaqayyo nu hin bulchine, diinonni keenya nu bulchu. Yakki namoota onnee cabsatee, sodaattoota isaan taasisa. Ahaabis abdii kutate. Namoonni jireenya isaanii baraaruuf jecha waan jaallatan hundaa, kan isaan baay’ee jaallatanillee dhiisuuf qophooftuu dha; ta’us garuu, waan sana dhowwuuf jecha mi’aa yookiin fedha kamiyyuu dhiisuu mannaa lubbuu isaanii dhabu. Kunimmoo jechoota Ahaaab yeroo kamiyyuu dubbatee keessaa isa ogummaa qabuudha, barumsa gaarii hundumaafis. Akka inni maal fidu hin beekneef, guyyaa dhufu tokkoof of jajuun gowwummaa dha. Kana lola hafuuraa keenyaaf haa hojjetnu. Pheexiros ofitti amanamummaa isaatiin kufe. Namni yeroo hundumaa dammaqee hin rafine gammadaa dha.

Boqonnaa 20

Boqonnaan kun seenaa waraana Ben-hadaad mootii Sooriyaa fi Ahaab mootii Israa'el gidduutti ta'e kan Ahaab yeroo tokkoo fi yeroo lammaffaas injifateedha. Seenaa kana keessatti waa'ee Eliyaas yookiin Elishaa homaa hin dubbisnu; dallansuu Izaabel hir'achuu fi ari'atama raajotaa qabbanaa'uu isaa Eliyaas nagaa kana fayyadameera. Inni mana mootummaa hin mul'anne, garuu Israa'el keessa namoota gaarii kumaatamaan lakkaa'aman inni yaade caalaa akka jiran yeroo itti himame, akka nuti yaadnutti, iddoo adda addaa biyyattii keessatti manneen amantii, mana barumsaa yookiin kolleejjii raajotaa hundeesuudhaan of qabeera, kunis amantii guddisuuf, yeroo teessoon mootummaa fi mana mootummaa hin jijjiiramne, isaan biyyattii jijjiiruuf akka gargaaran. Akka kanatti yeroo inni hojii kana hojjetu, Waaqayyo injifannoo nuti asitti dubbisnuun biyyattii eebbiseera, kunis Ben-hadaad mootii Sooriyaa, kan bakka bu'aan isaa Hazaael Israa'elitti adaba ta'uuf murtaa'e irratti waan argameef caalaatti dinqisiisaa ture. Isaan yeroo gabaabaatti Sooriyaanotaan ni dhiphatu, garuu amma isaan irratti injifataniiru, kunis yoo danda'ame gaarummaa Waaqayyootiin gara qalbii jijjiirrannaatti akka geeddaraman. Asitti kan jiru:

I. Ben-hadaad Israa'elitti duuluu isaa fi gaaffii isaa isa of tuulummaa (Lakk. 1–11).

II. Injifannoo Ahaab raajii tokkoon jajjabeeffamee fi qajeelfamee isa irratti argate (Lakk. 12–21).

III. Sooriyaanonni deebi'anii walitti qabamuu isaanii fi injifannoo lammaffaa Ahaab isaan irratti argate (Lakk. 22–30).

IV. Kakuu nagaa Ahaab Ben-hadaad wajjin godhe, yeroo inni harka isaa keessa ture (Lakk. 31–34), kanaafis raajii tokkoon ceeffamee fi sodaachifame (Lakk. 35–43).

Lakk. 1-11

Asitti kan jiru:

I. Ben-hadaad mootummaa Ahaab irratti duula sodaachisaa godhe, akkasumas magaalaa mootummaa isaa Samaariyaa to'achuuf marsee qabuu isaa, Lakk. 1. Sababni walitti bu'iinsa kanaa maali akka ta'e nutti hin himamne; sassataa fi fedhiin aangoo bu'uura turan, kanneen sababa tokko yookiin kan biraa hin dhabne. Daawit yeroo isaa Sooriyaanota guutummaatti mo'atee Israa'elitti gibira akka kaffalan godheera, garuu Israa'el Waaqayyoo irraa garagaluun isaa isaan deebi'anii sodaachisoo taasiseera. Aasaa yeroo tokko Sooriyaanota Israa'elitti akka duulan kakaaseera (Boq. 15:18–20), amma immoo fedha isaaniitiin godhan. Humna alagaa biyyattii keessa galchuun balaadha: dhaloonni boodaa gatii guddaa kaffaluu danda'a. Ben-hadaad mootota soddomii lama ofii wajjin qaba ture, isaanis yookiin isaaf gibira kaffalan, hojii isaanii irraa isa wajjin ta'uuf dirqaman, yookiin isa wajjin walii galan, bu'aa isaaniitiif isa gargaaruuf dirqaman. Mootota xixiqqoo hiyyeeyyii hundi maqaa mootummaa kana yeroo ofitti fudhatan, maqaan mootummaa hammam xiqqaa fakkaata ture!

II. Mootota lamaan kana gidduutti walii galtee. Dhugumatti, eegumsi Israa'el isaan irraa deemeera, yookiin Sooriyaanonni akkuma salphaatti, mormii xiqqaan, gara Samaariyaa, mataa fi onnee biyyattii, magaalaa dhiheenya ijaaramte, kanaafis, akka nuti yaadnutti, gaarii hin cimsamne, garuu dafnee harka warra duulanii bu'uuf jirtu hin deemne ture; gama lamaanuu kana beeku, kanaafis,

1. Hafuurri Ben-hadaad isa of tuulu Ahaabitti gaaffii baay'ee of tuulummaa erge, Lakk. 2, 3. Mariin ni labsame, akkasumas namni xurumbaa afuufu (akka nuti yaadnutti) gara magaalaatti ergame, Ahaabitti akka inni marsee qabuu sana dhiisu yoo Ahaab garbicha isaa ta'e (yookiin, nama hamaa isaa), akkasumas qabeenya isaa irraa gibira isaaf kaffaluu qofa osoo hin taane, mirga isaa Ben-hadaaditti dabarsuudhaan, wanta hunda fedha isaa jalatti akka qabu, haadha manaa isaa fi ijoollee isaa, kanneen baay'ee bareedan dabalatee. Haalli dubbii isaanii isaan mufachiisuuf kan qophaa'eedha; "Wanti hundi kan koo ta'a, addaan baafamuu malee."

2. Hafuurri Ahaab isa hiyyeessaa Ben-hadaaditti harka kennuu baay'ee salphisaa erge. Dhugumatti waliigala (inni harka kennuu isaa keessatti wantoota adda addaa akka Ben-hadaad gaaffii isaa keessatti gammachuudhaan hin dubbanne), garuu bu'a qabeessa: "Ani kan keeti, wanti ani qabu hundiis kan keeti," Lakk. 4. Bu'aa cubbuu ilaali. (1.) Yoo inni cubbuudhaan Waaqayyoon isa irraa akka deemu hin kakaasne ta'e, Ben-hadaad gaaffii akkasii gochuu hin danda'u ture. Cubbuun namoota eegumsa Waaqayyoo jalaa baasuudhaan rakkina akkasii keessa galcha. Yoo Waaqayyo nu hin bulchine, diinonni keenya nu bulchu. Nama Waaqayyoof fincile nama hundumaaf garbicha. Ahaab meetii fi warqee isaa Ba'aaliif qopheessee ture, Hoose'aa 2:8. Kanaafis, sirriitti isa irraa fudhatameera; akkasitti dabarsuun dhabamsiisuudha. (2.) Yoo inni cubbuudhaan qalbii ofii isaa hin miine, akkasumas isa irratti hin kaafne ta'e, harka kennuu salphisaa akkasii gochuu hin danda'u ture. Yakki namoota abdii kutachiisa, akkasumas sodaatoo isaan taasisa. Inni Ba'aal gargaaruu akka hin dandeenye beeka ture, akkasumas Waaqayyo akka gargaaru yaaduuf sababa hin qabu ture, kanaafis jireenya isaa gatii kamiyyuu kaffalee bitachuuf fedhe.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG የሶርያም ንጉሥ ወልደ አዴር ጭፍራውን ሁሉ ሰበሰበ፤ ከእርሱም ጋር ሠላሳ ሁለት ነገሥት ነበሩ፥ ፈረሶችና ሰረገሎችም ነበሩ፤ ወጥቶም ሰማርያን ከበበ፥ ወጋትም። አማርኛ ENGNIV Now Ben-Hadad king of Aram mustered his entire army. Accompanied by thirty-two kings with their horses and chariots, he… English BCV ወልደ ኣዴር ንጉስ ሶርያ ድማ ዅሉ ሰራዊቱ ኣኽተተ። ሰላሳን ክልተን ነገስታት ምስ ኣፍራሶምን ሰረገላታቶምን ከዓ ምስኡ ነበሩ። ደዪቡ ድማ ንሰማርያ ኸቢቡ ተዋግኣ። ትግርኛ GAZBIB Ben-Hadaad mootiin Sooriyaa loltoota isaa hundumaa walitti in qabate; kana birattis mootota soddomii lama abboota farde… Afaan Oromoo BCV GIZ ወአስተጋብአ ወልደ አዴር ኵሎ ኀይሎ ወዓርገ ወዐገታ ለሰማርያ ወነበረ ይሰቀቦሙ ወሀለዉ ምስሌሁ ፴ወ፪ነገሥት ወኵሉ አፍራሲሆሙ ወሰረገላቲሆሙ ወዐርጉ ወዐገትዋ ለሰማርያ ወቀተልዋ። giz BCV aksum ወልደ ኣዴር ንጉስ ሶርያ ድማ ዅሉ ሰራዊቱ ኣኽተተ። ሰላሳን ክልተን ነገስታት ምስ ኣፍራሶምን ሰረገላታቶምን ከዓ ምስኡ ነበሩ። ደዪቡ ድማ ንሰማርያ ኸቢቡ ተዋግኣ። ትግርኛ AMHNIV በዚህ ጊዜ የሶርያ ንጉሥ ቤን ሀዳድ መላ ሰራዊቱን በአንድነት አሰባሰበ፤ ከእርሱም ጋር ሠላሳ ሁለት ነገሥታት ከነፈረሶቻቸውና ከነሠረገሎቻቸው አብረውት ነበሩ፤ ወጥቶም ሰማርያን ከቦ ወጋት። አማርኛ SWAHSUV Basi, Benhadadi mfalme wa Shamu akakusanya jeshi lake lote; nao walikuwapo wafalme thelathini na wawili pamoja naye, na… Kiswahili