ኦሪት ዘኍልቍ 1

AMHEVGአማርኛ52 ጥቅሶች7:48 አዳምጥ

አዳምጥ 7:48 · መደበኛ · አስደናቂ በBiblight ይክፈቱ

1እግዚአብሔርም ሙሴን በሲና ምድረ በዳ በመገናኛው ድንኳን ውስጥ፥ በሁለተኛው ወር በመጀመሪያው ቀን፥ ከግብፅ ምድር ከወጡ በኋላ በሁለተኛው ዓመት እንዲህ ብሎ ተናገረው፦

2“የእስራኤልን ልጆች ማኅበር ሁሉ ድምር፥ በየወገናቸው፥ በየአባቶቻቸው ቤቶች፥ በየስማቸው ቍጥር፥ ወንዱን በየራሱ፥ ውሰዱ።

3ከሀያ ዓመት ጀምሮ ከዚያም በላይ ያለውን፥ ከእስራኤል ወደ ሰልፍ የሚወጡትን ሁሉ፥ አንተና አሮን በየሠራዊቶቻቸው ቍጠሩአቸው።

4ከየነገዱም አንድ ሰው የአባቶቹ ቤት አለቃ ከእናንተ ጋር ይሁን።

5ከእናንተም ጋር የሚቆሙት ሰዎች ስሞቻቸው እነዚህ ናቸው፤ ከሮቤል የሰዲዮር ልጅ

6ኤሊሱር፥ ከስምዖን የሱሪሰዳይ ልጅ ሰለሚኤል፥

7ከይሁዳ የአሚናዳብ ልጅ ነአሶን፥

8ከይሳኮር የሶገር ልጅ ናትናኤል፥

9ከዛብሎን የኬሎን ልጅ ኤልያብ፥ ከዮሴፍ ልጆች ከኤፍሬም የዓሚሁድ ልጅ ኤሊሳማ፥ ከምናሴ የፍዳሱ ልጅ ገማልኤል፥

11ከብንያም የጋዴዮን ልጅ አቢዳን፥ ከዳን የአሚሳዳይ ልጅ አኪዔዘር፥

13ከአሴር የኤክራን ልጅ ፋግኤል፥

14ከጋድ የራጉኤል ልጅ ኤሊሳፍ፥

15ከንፍታሌም የዔናን ልጅ አኪሬ።”

16ከማኅበሩ የተመረጡ የእስራኤል አእላፍ ታላላቆች፥ የአባቶቻቸው ነገድ አለቆች እነዚህ ናቸው።

17ሙሴና አሮንም እነዚህን በስማቸው የተጠሩትን ሰዎች ወሰዱአቸው፤

18በሁለተኛውም ወር በመጀመሪያው ቀን ማኅበሩን ሁሉ ሰበሰቡአቸው፤ ከሀያ ዓመት ጀምሮ ከዚያም በላይ ያለውን በየራሱ በየወገኑም በየአባቶቻቸውም ቤቶች በየስማቸው ቍጥር ትውልዳቸውን ተናገሩ።

19እግዚአብሔር ሙሴን እንዳዘዘ እንዲሁ በሲና ምድረ በዳ ቈጠራቸው።

20የእስራኤል በኵር የሮቤል ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ በየራሳቸው፥ ከሀያ ዓመት ጀምሮ ከዚያም በላይ ያለው ወንድ ሁሉ፥ ወደ ሰልፍ የሚወጡት ሁሉ፥

21ከሮቤል ነገድ የተቈጠሩ አርባ ስድስት ሺህ አምስት መቶ ነበሩ።

22የስምዖን ልጆች በየትውልዳቸው፥ በየወገናቸው፥ በየአባቶቻቸው ቤቶች የተቈጠሩ፥ እንደየስማቸው ቍጥር፥ በየራሳቸው፥ ከሀያ ዓመት ጀምሮ ከዚያም በላይ ያለው ወንድ ሁሉ፥ ወደ ሰልፍ የሚወጡት ሁሉ፥

23ከስምዖን ነገድ የተቈጠሩት አምሳ ዘጠኝ ሺህ ሦስት መቶ ነበሩ።

24የጋድ ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

25ከጋድ ነገድ የተቈጠሩት አርባ አምስት ሺህ ስድስት መቶ አምሳ ነበሩ።

26የይሁዳ ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

27ከይሁዳ ነገድ የተቈጠሩት ሰባ አራት ሺህ ስድስት መቶ ነበሩ።

28የይሳኮር ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

29ከይሳኮር ነገድ የተቈጠሩት አምሳ አራት ሺህ አራት መቶ ነበሩ።

30የዛብሎን ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

31ከዛብሎን ነገድ የተቈጠሩት አምሳ ሰባት ሺህ አራት መቶ ነበሩ።

32ከዮሴፍ ልጆች፥ የኤፍሬም ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

33ከኤፍሬም ነገድ የተቈጠሩት አርባ ሺህ አምስት መቶ ነበሩ።

34የምናሴ ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

35ከምናሴ ነገድ የተቈጠሩት ሠላሳ ሁለት ሺህ ሁለት መቶ ነበሩ።

36የብንያም ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

37ከብንያም ነገድ የተቈጠሩት ሠላሳ አምስት ሺህ አራት መቶ ነበሩ።

38የዳን ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

39ከዳን ነገድ የተቈጠሩት ስድሳ ሁለት ሺህ ሰባት መቶ ነበሩ።

40የአሴር ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

41ከአሴር ነገድ የተቈጠሩት አርባ አንድ ሺህ አምስት መቶ ነበሩ።

42የንፍታሌም ልጆች በየትውልዳቸው፥ በየወገናቸው፥ በየአባቶቻቸው ቤቶች፥ እንደየስማቸው ቍጥር፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

43ከንፍታሌም ነገድ የተቈጠሩት አምሳ ሦስት ሺህ አራት መቶ ነበሩ።

44የተቈጠሩት፥ ሙሴና አሮን አሥራ ሁለቱም የእስራኤል አለቆች የቈጠሩአቸው፥ እነዚህ ናቸው፤ እያንዳንዱ የአባቶቹ ቤት አለቃ ነበረ።

45ከእስራኤልም ልጆች የተቈጠሩት ሁሉ፥ በየአባቶቻቸው ቤቶች፥ ከሀያ ዓመት ጀምሮ ከዚያም በላይ ያሉት፥ ወደ ሰልፍ የሚወጡት ሁሉ፥

46የተቈጠሩት ሁሉ ስድስት መቶ ሦስት ሺህ አምስት መቶ አምሳ ነበሩ።

47ሌዋውያን ግን በየአባቶቻቸው ነገድ ከእነርሱ ጋር አልተቈጠሩም።

48እግዚአብሔርም ሙሴን እንዲህ ብሎ ተናገረው፦

49“የሌዊን ነገድ አትቍጠረው፥ ቍጥራቸውንም ከእስራኤል ልጆች ጋር አታድርግ፤

50ነገር ግን በምስክሩ ማደሪያና በዕቃዎች ሁሉ ለእርሱም በሚሆነው ነገር ሁሉ ላይ ሌዋውያንን አቁማቸው። ማደሪያውንና ዕቃዎችን ሁሉ ይሸከሙ፥ ያገልግሉትም፥ በማደሪያውም ዙሪያ ይስፈሩ።

51ማደሪያውም ሲነሣ ሌዋውያን ይንቀሉት፤ ማደሪያውም በሰፈረ ጊዜ ሌዋውያን ይትከሉት፤ ሌላ ሰው ግን ቢቀርብ ይገደል።

52የእስራኤልም ልጆች እያንዳንዱ በየሰፈሩ፥ በየዓላማውም፥ በየጭፍራውም ይሰፍራሉ።

53ነገር ግን በእስራኤል ልጆች ላይ ቍጣ እንዳይወርድ ሌዋውያን በምስክሩ ማደሪያ ዙሪያ ይስፈሩ፤ ሌዋውያንም የምስክሩን ማደሪያ ይጠብቁ።”

54የእስራኤል ልጆች እንዲሁ አደረጉ፤ እግዚአብሔር ሙሴን እንዳዘዘው ሁሉ እንዲሁ አደረጉ።

ማብራሪያ

1:1-43 ሕዝቡ የተቆጠረው የእግዚአብሔርን ታማኝነት የያዕቆብን ዘር በዚህ መልኩ በማብዛቱ ለማሳየት፣ ለከነዓን ጦርነቶችና ድል መንሳት በተሻለ ሁኔታ እንዲሰለጥኑ፣ እንዲሁም ምድርን ለመከፋፈል እንዲቻል ቤተሰቦቻቸውን ለመለየት ነበር። ስለ እያንዳንዱ ነገድ ሲነገር ወደ ጦርነት መውጣት የሚችሉት ተቆጠሩ ይላል፤ ያኔ ምንም ተቃውሞ ባያጋጥማቸውም እንኳ በፊታቸው ጦርነቶች ነበሩባቸው። ሁሉም ነገር ሰላም ቢመስልም እንኳ አማኝ የነፍሱን ጠላቶች ለመቋቋም ሊዘጋጅ ይገባል።

ቁጥር 17-43

እዚህ ላይ ሕዝቡን ለመቁጠር የተሰጠው ትእዛዝ በፍጥነት መፈጸሙን እናያለን። ትእዛዙ በተሰጠበት በዚያው ቀን፣ በሁለተኛው ወር በመጀመሪያው ቀን ተጀመረ፤ ቁጥር 18ን ከቁጥር 1 ጋር ያነጻጽሩ። ማስታወሻ፡ ለእግዚአብሔር የሚሠራ ሥራ ሲኖር፣ የኃላፊነት ስሜት ጠንካራና አስገዳጅ በሆነበት ጊዜ በፍጥነት መጀመር መልካም ነው። እንደሚታየውም፣ ይህ ሥራ የአንድ ቀን ብቻ ነበር፤ ምክንያቱም በዚህና በወሩ ሃያኛው ቀን መካከል፣ ሰፈራቸውን ሲያነሱ (ምዕ. 10:11)፣ ሌሎች ብዙ ነገሮች ተከናውነዋል። በዳዊት ዘመን ኢዮአብ ሕዝቡን ለመቁጠር አስር ወር ያህል ፈጅቶበታል (2 ሳሙ. 24:8)፤ ነገር ግን በዚያን ጊዜ ተበታትነው ነበር፣ አሁን ግን ተቀራርበው ይኖሩ ነበር፤ በዚያን ጊዜ ሰይጣን ይህን እንዲያደርግ አሳሰበው፣ አሁን ግን እግዚአብሔር አዘዘው። አሁን ግን ይህ ሥራ ቀደም ብሎ ስለተሠራ፣ እናም የድሮ መዝገቦችን ከጊዜ በኋላ በተደረጉ ለውጦች ጋር መገምገም ብቻ ስለሚያስፈልጋቸው፣ ይህም ምናልባት ሲከሰቱ መዝግበውት ስለነበር፣ በፍጥነትና በቀላሉ ተከናውኗል።

እዚህ በተመዘገቡት ዝርዝሮች ውስጥ፣ የሚከተሉትን ልብ ልንል እንችላለን።

1. ቁጥሮቹ (እንደሚባለው) በፊደል እንጂ በቁጥር አለመመዝገባቸው፤ ለእያንዳንዱ ለአሥራ ሁለቱ ነገዶች፣ የዘር ሐረጋቸውን፣ ቤተሰቦቻቸውን፣ የአባቶቻቸውን ቤት፣ በስሞች ብዛት መሠረት እንደተቆጠሩ፣ ይህንንም ሪፖርት ለማድረግ የበለጠ ሥርዓትና ክብር ለመስጠት ተደግሟል፤ ይህም ብዙ ሰዎች ቢሠሩበትም እያንዳንዱ ነገድ በተመሳሳይ ሕግና ዘዴ መሠረት ቆጥሮ ሪፖርት ማድረጉን ያሳያል። በመጀመሪያ የዘር ሐረጉን በመጻፍ ቤተሰባቸው ከእስራኤል እንደመጣ ለማሳየት፣ ከዚያም ቤተሰቦቹን በየተራ፣ ከዚያም እያንዳንዱን ቤተሰብ ወደ ቤቶች ወይም ከእሱ ወደተፈረካከሱ ንዑስ ቤተሰቦች በመከፋፈል፣ በእነዚህም ሥር የየግለሰቦችን ስሞች በዘር ሐረግ ሕግ መሠረት መመዝገባቸው። በዚህም እያንዳንዱ ሰው ዘመዶቹ ወይም የቅርብ ወዳጆቹ እነማን እንደሆኑ ማወቅ ይችላል፤ ይህም ቀደም ሲል ያየናቸው አንዳንድ ሕጎች የተመሠረቱበት ነበር፤ ከዚህም በተጨማሪ በዝምድና ወደ እኛ የቀረቡትን መልካም ለማድረግ የበለጠ ዝግጁ መሆን አለብን።

2. ሁሉም በመቶዎች ማለቃቸው፣ ጋድ ብቻ በሃምሳ (ቁ. 25)፣ ነገር ግን አንዳቸውም ቁጥሮች ወደ አሃዶች ወይም አስሮች አለመውረዳቸው። አንዳንዶች በዚህ ጊዜ ሁሉም ነገዶች እኩል ቁጥሮች እንዲሆኑ፣ እና በመካከላቸው ያልተለመዱ ወይም የተሰበሩ ቁጥሮች እንዳይኖሩ ያዘዘው ልዩ የእግዚአብሔር አቅርቦት ነበር ብለው ያስባሉ፤ ይህም በእድገታቸው ውስጥ ከተለመደው በላይ የሆነ ነገር እንደታሰበ ለማሳየት ነው፣ በዚህ ሁኔታ ውስጥ ይህ ያልተለመደ ነገር ስለነበረ። ይልቁንም ሙሴ ከዚህ በፊት የመቶ አለቆችንና የሃምሳ አለቆችን (ዘጸ. 18:25) ስለሾመ፣ ሕዝቡን በየራሳቸው አለቆች አማካኝነት እንደቆጠሩት፣ ይህም ቁጥሮቹን ወደ እኩል መቶዎች ወይም ሃምሳዎች ያመጣቸው እንደሆነ የበለጠ ዕድል አለው።

3. ይሁዳ ከሁሉም የበለጠ ቁጥር ያለው መሆኑ፣ ከብንያምና ከምናሴ በእጥፍ የሚበልጥ፣ እና ከሌሎች ነገዶች ሁሉ በ12,000 ያህል የሚበልጥ መሆኑ (ቁ. 27)። ወንድሞቹ ሊያመሰግኑት የሚገባው ይሁዳ ነበር፤ ምክንያቱም መሲሑ ልዑል ከእርሱ ሊወጣ ነበርና፤ ነገር ግን ያ ነገር ሩቅ ስለነበር፣ እግዚአብሔር በዚያን ጊዜ ያን ነገድ በብዙ መንገድ አከበረው፣ በተለይም ከይሁዳ ሊወጣ ባለው (ዕብ. 7:14) ምክንያት በጊዜው ፍጻሜ በታላቅ እድገት አከበረው። ይሁዳ በምድረ በዳው ውስጥ ግንባር ቀደም ሆኖ መሄድ ነበረበት፣ ስለዚህም ከሌሎች ነገዶች ሁሉ የበለጠ ጥንካሬ ተሰጥቶት ነበር።

4. የዮሴፍ ልጆች የሆኑት ኤፍሬምና ምናሴ እንደየራሳቸው ነገዶች ተቆጥረዋል፣ ሁለቱም በአንድ ላይ ከይሁዳ ጋር እኩል ያህል ነበሩ፤ ይህም ያዕቆብ እነርሱን በመውሰዱ የተነሳ ነበር፣ በዚህም ከአጎቶቻቸው ከሮቤልና ከስምዖን ጋር እኩል ሆኑ (ዘፍ. 48:5)። እንዲሁም ፍሬያማ ቅርንጫፍ ሊሆን የነበረው የዮሴፍ በረከት ውጤት ነበር (ዘፍ. 49:22)። ታናሹ ኤፍሬም ደግሞ ቀድሞ ተቀምጧል፣ እናም ከምናሴ የበለጠ ቁጥር ያለው ነው፤ ምክንያቱም ያዕቆብ እጆቹን አቋርጦ የአስር ሺህ ኤፍሬም እና የሺህ ምናሴን አይቶ ነበር። ይህ መፈጸሙ አባቶች የተሞሉበትን የትንቢት መንፈስ እምነታችንን ያረጋግጣል።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV The Lord spoke to Moses in the Tent of Meeting in the Desert of Sinai on the first day of the second month of the secon… English BCV ደቂ እስራኤል ካብ ግብፂ ኻብ ዝወፁ ኣብ ካልአይቲ ዓመት፥ በታ ቐዳመይቲ መዓልቲ ናይታ ኻልአይቲ ወርሒ፥ እግዚኣብሄር ኣብ ምድረ በዳ ሲና፥ ኣብ ውሽጢ እቲ መራኸቢ ድንኳን ንሙሴ ኸምዙይ ኢሉ… ትግርኛ GAZBIB Namoonni Israa'el biyya Gibxii ba'anii waggaa lammaffaatti, waggicha keessaa ji'a lammaffaatti, ji'icha keessaa guyyaa … Afaan Oromoo BCV GIZ ወነበቦ እግዚአብሔር ለሙሴ በገዳም ዘሲና በውስተ ደብተራ ዘመርጡል አመ ርእሰ ሠርቀ ካልእ ወርኅ በካልእት ዓመት ዘወፅኡ እምድረ ግብፅ ወይቤሎ፦ giz GAZGAZ Namoonni Israa'el biyya Gibxii ba'anii waggaa lammaffaatti, waggicha keessaa ji'a lammaffaatti, ji'icha keessaa guyyaa … Afaan Oromoo BCV aksum ደቂ እስራኤል ካብ ግብፂ ኻብ ዝወፁ ኣብ ካልአይቲ ዓመት፥ በታ ቐዳመይቲ መዓልቲ ናይታ ኻልአይቲ ወርሒ፥ እግዚኣብሄር ኣብ ምድረ በዳ ሲና፥ ኣብ ውሽጢ እቲ መራኸቢ ድንኳን ንሙሴ ኸምዙይ ኢሉ… ትግርኛ AMHNIV እስራኤላውያን ከግብፅ በወጡ በሁለተኛው ዓመት፣ በሁለተኛው ወር፣ በመጀመሪያው ቀን በሲና ምድረ በዳ ሳሉ እግዚአብሔር (ያህዌ) ሙሴን በመገናኛው ድንኳን ውስጥ ተናገረው፤ እንዲህም አለው፤ አማርኛ SWAHSUV Bwana akanena na Musa katika bara ya Sinai, hemani mwa kukutania, siku ya kwanza ya mwezi wa pili, katika mwaka wa pili… Kiswahili