ትንቢት ዮናስ 3

BCVትግርኛ9 ፍቕድታት2:23 ስማዕ

1ንኻልኣይ ጊዜ ኸዓ፥ ከምዙይ ዝብል ቃል እግዚኣብሄር ናብ ዮናስ መፀ፦ “ተስእ፤ ናብ ነነዌ፥ ናብታ ዓባይ ከተማ ኺድ፤ ኣነ ዝነግረካ ስብከት ስበኸላ” በሎ።

3ዮናስ ድማ ኸምቲ ቓል እግዚኣብሄር፥ ተሲኡ ናብ ነነዌ ኸደ። ነነዌ ግና መንገዲ ሰለስተ መዓልቲ እትወስድ፥ የመና ዓባይ ከተማ ነበረት።

4ዮናስ ናብታ ኸተማ ኽኣቱ መንገዲ ሓንቲ መዓልቲ ምስ ተጕዓዘ “ኣብ ውሽጢ እዘን ሰለስተ(ሀ) መዓልቲ እዚኣተን ነነዌ ኽትግልበጥ እያ” ኢሉ ኣወጀ።

5ሰብ ነነዌ ኸዓ ንእግዚኣብሄር ኣመኑ፤ ፆም ድማ ኣወጁ፤ ኵሎም ሰባትውን ካብ ዓበይቶም ክሳዕ ኣናእሽቶም ወጮ ተኸደኑ።

6እዝ ወረ እዙይ ናብ ንጉስ ነነዌ በፅሐ፤ ንሱ ድማ ኻብ ዙፋኑ ተሲኡ፥ ልብሲ መንግስቱ ቐንጠጠ፤ ወጮ ተኸዲኑውን ኣብ ሓሙዅሽቲ ተቐመጠ።

7ኣብ ህዝቢ ነነዌ ኸዓ፥ ብትእዛዝ ንጉስን መኳንንቱን፥ ከምዙይ ዝብል ኣዋጅ ኣወጀ፦ “ሰብ ወይ እንስሳ ሓደኳ ኣይጥዓም። መጓሰ ኸፍቲ ኾነ መጓሰ ኣባጊዕ ዝኾነ ኣይጥዓሙ፤ ኣይውፈሩ፤ ማይውን ኣይስተዩ።

8ሰብን እንስሳን ወጮ ይከደኑ፤ ዓው ኢሎም ድማ ናብ እግዚኣብሄር የእውዩ፤ ነፍሲ ወከፎም ከዓ፥ ካብ ክፉእ መንገዱን፥ ካብቲ ኣብ ኢዱ ዘሎ ግፍዕን ይመለስ።

9እግዚኣብሄር እንተ ተመለሰን እንተ ተናሰሐን፥ ንሕና ኸይንጠፍእ ድማ፥ ካብ ጕሁር ቍጥዓኡ እንተ ተመለሰን መን ይፈልጥ?”

10እግዚኣብሄር ከዓ፥ ካብ ክፉእ መንገዶም ከም ዝተመለሱ ግብሮም ረአየ። እግዚኣብሄርውን ነቲ ኸውርደሎም ኢሉ ተናጊርዎ ዝነበረ ኽፉእ ነገር ተናሲሑ ኣይገበሮን።

ትርጓሜ

3:1-4 ኣምላኽ ንዮናስ ኣብ ኣገልግሎቱ እንደገና ተጠቕመሉ። ንዓና ምጥቃሙ ምስኡ ዕርቂ ከምዘሎና መርኣያ እዩ። ዮናስ ከምቲ ቅድም ዝነበሮ ዘይእዙዝ ኣይነበረን። ንትእዛዝ ምስማዕ ክወግድ ኣይፈተነን፣ ወይ ድማ ክእዘዞ ኣይኣበየን። ባህሪ ንስሓ እምበኣር ኣብዚ ተመልከቱ፤ ንስሓ ማለት ምልዋጥ ኣእምሮናን መንገዲናን፣ ናብ ስራሕናን ግዴታናን ምምላስ እዩ። ከምኡውን ረብሓ መከራ፤ ነቶም ዝሃደሙ ናብ ቦታኦም የምልሶም። ሓይሊ መለኮታዊ ጸጋ ተመልከቱ፣ ከመይሲ መከራ ባዕሉ ንሰባት ካብ ኣምላኽ የርሕቆም እምበር ናብኡ ኣየቕርቦምን። ኣገልገልቲ ኣምላኽ ናብ ዝሰደዶም ክኸዱ፣ ናብ ዝጸውዖም ክመጹ፣ ከምኡውን ዝኣዘዞም ክገብሩ ኣለዎም። ቃል እግዚኣብሔር ዝእዝዞ ዘበለ ክንገብር ኣለና። ዮናስ መልእኽቱ ብተኣማንነትን ብትብዓትን ኣመሓላለፈ። ዮናስ መዓት ኣምላኽ ኣብ ልዕሊኦም ንምግላጽ ዝበዝሐ እንተበለ፣ ወይ ድማ ነዘን ቃላት እዚአን ደጋጊሙ እንተበለን ግልጺ ኣይኮነን፣ ይኹን እምበር እዚ እዩ ነይሩ ትሕዝቶ መልእኽቱ። ኣርባዓ መዓልቲ ንጻድቕ ኣምላኽ ፍርዲ ንምሕላፍ ዘድንጒይ ነዊሕ ግዜ እዩ፣ ንሓጢኣተኛ ህዝቢ ግና ንምንስሓን ንምምዕርራይን ድማ ሓጺር ግዜ እዩ። ኒነዌ ሽዑ ኣርባዓ መዓልቲ ከም እትቕውም ክትርግጽ ከም ዝኸኣለት፣ ንሕና ግና ኣርባዓ መዓልቲ ከም እንነብር ክንርግጽ ኣይንኽእልን ኢና።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG የእግዚአብሔርም ቃል ሁለተኛ ወደ ዮናስ እንዲህ ሲል መጣ፦ አማርኛ ENGNIV Then the word of the Lord came to Jonah a second time: English GAZBIB Ergasii dubbiin Waaqayyoo si'a lammaffaa gara Yoonaas dhufee, Afaan Oromoo BCV GIZ ወኮነ ቃለ እግዚአብሔር ዳግመ ኀበ ዮናስ ወይቤሎ፦ giz GAZGAZ Ergasii dubbiin Waaqayyoo si'a lammaffaa gara Yoonaas dhufee, Afaan Oromoo BCV aksum ንኻልኣይ ጊዜ ኸዓ፥ ከምዙይ ዝብል ቃል እግዚኣብሄር ናብ ዮናስ መፀ፦ “ተስእ፤ ናብ ነነዌ፥ ናብታ ዓባይ ከተማ ኺድ፤ ኣነ ዝነግረካ ስብከት ስበኸላ” በሎ። ትግርኛ AMHNIV የእግዚአብሔርም ቃል ለሁለተኛ ጊዜ እንዲህ ሲል ወደ ዮናስ መጣ፤ አማርኛ SWAHSUV Neno la Bwana likamjia Yona mara ya pili, kusema, Kiswahili