1ይ ቆረንቶስ 1

BCVትግርኛ29 ፍቕድታት8:35 ስማዕ

1ካብቲ ብፍቓድ እግዚኣብሄር፥ ሃዋርያ ኢየሱስ ክርስቶስ ክኸውን ዝተፀውዐ ጳውሎስን፥ ሓውና ሶስቴኔስን፦

2ኣብታ ኣብ ቆሮንቶስ ዘላ ቤተ ክርስቲያን እግዚኣብሄር፥ ናብቶም ብኢየሱስ ክርስቶስ ዝተቐደሱ፥ ምስቶም ኣብ ኵሉ ስፍራ፥ ስም እቲ ጐይታኦምን ጐይታናን ዝኾነ ኢየሱስ ክርስቶስ ዝፅውዑ፥ ኵሎም ቅዱሳን ንምዃን ዝተፀውዑ፥

3ካብ እግዚኣብሄር ኣቦናን፥ ካብ ጐይታና ኢየሱስ ክርስቶስን፥ ፀጋን ሰላምን ንኣኻትኩም ይኹን።

4ስለ እቲ ብክርስቶስ ኢየሱስ ዝተውሃበኩም ፀጋ እግዚኣብሄር፥ ብዛዕባኹም ዅሉ ጊዜ፥ ንኣምላኸይ ኣመስግን ኣለኹ።

5ዘመስግኖ ዘለኹ ኸዓ፥ እቲ ብዛዕባ ክርስቶስ ዝመስከርናልኩም፥ ኣባኻትኩም ፀኒዑ ስለ ዝተረኽበ፥ ብዅሉ ቓልን ብዅሉ ፍልጠትን፥ ብእኡ ስለ ዝሃብተምኩም እዩ።

7ስለዙይውን ናይ ጐይታና ኢየሱስ ክርስቶስ ምምፃእ ኣብ እትፅበዩሉ፥ ዝጐድለኩም ውህብቶ ፀጋ የለን።

8ብመዓልቲ ጐይታና ኢየሱስ ክርስቶስ፥ ብዘይ ነውሪ ንኽትርከቡ፥ ንሱ ኽሳዕ መወዳእታ ኸፅንዐኩም እዩ።

9እቲ ምስ ወዱ፥ ምስ ጐይታና ኢየሱስ ክርስቶስ፥ ሕብረት ምእንቲ ኽህልወኩም፥ ዝፀውዐኩም እግዚኣብሄር እሙን እዩ።

10ኣሕዋተይ፥ ኵልኻትኩም ክትሰማምዑ፥ ብሓደ ልብን ብሓደ ሓሳብን ክትሓብሩ እምበር፥ ምፍልላይ ከይህልወኩም(ሀ) ብስም ጐይታና ኢየሱስ ክርስቶስ ኣማሕፅነኩም ኣለኹ።

11ኣሕዋተይ፥ ኣብ ማእኸልኩም ባእሲ ኸም ዘሎ፥ ሰብ ቀሎኤ ነጊሮምኒ ኣለዉ።

12እወ፥ ነፍሲ ወከፍኩም “ኣነ ናይ ጳውሎስ እየ፤ ኣነስ እባ ናይ ኣጵሎስ እየ፤ ኣነ ናይ ኬፋ እየ፤ ኣነስ እባ ናይ ክርስቶስ እየ” ኸም እትብሉ ነጊሮምኒ ኣለዉ።

13ክርስቶስዶ፥ ተመቓቒሉ እዩ? ወይ ጳውሎስ ድዩ፥ ምእንታኻትኩም ዝተሰቐለ? ወይ ብስም ጳውሎስ ዲኹም፥ ዝተጠመቕኩም?

14ካባኻትኩም፥ ብዘይ ንክርስጶስን ንጋይዮስን፥ ንሓደኳ ስለ ዘየጥመቕኩ፥ ንእግዚኣብሄር አመስግኖ ኣለኹ።

15ስለዙይ ካባኻትኩም ሓደኳ፥ “ብስም ጳውሎስ ተጠሚቐ” ኽብል ኣይኽእልን እዩ።

16ንስድራ እስጢፋኖስ እባ ኣጥሚቐ ኣለኹ፤ ብዝተረፈ ግና፥ ካልእ ከም ዘጥመቕኩ ኣይፍለጠንን።

17ክርስቶስ ወንጌል ክሰብኽ እምበር፥ ከጥምቕ ኣይለኣኸንንሞ። እንተ ኾነ፥ መስቀል ክርስቶስ ከንቱ ምእንቲ ኸይኸውን፥ ዝሰብኮ ወንጌል፥ ኣብ ክእለት ዘረባ ዝተመስረተ ኣይነበረን።

18ናይ መስቀሉ ቓል፥(ለ) ንዝጠፍኡ ሰባት ዕሽነት እዩ፤ ንኣና ንእንድሕን ግና፥ ሓይሊ እግዚኣብሄር እዩ።

19“ኣነ፥ ጥበብ ጠቢባን ከጥፍእ እየ፤ ፍልጠት ፈላጣትውን ከፍርስ እየ” ተብሂሉ ተፅሒፉ እዩሞ።

20ጥበበኛ ደኣ ኣበይ ኣሎ? መምህር ሕጊኸ ኣበይ ኣሎ? ፈላስፋ እዛ ዓለም እዚኣኸ ኣበይ ኣሎ? ኣምላኽዶ፥ ንጥበብ እዛ ዓለም እዚኣ፥ ዕሽነት ኣይገበሮን እዩ?

21ብምኽንያት ጥበብ እግዚኣብሄር፥ ዓለም ብጥበባ ንእግዚኣብሄር ስለ ዘይፈለጠቶ፥ ነቶም ብዕሽነት ስብከት ዝኣምኑ፥ እግዚኣብሄር ከድሕኖም ሰናይ ፈቓዱ ኾይኑ እዩሞ።

22ኣይሁድ ምልክት ክሪኡ ይጥይቑ፤ ግሪካውያን ድማ ጥበብ ይደልዩ እዮም፤

23ንሕና ግና፥ ነቲ ንኣይሁድ መዐንቀፊ፥(ሐ) ንኣህዛብ ከዓ ዕሽነት ዝኾነ፥ ዝተሰቐለ ክርስቶስ ንሰብኽ ኣለና።

24ነቶም ፅዉዓት ግና፥ ኣይሁድ ኮኑ ግሪካውያን፥ ክርስቶስ ሓይሊ እግዚኣብሄር እዩ፤ ጥበብ እግዚኣብሄርውን እዩ።

25ዕሽነት እግዚኣብሄር መሲሉ ዝረአ፥ ካብ ጥበብ ሰብ ይበልፅ እዩሞ፤ ድኻም እግዚኣብሄር መሲሉ ዝረአ ኸዓ፥ ካብ ሓይሊ ሰብ ይብርትዕ እዩሞ።

26ኣሕዋተይ፥ እስኪ ኸመይ ከም ዝተፀዋዕኹም ተመልከቱ፤ ብዙሓት ካባኻትኩም በተሓሳስባ ሰብ፥ ፈላጣት ወይ ሓያላት ወይ ብትውልዲ ዝኸበርኩም ኣይነበርኩምን።

27እግዚኣብሄር፥ ንጥበበኛታት ምእንቲ ኸሕፍር፥ ናይ ዓለም ዕሽነት ዝኾነ ነገር መረፀ፤ ንሓያላት ምእንቲ ኽሕፍር ከዓ፥ እግዚኣብሄር ናይ ዓለም ድኹም ዝኾነ ነገር መረፀ።

28እግዚኣብሄር፥ ነቲ ዘሎ ኸንቱ ምእንቲ ኽገብር ከዓ፥ ነቲ ብዓለም ሕሱርን፥ ንዑቕን፥ ነቲ ዘይኮነ ነገርን መረፀ።

29እዙይ ከዓ፥ ኵሉ ስጋ ዝለበሰ፥ ኣብ ቅድሚ እግዚኣብሄር፥ ምእንቲ ኸይምካሕ ኢሉ እዩ።

30ግናኸ “እቲ ዝምካሕ፥ ብእግዚኣብሄር ይመካሕ” ተብሂሉ ዝተፅሓፈ ምእንቲ ኽፍፀም፥ ካብ እግዚኣብሄር ጥበብን፥ ፅድቅን፥ ቅድስናን፥ ቤዛን ዝዀነልና፥ ብክርስቶስ ኢየሱስ ኢኹም ዘለኹም።

ትርጓሜ

1:1-9

ኩሎም ክርስትያናት ብጥምቀት ንክርስቶስ ዝተወፍዩን ዝተሐርዩን እዮም፣ ከምኡ’ውን ቅዱሳን ክኾኑ ብጽኑዕ ተገዲዶም ኣለዉ። ግናኸ ኣብ ናይ ሓቂ ቤተ ክርስትያን ኣምላኽ ኩሎም ብክርስቶስ የሱስ ዝተቐደሱ፣ ቅዱሳን ክኾኑ ዝተጸውዑ፣ ከምኡ’ውን ንዕኡ ከም ኣምላኽ ኣብ ስጋ ዝተገሃደ ንኹሉ በረኸት ድሕነት ዝጽውዑ፣ ንዕኡ ኸም ጐይታኦምን ጐይታ ኹሉን ዝርንእሱን ዝእዘዝዎን ኣለዉ፤ ካልኦት ሰባት ኣየጠቓልልን እዩ። ክርስትያናት ካብቶም ርኹሳትን ኣምላኽ የልቦን ዝብሉን ብዘይ ጸሎት ክነብሩ ስለ ዘይደፍሩ ይፈላለዩ፤ ከምኡ’ውን ካብ ኣይሁድን ኣረማውያንን ብስም ክርስቶስ ስለ ዝጽውዑ ይፈላለዩ። እቲ ሃዋርያ ኣብዚ ጥቕሲ’ዚ ንቓላት "ጐይታና የሱስ ክርስቶስ" ክንደይ ሳዕ ከም ዝደገሞ ኣስተብህሉ፤ ንዕኡ ኣዝዩ ብዙሕ ወይ ኣዝዩ ብኽብሪ ምጥቃስ ኣይፈርሀን።

ንኹሎም ንክርስቶስ ዝጸውዑ፣ እቲ ሃዋርያ ልሙድ ሰላምታኡ ሃቦም፣ በጃኦም፡ ይቕረ ዝብል ምሕረት፣ ምቅድስቲ ጸጋ፣ ከምኡ’ውን መጸናንዕቲ ሰላም ኣምላኽ፡ ብየሱስ ክርስቶስ ገይሩ ክህቦም እናተመንየ። ሓጥኣን ምስ ኣምላኽ ሰላም ክህልዎም ኣይኽእልን፣ ከምኡ’ውን ካብኡ ሰላም ክህልዎም ኣይኽእልን፡ እንተ ዘይኮይኑ ብክርስቶስ ጥራይ እዩ። ንምምላሶም ናብ እምነት ክርስቶስ የመስግን፤ ብየሱስ ክርስቶስ ጸጋ ከም እተዋህቦም ድማ ይገልጽ። ብኹሉ መንፈሳዊ ህያባት ብእኡ ሃብታማት ኮይኖም ነበሩ። ብዛዕባ ምዝራብን ፍልጠትን ይዛረብ። ኣምላኽ ነዞም ክልተ ህያባት ኣብ ዝሃበሉ ድማ፡ ንጥቕሚ ዝኸውን ዓቢ ሓይሊ ሂቡ እዩ። እዚኣቶም ህያባት መንፈስ ቅዱስ እዮም፣ ብእኦም ኣምላኽ ንሃዋርያት መሰከረሎም።

እቶም ምጽኣት ጐይታና የሱስ ክርስቶስ ዝጽበዩ፣ ንመወዳእታ ብእኡ ክሕለዉ እዮም፤ ከምኡ ዝኾኑ ድማ ኣብ መዓልቲ ክርስቶስ ብዘይ በደል ክኾኑ እዮም፣ ብሃብታምን ነጻን ጸጋ ተባዕቲቶም ከምኡ ዝኾኑ። ትጽቢት ከምዚ ዝበለ ፍሉይ መሰል ክንደይ ክብሪ ዝመልኦ እዩ፤ ብሓይሊ ክርስቶስ፣ ካብ ሓይሊ ምብልሻውናን ፈተናታት ሰይጣንን ክሕሎ!

1:10-16 ኣብ ዓበይቲ ነገራት ሃይማኖት ሓደ ልቢ ኩኑ፤ ኣብቲ ሓሳብ ሓደ ዘይትኾኑሉ እውን፣ ፍቕራዊ ሓድነት ግና ይሃልወኩም። ኣብ ዓበይቲ ነገራት ዘሎ ስምምዕ ንፍልልያት ብዛዕባ ንኣናሱ ከጥፍኦ ይግባእ። ኣብ ሰማይ ፍጹም ሓድነት ክኸውን እዩ፣ ኣብ ምድሪ ናብኡ ዝቐረብናሉ ድማ፣ ናብ ፍጹምነት እንቐርበሉ ኢና። ጳውሎስን ኣጵሎስን ክልቲኦም እሙናት ኣገልገልቲ የሱስ ክርስቶስ፣ ንእምነቶምን ንሓጎሶምን ድማ ደገፍቲ ነበሩ። እቶም ንክርክር ዝዘንበሉ ግና ናብ ወገናት ተመቕሉ። እቲ ዝበለጸ ነገር ክበላሾ ክንደይ ዝቐልል እዩ! ወንጌልን ትካላቱን ድማ መሳርሒ ምፍልላይን ባእስን ክኸውን ተገብረ። ሰይጣን ኩሉ ሳዕ ኣብ መንጎ ክርስቲያናት ባእሲ ከለዓዕል ፈቲኑ እዩ፣ ሓደ ካብቶም ቀንዲ ንወንጌል ዝጻረርዎ መጋበርያታቱ ገይሩ።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG በእግዚአብሔር ፈቃድ የኢየሱስ ክርስቶስ ሐዋርያ ሊሆን የተጠራ ጳውሎስ ወንድሙም ሶስቴንስ፥ አማርኛ ENGNIV Paul, called to be an apostle of Christ Jesus by the will of God, and our brother Sosthenes, English GAZBIB Ani Phaawulos fedha Waaqayyootiin ergamaa Kristos Yesus ta'uudhaaf kanan waamame, Sostenees obboleessaa wajjin, Afaan Oromoo BCV GIZ እምጳውሎስ ዘተሠይመ ሐዋርያሁ ለእግዚእነ ኢየሱስ ክርስቶስ በፈቃደ እግዚአብሔር ወስቴንስ እኁነ። giz GAZGAZ Ani Phaawulos fedha Waaqayyootiin ergamaa Kristos Yesus ta'uudhaaf kanan waamame, Sostenees obboleessaa wajjin, Afaan Oromoo BCV aksum ካብቲ ብፍቓድ እግዚኣብሄር፥ ሃዋርያ ኢየሱስ ክርስቶስ ክኸውን ዝተፀውዐ ጳውሎስን፥ ሓውና ሶስቴኔስን፦ ትግርኛ AMHNIV በእግዚአብሔር ፈቃድ የክርስቶስ ኢየሱስ ሐዋርያ እንዲሆን ከተጠራው ከጳውሎስ፣ ከወንድማችንም ከሶስቴንስ፤ አማርኛ SWAHSUV Paulo, aliyeitwa kuwa mtume wa Yesu Kristo kwa mapenzi ya Mungu, na Sosthene ndugu yetu, Kiswahili