Leewii

Leewwiin ilma Israa'el (yookiin 'Ya'iqoob') fi Liyaa isa sadaffaa ture (Seensa 29:34). Obboleessa isaa Simoon wajjin ta'uudhaan, obboleettiin isaanii Diinaan gudeedamuu isheetiif namoota Sheekem irratti haaloo ba'e (Seensa 34:25-31). Ya'iqoob siree du'aa isaa irra osoo jiruu, gocha isaaniitiif isaan ceepha'e (Seensa 49:5-7). Leewwiin ilmaan dhiiraa sadii qaba ture: Gershoon, Qohaat, fi Meraarii (Seensa 46:11፤Ba'uu 6:16). Sanyiiwwan isaas Leewwota, gosa lubummaa akka ta'aniif adda baafaman (Ba'uu 32:26-29፤Lakkoofsa 3:5-13). Dunkaana qulqullummaa fi tajaajila isaa irratti itti gaafatamummaa qabu turan (Lakkoofsa 1:47-54፤ 3.14-39፤ 4.1-49፤ 8.5-26). Leewwotaaf magaalonni guutuu Israa'el keessatti kennaman, garuu dhaala lafaa hin qaban turre (Lakkoofsa 35:1-8፤Iyyaasuu 21:1-42). Leewwota beekamoo keessaa Musee, Aroon, fi Saamu'eel ni argamu. Leewwotaan Kitaabota Seenaa fi Raajii Kakuu Moofaa keessatti akkasumas kitaabota Seenaa Durii keessatti yeroo baay'ee caqasamaniiru. Kakuu Haaraa keessatti Leewwotaan mana qulqullummaa fi tajaajila isaa wajjin walqabatee caqasamaniiru (Luqaas 10:32፤Yohaannis 1:19፤Hojii Ergamootaa 4:36). Lubummaan Leewwotaa lubummaa Kiristoos isa ol'aanaa wajjin wal bira qabama (Ibraa'oota 7:1-28).