ኦሪት ዘኍልቍ 29

AMHEVGአማርኛ40 ጥቅሶች6:28 አዳምጥ

አዳምጥ 6:28 · መደበኛ · አስደናቂ በBiblight ይክፈቱ

1በሰባተኛውም ወር ከወሩ በመጀመሪያ ቀን የተቀደሰ ጉባኤ ይሁንላችሁ፤ የተግባርን ሥራ ሁሉ አትሥሩበት፤ መለከቶች የሚነፉበት ቀን ነው።

2ለእግዚአብሔር ጣፋጭ ሽታ እንዲሆን የሚቃጠለውን መሥዋዕት፥ አንድ ወይፈን፥ አንድ አውራ በግ፥ ነውር የሌለባቸውን ሰባት የአንድ ዓመት ተባት የበግ ጠቦቶች፥

3ለእህል ቍርባናቸው በዘይት የተለወሰ መልካም ዱቄት፥ ለወይፈኑ ከመስፈሪያው ከአሥር እጅ ሦስት እጅ፥ ለአውራው በግ ከመስፈሪያው ከአሥር እጅ ሁለት እጅ፥

4ለሰባቱ ጠቦቶች ለእያንዳንዱ ከመስፈሪያው አሥረኛ እጅ ታቀርባላችሁ።

5ማስተስረያም የሚሆንላችሁን አንድ አውራ ፍየል ለኃጢአት መሥዋዕት ታቀርባላችሁ።

6በወሩ መባቻ ከሚቃጠለው መሥዋዕትና ከእህሉ ቍርባን፥ በዘወትርም ከሚቃጠለው መሥዋዕትና ከእህሉ ቍርባን፥ ከመጠጡም ቍርባን ሌላ፥ እንደ ሕጋቸው ለእግዚአብሔር ጣፋጭ ሽታ እንዲሆን በእሳት የሚቀርቡ ናቸው።

7ከዚህም ከሰባተኛው ወር በአሥረኛው ቀን የተቀደሰ ጉባኤ ይሁንላችሁ፤ ሰውነታችሁን አስጨንቁት፤ ከሥራ ሁሉ ምንም አታድርጉ።

8ለእግዚአብሔርም ጣፋጭ ሽታ እንዲሆን የሚቃጠለውን መሥዋዕት፥ አንድ ወይፈን፥ አንድ አውራ በግ፥ ሰባት የአንድ ዓመት ተባት የበግ ጠቦቶች ታቀርባላችሁ፤ ነውር የሌለባቸው ይሁኑ።

9ለእህል ቍርባናቸውም በዘይት የተለወሰ መልካም ዱቄት፥ ለወይፈኑ ከመስፈሪያው ከአሥር እጅ ሦስት እጅ፥ ለአውራው በግ ከመስፈሪያው ከአሥር እጅ ሁለት እጅ፥

10ለሰባቱ ጠቦቶች ለእያንዳንዱ ከመስፈሪያው አሥረኛ እጅ፥

11ለኃጢአት መሥዋዕት አንድ አውራ ፍየል አቅርቡ። ከሚያስተሰርየው ከኃጢአት መሥዋዕት፥ በዘወትርም ከሚቃጠለው መሥዋዕትና ከእህሉ ቍርባን፥ ከመጠጥ ቍርባናቸውም ሌላ አቅርቡት።

12ከሰባተኛውም ወር በአሥራ አምስተኛው ቀን የተቀደሰ ጉባኤ ይሁንላችሁ፤ የተግባርን ሥራ ሁሉ አትሥሩበት፥ ሰባት ቀንም ለእግዚአብሔር በዓል አድርጉ።

13ለእግዚአብሔርም ጣፋጭ ሽታ እንዲሆን የሚቃጠለውን መሥዋዕት፥ አሥራ ሦስት ወይፈኖች፥ ሁለት አውራ በጎች፥ አሥራ አራት የአንድ ዓመት ተባት የበግ ጠቦቶች አቅርቡ፤ ነውር የሌለባቸውም ይሁኑ።

14ለእህል ቍርባናቸውም በዘይት የተለወሰ መልካም ዱቄት፥ ለአሥራ ሦስት ወይፈኖች ለእያንዳንዱ ከመስፈሪያው ከአሥር እጅ ሦስት እጅ፥ ለሁለቱ አውራ በጎች ለእያንዳንዱ ከመስፈሪያው ከአሥር እጅ ሁለት እጅ፥

15ለአሥራ አራቱ ጠቦቶች ለእያንዳንዱ ከመስፈሪያው አሥረኛ እጅ፥

16ለኃጢአትም መሥዋዕት አንድ አውራ ፍየል ታቀርባላችሁ፤ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ የሚቀርቡ ናቸው።

17በሁለተኛውም ቀን አሥራ ሁለት ወይፈኖችን፥ ሁለት አውራ በጎችን፥ ነውር የሌለባቸው አሥራ አራት የአንድ ዓመት ተባት የበግ ጠቦቶችን፥

18ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸው መጠን እንደ ሕጉ፥

19ለኃጢአትም መሥዋዕት አንድ አውራ ፍየልን ታቀርባላችሁ፤ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባናቸው ሌላ የሚቀርቡ ናቸው።

20በሦስተኛውም ቀን አሥራ አንድ ወይፈኖች፥ ሁለት አውራ በጎች፥ ነውር የሌለባቸውን አሥራ አራት የአንድ ዓመት ተባት የበግ ጠቦቶች፥

21ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸው መጠን እንደ ሕጉ፥

22ለኃጢአትም መሥዋዕት አንድ አውራ ፍየል፥ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ ታቀርባላችሁ።

23በአራተኛውም ቀን አሥር ወይፈኖች፥ ሁለት አውራ በጎች፥ ነውር የሌለባቸውን አሥራ አራት የአንድ ዓመት ተባት የበግ ጠቦቶች፥

24ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸውም መጠን እንደ ሕጉ፥

25ለኃጢአትም መሥዋዕት አንድ አውራ ፍየል፥ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ ታቀርባላችሁ።

26በአምስተኛውም ቀን ዘጠኝ ወይፈኖች፥ ሁለት አውራ በጎች፥ ነውር የሌለባቸውን አሥራ አራት የአንድ ዓመት ተባት የበግ ጠቦቶች፥

27ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸው መጠን እንደ ሕጉ፥

28ለኃጢአትም መሥዋዕት አንድ አውራ ፍየል፥ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ ታቀርባላችሁ።

29በስድስተኛውም ቀን ስምንት ወይፈኖች፥ ሁለት አውራ በጎች፥ ነውር የሌለባቸውን አሥራ አራት የአንድ ዓመት ተባት የበግ ጠቦቶች፥

30ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸው መጠን እንደ ሕጉ፥

31ለኃጢአትም መሥዋዕት አንድ አውራ ፍየል፥ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ ታቀርባላችሁ።

32በሰባተኛውም ቀን ሰባት ወይፈኖች፥ ሁለት አውራ በጎች፥ ነውር የሌለባቸውን አሥራ አራት የአንድ ዓመት ተባት የበግ ጠቦቶች፥

33ለወይፈኖቹና ለአውራ በጎቹ ለጠቦቶቹም የእህል ቍርባናቸውንና የመጠጥ ቍርባናቸውን እንደ ቍጥራቸው መጠን እንደ ሕጉ፥

34ለኃጢአትም መሥዋዕት አንድ አውራ ፍየል፥ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ ታቀርባላችሁ።

35በስምንተኛውም ቀን የተቀደሰ ጉባኤ ይሁንላችሁ፤ የተግባርን ሥራ ሁሉ አትሥሩበት።

36ለእግዚአብሔርም ጣፋጭ ሽታ እንዲሆን በእሳት የሚቃጠለውን መሥዋዕት፥ አንድ ወይፈን፥ አንድ አውራ በግ፥ ነውር የሌለባቸውን ሰባት የአንድ ዓመት ተባት የበግ ጠቦቶች ታቀርባላችሁ።

37የእህል ቍርባናቸውና የመጠጥ ቍርባናቸው ለወይፈኑ ለአውራውም በግ ለጠቦቶቹም እንደ ቍጥራቸው መጠን እንደ ሕጉ ይሆናሉ።

38ለኃጢአትም መሥዋዕት አንድ አውራ ፍየል ታቀርባላችሁ፤ በዘወትር ከሚቃጠለው መሥዋዕትና ከእህሉ ቍርባን ከመጠጡም ቍርባን ሌላ የሚቀርቡ ናቸው።

39እነዚህንም፥ ከስእለታችሁና በፈቃዳችሁ ከምታመጡት ሌላ፥ ለሚቃጠል መሥዋዕት፥ ለእህልም ለመጠጥም ቍርባን፥ ለደኅንነትም መሥዋዕታችሁ በበዓላችሁ ጊዜ ለእግዚአብሔር አቅርቡ።

40ሙሴም ለእስራኤል ልጆች እግዚአብሔር ሙሴን ያዘዘውን ሁሉ ነገራቸው።

ማብራሪያ

29:1-11 በሰባተኛው ወር ከሌሎች ወራት ይልቅ ብዙ ቅዱሳን ክብረ በዓላት ነበሩ። ይህ የመኸርና ዘር የሚዘራበት ጊዜ መካከል ያለው ክፍተት ነበር። ከዚህ ሕይወት አጣዳፊ ሥራዎች የምናገኘው ትርፍ ጊዜ በበዛ መጠን፣ ለእግዚአብሔር ቀጥተኛ አገልግሎት የምናሳልፈው ጊዜም እንዲሁ በበለጠ መብዛት ይገባዋል። የመለከት መንፋት ታዝዞ ነበር፣ ዘሌ 22:24። በዚያ ቀን የሚያቀርቡት መሥዋዕት ምን እንደሆነ እዚህ ጋር ተነግሯቸዋል። የእግዚአብሔርን ሐሳብ ከቅዱሳት መጻሕፍት ሊያውቁ የሚሹ፣ አንድን ክፍል ከሌላው ጋር ማስተያየት አለባቸው። የኋለኛው የመለኮታዊ ብርሃን ግልጽ መገለጫዎች በቀደመው ክፍል የጨለመውን ያብራራሉ፣ የጎደለውንም ይሞላሉ፤ የእግዚአብሔር ሰው ፍጹም እንዲሆን።

ምዕራፍ 29 ይህ ምዕራፍ በሰባተኛው ወር በሦስቱ ታላላቅ በዓላት ለእግዚአብሔር በእሳት የሚቀርቡትን መባዎች ይሾማል። I. በዚያ ወር በመጀመሪያው ቀን በመለከት በዓል (ቁጥር 1-6)። II. በአሥረኛው ቀን በስርየት ቀን (ቁጥር 7-11)። III. በአሥራ አምስተኛው ቀን እና በሚቀጥሉት ሰባት ቀናት በዳስ በዓል (ቁጥር 12-38)። ከዚያም የእነዚህ ሥርዓቶች ማጠቃለያ (ቁጥር 39, 40)።

ቁጥር 1-11 በሰባተኛው ወር ከሌሎች ወራት ይልቅ ብዙ የተቀደሱ በዓላት ነበሩ። ይህ የሆነው እስራኤል ከግብፅ እስከምትወጣበት ጊዜ ድረስ የመጀመሪያው ወር ስለነበረ ብቻ ሳይሆን (ይህም በአቢብ ወር ላይ በመውደቁ ከዚህ በኋላ በሁሉም የቤተ ክርስቲያን ስሌቶች የወራት መጀመሪያ እንዲሆን አድርጎታል)፣ ነገር ግን አሁንም በኢዮቤልዩ እና በዕረፍት ዓመታት ሲቪል ስሌቶች የመጀመሪያው ወር ሆኖ ስለቀጠለ ነው። እንዲሁም በመከር እና በመዝራት ጊዜ መካከል ያለው የእረፍት ጊዜ ስለነበር፣ መቅደሱን ለማገልገል ብዙ ጊዜ ስለነበራቸው ነው። ይህ የሚያሳየው እግዚአብሔር አስፈላጊ እና ምሕረት የሚጠይቁ ሥራዎችን ከግምት ውስጥ በማስገባት ከመሥዋዕት ነፃ ቢያደርግም፣ ከዚህ ሕይወት አስቸኳይ ጉዳዮች ብዙ ጊዜ ባገኘን ቁጥር፣ በእግዚአብሔር ቀጥተኛ አገልግሎት ብዙ ጊዜ ማሳለፍ እንዳለብን ነው።

1. እዚህ ላይ በወሩ የመጀመሪያ ቀን፣ በመለከት ነፊያ ቀን የሚቀርቡት መሥዋዕቶች ተሹመዋል። ይህ ቀን በስርየት ቀን ለሚደረገው ታላቅ የተቀደሰ ሐዘን እና በዳስ በዓል ለሚደረገው የተቀደሰ ደስታ ዝግጅት ነበር። አንድ ሃይማኖታዊ አገልግሎት ለሌላው እንድንዘጋጅ እና ሁሉም ለሰማይ እንድንዘጋጅ ሲረዳን፣ የመለኮታዊ ሥርዓቶች ዓላማ በሚገባ ይፈጸማል። የመለከት ነፊያ በዘሌዋውያን 23:24 ላይ ተሹሞ ነበር። እዚህ ላይ ሕዝቡ በዚያ ቀን ምን ዓይነት መሥዋዕቶችን ማቅረብ እንዳለባቸው ተነግሯቸዋል፣ በዚያን ጊዜ ግን ምንም አልተጠቀሰም። ማስታወሻ፡ በእግዚአብሔር ቃል ውስጥ የእግዚአብሔርን ፈቃድ ማወቅ የሚፈልጉ ሰዎች የመጽሐፍ ቅዱስን አንድ ክፍል ከሌላው ጋር ማነጻጸር አለባቸው፣ እናም ተመሳሳይ ነገርን የሚያመለክቱ ክፍሎችን አንድ ላይ ማሰባሰብ አለባቸው። ምክንያቱም የመለኮታዊ ብርሃን የኋለኛ ግኝቶች የጨለመውን ያብራራሉ እና በቀድሞው የጎደለውን ይሞላሉ፣ የእግዚአብሔር ሰው ፍጹም እንዲሆን። በዚያን ጊዜ የሚቀርቡት መሥዋዕቶች እዚህ ላይ በዝርዝር ታዘዋል (ቁጥር 2-6)፣ እናም እነዚህ የዕለት ተዕለት መባውን እና የአዲስ ወር መባውን እንዳይሽሩ ጥንቃቄ ተደርጓል። በዚህም በእግዚአብሔር አገልግሎት ያለንን ቅንዓት ለመቀነስ ሰበብ መፈለግ እንደሌለብን፣ ወይም መልካም ግዴታን ለመተው ሰበብ በማግኘታችን ደስ መሰኘት እንደሌለብን፣ ይልቁንም በሃይማኖት ውስጥ ከመደበኛው በላይ ለመሰብሰብ እና ለመስራት እድል በማግኘታችን ደስ መሰኘት እንዳለብን ይጠቁማል። የቤተሰብ አምልኮን የምንፈጽም ከሆነ፣ ይህ ከግል ጸሎቶቻችን ነፃ ያደርገናል ብለን ማሰብ የለብንም፤ ወይም ወደ ቤተ ክርስቲያን በምንሄድባቸው ቀናት ብቻችንን እና ከቤተሰቦቻችን ጋር እግዚአብሔርን ማምለክ አያስፈልገንም ብለን ማሰብ የለብንም፤ ይልቁንም ሁልጊዜ በጌታ ሥራ መትጋት አለብን።

2. በስርየት ቀን። በዘሌዋውያን 16 ላይ ሥርዓቱን ያገኘንባቸው የዚያ ቀን አገልግሎቶች በሙሉ፣ እናም አንድ ሰው በቂ ችግርና ወጪ የሚጠይቁ ናቸው ብሎ የሚያስባቸው ቢሆንም፣ እዚህ ላይ የሚቃጠሉ መባዎች እንዲቀርቡ ታዝዘዋል (ቁጥር 8-10)። ምክንያቱም በእምነታችንና በንስሐችን፣ በዚያ ቀን በሚደረጉት ነገሮች የተገለጹት እነዚያ ሁለቱ ታላላቅ የወንጌል ጸጋዎች፣ በሚቃጠሉ መባዎች ውስጥ በንጹህነት የታሰበውን የእግዚአብሔርን ክብር እና ሞገስ ማየት አለብን፤ ከታላቁ የስርየት ኃጢአት መባ በተጨማሪ (ቁጥር 11) ለኃጢአት መባ የሚሆን የአውራ ፍየል ግልገልም ሊኖር ነበር።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV “ ‘On the first day of the seventh month hold a sacred assembly and do no regular work. It is a day for you to sound th… English BCV በታ ቐዳመይቲ መዓልቲ ናይታ ሻውዐይቲ ወርሒ፥ ቅዱስ ጉባኤ ግበሩ። ዝኾነ ስራሕ ኣይትስርሑ። ንሳ መለኸት እትነፍሑላ መዓልቲ ትኹነልኩም። ትግርኛ GAZBIB “Ji'a torbaffaatti, ji'ichattiis guyyaa duraatti wal ga'ii qulqullaa'aa godhadhaa! Gaafas hojii nama dadhabsiisu hin ho… Afaan Oromoo BCV GIZ ወበሳብዕ ወርኅ አመ ሠርቀ ወርኅ ቅድስተ ትሰመይ ለክሙ ይእቲ ዕለት ኵሎ ግብረ ማሕረስ ኢትግበሩ ባቲ ወዕለተ ትእምርት ትኩንክሙ። giz GAZGAZ “Ji'a torbaffaatti, ji'ichattiis guyyaa duraatti wal ga'ii qulqullaa'aa godhadhaa! Gaafas hojii nama dadhabsiisu hin ho… Afaan Oromoo BCV aksum በታ ቐዳመይቲ መዓልቲ ናይታ ሻውዐይቲ ወርሒ፥ ቅዱስ ጉባኤ ግበሩ። ዝኾነ ስራሕ ኣይትስርሑ። ንሳ መለኸት እትነፍሑላ መዓልቲ ትኹነልኩም። ትግርኛ AMHNIV “ ‘በሰባተኛው ወር በመጀመሪያው ቀን የተቀደሰ ጉባኤ አድርጉ፤ የዘወትር ሥራም አትሥሩበት፤ ይህም የመለከት ድምፅ የምታሰሙበት ቀናችሁ ነው። አማርኛ SWAHSUV Tena mwezi wa saba, siku ya kwanza ya mwezi, mtakuwa na kusanyiko takatifu; hamtafanya kazi yo yote ya utumishi; ni sik… Kiswahili