ትንቢት ኢሳይያስ 64

BCV aksumትግርኛ12 ፍቕድታት2:18 ስማዕ

1ንሰማያት ቀዲድካ እንተትወርድ! እምባታት ኣብ ቅድሜኻ መንቀጥቀጡ።

2ስምካ ኣብ ፀላእትኻ ምእንቲ ኽፍለጥ፥ ከምቲ ሓዊ ንጭራሮ ዘንድዶ፥ ንማይውን ዘፍልሖ፥ ኣህዛብ ኣብ ቅድሜኻ ቐጥቀጥ ምእንቲ ኽብሉ፥

3ዘይተፀበናዮ ዘገርም ግብሪ ምስ ገበርካ፥ ወረድካ እሞ እምባታት ኣብ ቅድሜኻ ኣንቀጥቀጡ።

4ነቶም ዝፅበይዎ ኸምቲ ንስኻ ዝገበርካሎም ዝገብር፥ ካልእ ኣምላኽ ካብ ጥንቲ ኣይተሰምዐን፤ ኣብ እዝኒ ኣይተነግረን፥ ብዓይኒውን ኣይተርኣየን።

5ተሓጕሶም ፅድቂ ንዝገብሩን፥ ከም ፍቓድካ ንዝነብሩን፥ ብመንገድኻ ንዝሓስቡኻን፥ ትራኸቦም ኢኻ። ንሕና ሓጢኣት ገበርና፤ ንስኻ ድማ ተቘጣዕኻና፤ ኣብ ሓጢኣትናውን ነዊሕ ዘመን ነበርና፤ ከመይ ኢልና ደኣ ኽንድሕን ኢና?

6ኵላትና ኸም ዝረኸሰ ሰብ ኰንና፤ ፅድቅናውን ከም ናይ መርገም ጨርቂ እዩ፤ ኵላትና ኸም ቈፅሊ ረገፍና፤ በደልናውን፥ ከም ንፋስ ፀራሪጉ ይወስደና ኣሎ።

7ገፅካ ኸዊልካልና፥ ብሰንኪ ሓጢኣትና ኸዓ ደርቢኻና ኢኻ እሞ፥ ስምካ ዝፅውዕን፥ ንኣኻ ኽሕዝ ዝትስእን፥ ሓደ እኳ የለን።

8ሕዚ ግና፥ ኦ እግዚኣብሄር፥ ንስኻ ኣቦና ኢኻ፤ ንሕና መሬት ኢና፤ ንስኻ ድማ ሰራሒና ኢኻ?? ኵልናውን ስራሕ ኢድካ ኢና።

9ኦ እግዚኣብሄር፥ የመና ኣይትቈጣዕ፤ በደልውን ንሓዋሩ ኣይትዘክር። በይዛኻ ተመልከተና፤ እንሆ ዅልና ህዝብኻ ኢና።

10ኵለን ቅዱሳት ከተማታትካ፥ ምድረ በዳ ኾና፤ ፅዮን ባደመት፤ ኢየሩሳሌምውን ዓነወት።

11እታ ኣቦታትና ንኣኻ ዘመስግኑላ ዝነበሩ፥ ቅድስትን ክብርትን ቤትና፥ ብሓዊ ነደደት፤ ኵሉ እቲ ኽቡር ጥሪትናውን በረሰ።

12ኦ እግዚኣብሄር፥ እዝ ኵሉ ኾይኑ፥ ክትዕገስ ዲኻ? ብሓቂዶ ስቕ ክትብል ኢኻ? ብዘይ መጠንዶ ኽተጨንቐና ኢኻ?

ትርጓሜ

64:1-5 ንኣምላኽ ንርእሱ ንኣታቶም ከምኡ'ውን ምእንትኦም ከግልጽ፣ ኩሉ'ውን ክርእዮ ይምነዩ። እዚ ምስ ዳግማይ ምጽኣት ክርስቶስ፣ ጐይታ ባዕሉ ካብ ሰማይ ምስ ዝወርድ፣ ዝተኣሳሰረ እዩ። ኣምላኽ ንህዝቡ ክገብሮ ዝነበረን፣ ከምኡ'ውን ንህዝቡ ክገብሮ ዝሓለኖ ጸጋዊ ዕላምኡ ዝገለጸሉን፣ ይልምኑ። ብዛዕባኡ ከም ዘይረኽብዎ ኣይፈርሑን፣ ምኽንያቱ ርግጽ እዩ፤ ወይ'ውን ብእኡ ከም ዘይዕገቡ ኣይፈርሑን፣ ምኽንያቱ እኹል እዩ። ሓጎስ ህዝቡ፣ ኣብቲ ኣምላኽ ምእንትኦም ዝሓለኖን፣ ንኣታቶም ዝዳልዎ ዘሎን፣ ከምኡ'ውን ንኣታቶም ምእንቲ እዚ ዝዳልዎም ዘሎን ነገር፣ ማለት ኣብቲ ዝገበሮ ወይ ክገብሮ ዝኾነ እዩ ዝምርኮስ። እዚ ክንኣምን እንተኺኢልና፣ ካብ ሓቂኡ፣ ሓይሉ፣ ከምኡ'ውን ፍቕሩ ንምድላይ ዝኸብድ ነገር ከም ዘሎ ክንሓስብ ንኽእል ዲና? እዚ መንፈሳዊ እዩ እሞ ብሰብኣዊ ኣእምሮ ክርድኣሉ ኣይከኣልን። ኩሉ ሳዕ ድሉው እዩ። ኣብ መንጎ ጸጋዊ ኣምላኽን ጸጋዊት ነፍስን እንታይ ሕብረት ከም ዘሎ ርኣዩ። ጐይታ ኣምላኽና ዝሓትቶ ኩሉ ነገር ግቡእና ምግባር ህሊናና ይገድደና። ንዕኡ ትረኽቦ፤ እዚ ንኣታቶም ጽቡቕ ኣብ ምግባሩ ዘለዎ ነጻነትን ድልውነትን ይገልጽ። ኣምላኽ ብሰንኪ ሓጢኣትና ብርትዕቲ እንተኾርየና'ኳ፣ ቁጥዓኡ ግን ብቕልጡፍ ይውዳእ፤ ኣብ ሞገሱ ግን ህይወት ኣሎ፣ እዚ ኸኣ ዝቕጽልን ዘቋርጽን እዩ፣ ንምድሓንና ድማ ኣብኡ ኢና እንምርኮስ።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG ሰማዮችን ቀድደህ ምነው ብትወርድ! ተራሮችም ምነው ቢናወጡ! አማርኛ ENGNIV Oh, that you would rend the heavens and come down, that the mountains would tremble before you! English BCV ንሰማያት ቀዲድካ እንተትወርድ! እምባታት ኣብ ቅድሜኻ መንቀጥቀጡ። ትግርኛ GAZBIB Tulloonni si sodaatanii akka raafamanitti, maaloo bantiiwwan waaqaa tarsaaftee utuu gad buutee! Afaan Oromoo BCV GIZ ወእመሰ አርኀውከ ሰማየ ይርዕዱ አድባር እምኔከ። giz GAZGAZ Tulloonni si sodaatanii akka raafamanitti, maaloo bantiiwwan waaqaa tarsaaftee utuu gad buutee! Afaan Oromoo AMHNIV አቤቱ፤ ሰማያትን ቀድደህ ምነው በወረድ ምነዋ ተራሮች በፊትህ በተናወጡ አማርኛ SWAHSUV Laiti ungepasua mbingu, na kushuka, ili milima iteteme mbele zako; Kiswahili