1ይ ዜና መዋእል 24

BCV aksumትግርኛ31 ፍቕድታት3:41 ስማዕ

1መደብ ኣገልግሎት ደቂ ኣሮን እዙይ እዩ፦ ደቂ ኣሮን ናዳብን ኣብዩድን ኣልኣዛርን ኢታምርን ነበሩ።

2ናዳብን ኣብዩድን ግና ቕድሚ ኣቦኣቶም ሞቱ፤ ውሉድ ከዓ ኣይነበርዎምን፤ ስለዙይ ኣልኣዛርን ኢታምርን ካህናት ኮኑ።

3ዳዊት ድማ በቲ ኻብ ደቂ ኣልኣዛር ዝኾነ ሳዶቅን በቲ ኻብ ደቂ ኢታምር ዝኾነ ኣቢሜሌክን ተሓጊዙ በብእቲ ዝተመደብዎ ምእንቲ ኸገልግሉ መደቦም።

4ኣብ ደቂ ኣልኣዛር ከዓ ኻብ ደቂ ኢታምር ዝበዝሑ ዋናታት ተረኽቡ፤ ከምዙይ ኢሎም ከዓ ተሰርዑ፦ ካብ ደቂ ኣልኣዛር ዓሰርተ ሽዱሽተ ዋናታት መማይ ቤት ኣቦታት ኮኑ፤ ካብ ደቂ ኢታምር ከዓ ኸከም ማይ ቤት ኣቦታቶም ሸሞንተ ዋናታት ኮኑ።

5ካብ ደቂ ኣልኣዛር ኮነ ኻብ ደቂ ኢታምር መመሓደርቲ ቤተ መቕደስን ኣገልገልቲ እግዚኣብሄርን ነበሩሞ፥ እዚኣቶምን እቲኣቶምን ብዕፃ ተመደቡ።

6እቲ ፀሓፊ ሸማያ ወዲ ናትናኤል፥ ካብ ነገድ ሌዊ ድማ ኣብ ቅድሚ ንጉስን ሹመኛታቱን ካህን ሳዶቅን ኣቢሜሌክ ወዲ ኣብያታርን ኣብ ቅድሚ ዋናታት ማይ ቤት ኣቦታት ካህናትን ሌዋውያንን ፀሓፎም፤ ሓደ ማይ ቤት ኣቦ ንኣልኣዛር፥ ሓደ ኸዓ ንኢታማር ፀሓፈ።

7እቶም ዕፃ ዝበፅሖም ድማ እዚኣቶም እዮም፦ ቀዳማይ ንዮኣሪብ፥ ካልኣይ ንዮዳኤ፥

8ሳልሳይ ንካሪም፥ ራብዓይ ንስዖሪም፥

9ሓምሻይ ንመልኪያ፥ ሻድሻይ ንሚያሚን፥

10ሻውዓይ ንለኣቆስ፥ ሻምናይ ንኣቢያ

11ታሽዓይ ንኢያሱ፥ ዓስራይ ንሴኬንያ፥

12መበል ዓሰርተ ሓደ ንኤልያሴብ፥ መበል ዓሰርተ ኽልተ ንያቂም፥

13መበል ዓሰርተ ሰለስተ ንኦፓ፥ መበል ዓሰርተ ኣርባዕተ ንየሼብኣብ፥

14መበል ዓሰርተ ሓሙሽተ ንቢልጋ፥ መበል ዓሰርተ ሽዱሽተ ንኢሜር፥

15መበል ዓሰርተ ሸውዓተ ንኤዚር፥ መበል ዓሰርተ ሸሞንተ ንሃፊፄፅ፥

16መበል ዓሰርተ ትሽዓተ ንፈታያ፥ መበል ዕስራ ንኤዜቄል፥

17መበል ዕስራን ሓደን ንያኪን፥ መበል ዕስራን ክልተን ንጋሙል፥

18መበል ዕስራን ሰለስተን ንድላያ፥ መበል ዕስራን ኣርባዕተን ንመዓዝያ፥

19ከምቲ እግዚኣብሄር ኣምላኽ እስራኤል ዝኣዘዞ፥ ኣቦኣቶም ኣሮን ዝሃቦም ስርዓት፥ ናብ ቤት እግዚኣብሄር ኣትዮም ከከም ብፅሒቶም ከገልግሉ ዝተውሃቦም ሓላፍነት እዙይ እዩ።

20እቶም ካብ ሌዊ ዝተረፉ ኻልኦት ኣቦታት ማይ ቤት እዚኣቶም እዮም፦ ካብ ደቂ እንበረም፥ ሱባኤል፤ ካብ ደቂ ሱባኤል፥ ዮሕድያ፤

21ካብ ደቂ ዓረብያ፥ ይሺያ እቲ ዋና፤

22ካብ ይስዓራውያን፥ ሰሎሚት፤ ካብ ደቂ ሰሎሚት፥ ያሓት፤

23ደቂ ኬብሮን፦ እቲ ዋና ይሪያ፥ ካልኣይ ኣማርያ፥ ሳልሳይ የሕዚኤል፥ ራብዓይ ይቀምዓም፤

24ወዲ ዑዝኤል፦ ሚካ፥ ካብ ደቂ ሚካ ሻሚር፤

25ሓው ሚካ፦ ይሺያ፥ ካብ ደቂ ይሺያ ዘካርያስ፤

26ደቂ ሜራሪ፦ ሞሖሊን ሙሲን እዮም፥ ወዲ ያዚያ በኖ፤

27ደቂ ሜራሪ፦ ካብ ያዚያ፦ በኖ፥ ሾሃም፥ ዘኩር፥ ዔብሪ፤

28ካብ ሞሖሊ፦ ኣልኣዛር፤ ንሱ ደቂ ኣይነበርዎን፤

29ካብ ቂስ፦ ይረሕምኤል፤

30ካብ ደቂ ሙሲም ከዓ፦ ሞሖሊን ዔደርን ኢያሪሙትን። እዚኣቶም በብማይ ቤት ኣቦታቶም ሌዋውያን እዮም።

31እዚኣቶም ድማ ኸምቶም ኣሕዋቶም ደቂ ኣሮን፥ ኣብ ቅድሚ ንጉስ ዳዊትን ሳዶቅን ኣቢሜሌክን ዋናታት ማይ ቤት ኣቦታት ካህናትን ሌዋውያንን፥ እቶም ኣውራታት ማይ ቤት ኣቦታት ምስቶም ኣናእሽቱ ኣሕዋቶም ማዕረ ዕፃ ተዋደቑ።

ትርጓሜ

24:1-31 ምምቃል ካህናትን ሌዋውያንን። ነፍሲ ወከፍ ሰብ ቦታኡን ዕዮኡን እንተለዎ፣ እንተፈለጠን እንተሓለወን፣ ብዙሓት እንተሃልዮም እቲ ዝበለጸ እዩ። ኣብቲ ስውር ስጋ ክርስቶስ፣ ነፍሲ ወከፍ ኣካል ንጥቕሚ ምሉእ ስጋ ዝኸውን ኣገልግሎት ኣለዎ። ክርስቶስ ኣብ ልዕሊ ቤት ኣምላኽ ሊቀ ካህናት እዩ፣ ንዕኡ ድማ ኵሎም ኣመንቲ፣ ካህናት ተገይሮም፣ ክግዝኡ ይግባእ። ኣብ ክርስቶስ ኣብ መንጎ ባሮትን ነጻን፣ ዓበይትን ንኣሽቱን ፍልልይ ኣይግበርን። እቶም ንኣሽቱ ኣሕዋት፣ እሙናትን ቅኑዓትን እንተኾኑ፣ ካብ ኣቦታት ዝተሓተ ተቐባልነት ኣብ ቅድሚ ክርስቶስ ኣይህልዎምን። ኵላትና ውሉድ እግዚኣብሔር ንኹን፣ ኣብቲ ሰማያዊ ቤተ መቕደሱ ንዘለኣለም ንምስጋናኡ ንኽዝምሩ ዝተዳለዉ።

ምዕራፍ 24 እዚ ምዕራፍ እዚ ንካህናትን ሌዋውያንን ብቤተሰቦም መሰረት ንኣገልግሎቶም ብዝበለጸ ስርዓት ንምፍጻም ናብ ዝተፈላለዩ ክፍሎም ብዝርዝር ይገልጽ።

I. ብዛዕባ ካህናት (ቁ. 1–19)።

II. ብዛዕባ ሌዋውያን (ቁ. 20–31)።

ቁጽሪ 1-19 እዚ ብዝርዝር ዝቐረበ ምምዳብ ንዓና ሕጂ ብዙሕ ኣገልግሎት የብሉን፤ ግናኸ እዝራ ምስ ኣሕተሞ፡ ካብ ምርኮ ምስ ተመልሱ፡ ንቤተ ክርስትያን ጉዳያቶም ናብ ዝነበሮ ስርዓት ንምምላስ ዓብዪ ኣገልግሎት ነበሮ። ኣርእስቲ እዚ መዝገብ ኣብ ቁ. 1 ንረኽቦ—እዚኣቶም እቶም ክፍሊ ደቂ ኣሮን እዮም፡ እዚ ድማ ንሓድሕዶም ዝፈላለዩሉ ወይ ዝጣበሱሉ ኣይነበረን (ከምዚ ዝኣመሰለ ምፍልላይ ኣብ ደቂ እስራኤል፡ ብፍላይ ድማ ኣብ ደቂ ኣሮን ምህላዉ ዘሕዝን እዩ)፡ የግዳስ ንዕዮኦም ኣብ መንጎኦም ንምምቕቓል ዝተገብረ ምምዳብ እዩ ነይሩ፤ እዚ ኣምላኽ ዝገበሮ ምምቕቓል ነይሩ፡ ንእኡ ድማ ዝተገብረ እዩ።

1. እዚ ምምዳብ እዚ ንኣገልግሎቶም ብዝበለጸ ስርዓት ንምፍጻም ዝተገብረ እዩ። ኣምላኽ ናይ ስርዓት ኣምላኽ እዩ፡ ናይ ምብልብል ኣይኮነን፡ ብፍላይ ድማ ኣብ ኣምልኾኡ። ቁጽሪ ብዘይ ስርዓት ዕንቅፋትን ናይ ህውከት ምኽንያትን እዩ፤ ግናኸ ነፍሲ ወከፍ ሰብ ቦታኡን ዕዮኡን ምስ ዝፈልጥን ዝሕሉን፡ ዝበለጸ ይኸውን። ኣብ መንፈሳዊ ስጋ፡ ነፍሲ ወከፍ ኣካል ንጥቕሚ ኩሉ ኣገልግሎት ኣለዎ፡ ሮሜ 12:4, 5፤ 1 ቈረ. 12:12።

2. እዚ ብዕጫ ዝተገብረ እዩ፡ እቲ ምምዳብ ካብ እግዚአብሔር ምእንቲ ክኸውን፡ በዚ ድማ ኩሉ ባእስን ምትፍናንን ክከላኸል ይኽእል፡ ሓደ እኳ ብኣድልዎ ክኽሰስ ኣይክእልን፡ ከምኡ እውን ሓደ እኳ በደል ከም ዝበጽሖ ክዛረብ ኣይክእልን። ኣምላኽ ናይ ስርዓት ኣምላኽ ከም ዝኾነ፡ ከምኡ እውን ናይ ሰላም ኣምላኽ እዩ። ሰሎሞን ብዛዕባ ዕጫ፡ ንክርክር የብቅዖ ይብል።

ምሉእ ትርጓሜ ኣንብብ ድምጺ፣ ምሉእ ትርጓሜን ብዘይ መስመር ምንባብን

ትርጉማት8 · 6

AMHEVG የአሮንም ልጆች ሰሞን ይህ ነው። የአሮን ልጆች ናዳብ፥ አብዩድ፥ አልዓዛር፥ ኢታምር ነበሩ። አማርኛ ENGNIV These were the divisions of the sons of Aaron: The sons of Aaron were Nadab, Abihu, Eleazar and Ithamar. English BCV መደብ ኣገልግሎት ደቂ ኣሮን እዙይ እዩ፦ ደቂ ኣሮን ናዳብን ኣብዩድን ኣልኣዛርን ኢታምርን ነበሩ። ትግርኛ GAZBIB Sanyiin Aaron akka kanatti fufee jirutti hirmamaniiru; Aaron ilmaan afur qaba ture; isaanis, Naadaab, Abiihuu, Ele'azaa… Afaan Oromoo BCV GIZ ወለደቂቀ አሮንሰ ብሑት በበ ዕብሬቶሙ፤ ወደቂቀ አሮንሰ ናዳብ ወአብዩድ ወአልዓዛር ወይታማር። giz GAZGAZ Sanyiin Aaron akka kanatti fufee jirutti hirmamaniiru; Aaron ilmaan afur qaba ture; isaanis, Naadaab, Abiihuu, Ele'azaa… Afaan Oromoo AMHNIV የአሮን ልጆች አመዳደብ እንደሚከተለው ነበረ፤ የአሮን ልጆች ናዳብ፣ አብዩድ፣ አልዓዛር፣ ኢታምር ነበሩ። አማርኛ SWAHSUV Na zamu za wana wa Haruni ni hizi. Wana wa Haruni; Nadabu, na Abihu, na Eleazari, na Ithamari. Kiswahili