የሉቃስ ወንጌል 3

AMHEVGአማርኛ35 ጥቅሶች4:55 አዳምጥ

አዳምጥ 4:55 · መደበኛ · አስደናቂ በBiblight ይክፈቱ

1ጢባርዮስ ቄሣርም በነገሠ በአሥራ አምስተኛይቱ ዓመት፥ ጴንጤናዊው ጲላጦስም በይሁዳ ሲገዛ፥ ሄሮድስም በገሊላ የአራተኛው ክፍል ገዥ፥ ወንድሙ ፊልጶስም በኢጡርያስ በጥራኮኒዶስም አገር የአራተኛው ክፍል ገዥ፥ ሊሳኒዮስም በሳቢላኒስ የአራተኛው ክፍል ገዥ ሆነው ሳሉ፥

2ሐናና ቀያፋም ሊቃነ ካህናት ሳሉ፥ የእግዚአብሔር ቃል ወደ ዘካርያስ ልጅ ወደ ዮሐንስ በምድረ በዳ መጣ።

3በነቢዩ በኢሳይያስ ቃል መጽሐፍ፦ “የጌታን መንገድ አዘጋጁ ጥርጊያውንም አቅኑ፥ እያለ በምድረ በዳ የሚጮኽ ሰው ድምፅ፤ ዐዘቅቱ ሁሉ ይሙላ ተራራውና ኮረብታውም ሁሉ ዝቅ ይበል፥ ጠማማውም የቀና መንገድ ይሁን፥ ሸካራውም መንገድ ትክክል ይሁን፤ ሥጋም የለበሰ ሁሉ የእግዚአብሔርን ማዳን ይይ፡” ተብሎ እንደ ተጻፈ፡ ለኃጢአት ስርየት የንስሐን ጥምቀት እየሰበከ በዮርዳኖስ ዙሪያ ወዳለችው አገር ሁሉ መጣ።

7ስለዚህ ከእርሱ ሊጠመቁ ለወጡት ሕዝብ እንዲህ ይላቸው ነበር፦ “እናንተ የእፉኝት ልጆች፥ ከሚመጣው ቍጣ እንድትሸሹ ማን አመለከታችሁ?

8እንግዲህ ለንስሐ የሚገባ ፍሬ አድርጉ፤ በልባችሁም፦ አብርሃም አባት አለን፡ ማለትን አትጀምሩ፤ ከእነዚህ ድንጋዮች ለአብርሃም ልጆች ሊያስነሣለት እግዚአብሔር እንዲችል፡ እላችኋለሁና።

9አሁንስ ምሳር ደግሞ በዛፎች ሥር ተቀምጦአል፤ እንግዲህ መልካም ፍሬ የማያደርግ ዛፍ ሁሉ ይቆረጣል ወደ እሳትም ይጣላል።”

10ሕዝቡም፦ “እንግዲህ ምን እናድርግ?” ብለው ይጠይቁት ነበር።

11መልሶም፦ “ሁለት ልብስ ያለው ለሌለው ያካፍል፥ ምግብም ያለው እንዲሁ ያድርግ፡” ይል ነበር።

12ቀራጮችም ደግሞ ሊጠመቁ መጥተው፦ “መምህር ሆይ፥ ምን እናድርግ?” አሉት።

13“ከታዘዘላችሁ አብልጣችሁ አትውሰዱ፡” አላቸው።

14ጭፍሮችም ደግሞ፦ “እኛ ደግሞ ምን እናድርግ?” ብለው ይጠይቁት ነበር። እርሱም፦ “በማንም ግፍ አትሥሩ ማንንም በሐሰት አትክሰሱ፥ ደመወዛችሁም ይብቃችሁ፡” አላቸው።

15ሕዝቡም ሲጠብቁ ሳሉ ሁሉም በልባቸው ስለ ዮሐንስ፦ “ይህ ክርስቶስ ይሆንን?” ብለው ሲያስቡ ነበር፥

16ዮሐንስ መልሶ፦ “እኔስ በውኃ አጠምቃችኋለሁ፤ ነገር ግን የጫማውን ጠፍር መፍታት ከማይገባኝ ከእኔ የሚበረታ ይመጣል፤ እርሱ በመንፈስ ቅዱስና በእሳት ያጠምቃችኋል፤

17መንሹም በእጁ ነው፥ አውድማውንም ፈጽሞ ያጠራል፥ ስንዴውንም በጎተራው ይከታል፥ ገለባውን ግን በማይጠፋ እሳት ያቃጥለዋል፡” አላቸው።

18ስለዚህ ሕዝቡን በብዙ ሌላ ምክር እየመከራቸው ወንጌልን ይሰብክላቸው ነበር፤

19የአራተኛው ክፍል ገዥ ሄሮድስ ግን፥ ስለ ሄሮድያዳ ስለ ወንድሙ ስለ ፊልጶስ ሚስትና ሄሮድስ ስላደረገው ሌላ ክፋት ሁሉ ዮሐንስ ስለ ገሠጸው፥

20ይህን ደግሞ ከሁሉ በላይ ጨምሮ ዮሐንስን በወኅኒ አገባው።

21ሕዝቡም ሁሉ ከተጠመቁ በኋላ ኢየሱስ ደግሞ ተጠመቀ። ሲጸልይም ሰማይ ተከፈተ፥

22መንፈስ ቅዱስም በአካል መልክ እንደ ርግብ በእርሱ ላይ ወረደ፤ የምወድህ ልጄ አንተ ነህ፥ በአንተ ደስ ይለኛል የሚል ድምፅም ከሰማይ መጣ።

23ኢየሱስም ሊያስተምር ሲጀምር ዕድሜው ሠላሳ ዓመት ያህል ሆኖት ነበር እንደመሰላቸው የዮሴፍ ልጅ ሆኖ፥ የኤሊ ልጅ፥

24የማቲ ልጅ፥ የሌዊ ልጅ፥ የሚልኪ ልጅ፥ የዮና ልጅ፥ የዮሴፍ ልጅ፥

25የማታትዩ ልጅ፥ የአሞጽ ልጅ፥ የናሆም ልጅ፥ የኤሲሊም ልጅ፥ የናጌ ልጅ፥

26የማአት ልጅ፥ የማታትዩ ልጅ፥ የሴሜይ ልጅ፥ የዮሴፍ ልጅ፥ የዮዳ ልጅ፥

27የዮናን ልጅ፥ የሬስ ልጅ፥ የዘሩባቤል ልጅ፥ የሰላትያል ልጅ፥ የኔሪ ልጅ፥

28የሚልኪ ልጅ፥ የሐዲ ልጅ፥ የዮሳስ ልጅ፥ የቆሳም ልጅ፥ የኤልሞዳም ልጅ፥ የኤር ልጅ፥

29የዮሴዕ ልጅ፥ የኤልዓዘር ልጅ፥ የዮራም ልጅ፥ የማጣት ልጅ፥ የሌዊ ልጅ፥

30የስምዖን ልጅ፥ የይሁዳ ልጅ፥ የዮሴፍ ልጅ፥ የዮናን ልጅ፥ የኤልያቄም ልጅ፥

31የሜልያ ልጅ፥ የማይናን ልጅ፥ የማጣት ልጅ፥ የናታን ልጅ፥ የዳዊት ልጅ፥

32የእሴይ ልጅ፥ የኢዮቤድ ልጅ፥ የቦዔዝ ልጅ፥ የሰልሞን ልጅ፥ የነአሶን ልጅ፥

33የአሚናዳብ ልጅ፥ የአራም ልጅ፥ የአሮኒ ልጅ፥ የኤስሮም ልጅ፥ የፋሬስ ልጅ፥ የይሁዳ ልጅ፥

34የያዕቆብ ልጅ፥ የይስሐቅ ልጅ፥ የአብርሃም ልጅ፥ የታራ ልጅ፥ የናኮር ልጅ፥

35የሴሮህ ልጅ፥ የራጋው ልጅ፥ የፋሌቅ ልጅ፥ የአቤር ልጅ፥ የሳላ ልጅ፥

36የቃይንም ልጅ፥ የአርፋክስድ ልጅ፥ የሴም ልጅ፥ የኖኅ ልጅ፥ የላሜህ ልጅ፥

37የማቱሳላ ልጅ፥ የሄኖክ ልጅ፥ የያሬድ ልጅ፥ የመላልኤል ልጅ፥ የቃይናን ልጅ፥

38የሄኖስ ልጅ፥ የሴት ልጅ፥ የአዳም ልጅ፥ የእግዚአብሔር ልጅ።

ማብራሪያ

3:1-14 የዮሐንስ አገልግሎት ስፋትና ዓላማ ሰዎችን ከኃጢአታቸው እንዲመልስና ወደ መድኃኒታቸው እንዲያቀርብ ነበር። እርሱ የመጣው ኑፋቄን ወይም ቡድንን ሳይሆን፣ የእምነት ኑሮን ለመስበክ ነበር፤ ምልክቱም ወይም ሥርዓቱም በውኃ መታጠብ ነበር። እዚህ በተጠቀሱት ቃላት ዮሐንስ የኃጢአት ስርየትን ለማግኘት የንስሓን አስፈላጊነት ሰብኳል፤ የውኃ ጥምቀትም የእውነተኛ ንስሓ ውጤቶች የሆኑትን የልብ ውስጣዊ መንጻትና መታደስ ውጫዊ ምልክት፣ እንዲሁም የእርሱ (የንስሓ) መግለጫ መሆኑን አስረድቷል። የዮሐንስ አገልግሎት በኢሳ 40:3 ላይ የተጻፈው የቅዱሳት መጻሕፍት ትንቢት መፈጸም ነው። ከፍ ከፍ ያሉ ሐሳቦችን በማውረድ፣ ወደ ክርስቶስም መታዘዝ በማምጣት፣ ልብን በማስተካከል፣ እንዲሁም በክርስቶስና በጸጋው መንገድ ላይ የሚገታንን ነገር ሁሉ በማስወገድ ወንጌል ወደ ልብ መንገድ ሲያገኝ፣ ያኔ የእግዚአብሔርን መዳን ለመቀበል ዝግጅት ይደረጋል።

ዮሐንስ የሰጣቸው አጠቃላይ ማስጠንቀቂያዎችና ምክሮች እዚህ አሉ። በደለኛ የሆነው፣ የተበላሸው የሰው ልጅ ዘር የእፉኝት ትውልድ ሆኗል፤ ለእግዚአብሔር የተጠላ፣ እንዲሁም እርስ በርስ የሚጠላለፍ ነው። ከሚመጣው ቁጣ ለማምለጥ ከንስሓ በቀር ምንም መንገድ የለም፤ የአእምሯችን ለውጥም በኑሮአችን ለውጥ መታየት አለበት። በልብም ሆነ በሕይወት በእውነት ቅዱሳን ካልሆንን፣ የሃይማኖት መግለጫችንና ከእግዚአብሔርና ከቤተ ክርስቲያኑ ጋር ያለን ግንኙነት በፍጹም አይጠቅመንም፤ ለንስሓ የሚገባ ፍሬ ካላፈራን ጥፋታችንም እጅግ የከፋ ይሆናል።

መጥምቁ ዮሐንስ ለተለያዩ የሰዎች ዓይነቶች መመሪያዎችን ሰጥቷል። ንስሓን እንደሚገቡ የሚናገሩና ቃል የሚገቡ ሰዎች እንደየቦታቸውና እንደየሁኔታቸው በለውጥ ማሳየት አለባቸው። ወንጌል ምሕረትን እንጂ መሥዋዕትን አይሻም፤ ዓላማውም የምንችለውን ያህል መልካም ነገር እንድናደርግና ለሁሉም ሰዎች ፍትሐዊ እንድንሆን ነው። ሰዎችን ኢፍትሐዊ ትርፍ እንዲተው የሚያደርገው ተመሳሳይ መርህ፣ በስህተት የተገኘውን ነገር እንዲመልሱ ያደርጋል። ዮሐንስም ወታደሮችን ግዴታቸውን ነግሯቸዋል። ሰዎች ከሥራቸው ፈተናዎች ማስጠንቀቂያ ሊሰጣቸው ይገባል። እነዚህ መልሶች የጠያቂዎቹን የአሁኑን ግዴታ የገለጹ ከመሆናቸውም በላይ፣ ወዲያውኑም ለቅንነታቸው መፈተኛ ሆነዋል። ያለ እውነተኛ ንስሓ ማንም የክርስቶስን መዳን መቀበል ስለማይችል፣ የዚህም ንስሓ ማስረጃና ውጤቶች እዚህ ተዘርዝረዋል።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV In the fifteenth year of the reign of Tiberius Caesar–when Pontius Pilate was governor of Judea, Herod tetrarch of Gali… English BCV ጢባርዮስ ቄሳር ካብ ዝነግስ፥ ኣብ መበል ዓሰርተ ሓሙሽተ ዓመት፥ ጲላጦስ ጴንጤናዊ ኣብ ይሁዳ ኽገዝእ እንተሎ፥ ሄሮድስ ኣብ ገሊላ፥(ሀ) ፊልጶስ ሓዉ ኣብ ኢጡርያስን ኣብ ሃገር ጥራኮኒዶስን፥… ትግርኛ GAZBIB Xiberiyos mootichi mo'ee waggaa kudha shanaffaatti, Phonxos Philaaxos biyya Yihudaa bulche; Herodis immoo biyya Galiila… Afaan Oromoo BCV GIZ ወአመ ዐሠርቱ ወኀምስቱ ዓመተ መንግሥቱ ለጢባርዮስ ቄሳር እንዘ ጲላጦስ ጰንጤናዊ መልአከ ይሁዳ ወሄሮድስ ንጉሥ ላዕለ ገሊላ ወፊልጶስ እኁሁ መልአከ ኢጡርያስ ወለብሔረ ጥራኮኒዶስ ወሊሳንዩስ … giz GAZGAZ Xiberiyos mootichi mo'ee waggaa kudha shanaffaatti, Phonxos Philaaxos biyya Yihudaa bulche; Herodis immoo biyya Galiila… Afaan Oromoo BCV aksum ጢባርዮስ ቄሳር ካብ ዝነግስ፥ ኣብ መበል ዓሰርተ ሓሙሽተ ዓመት፥ ጲላጦስ ጴንጤናዊ ኣብ ይሁዳ ኽገዝእ እንተሎ፥ ሄሮድስ ኣብ ገሊላ፥(ሀ) ፊልጶስ ሓዉ ኣብ ኢጡርያስን ኣብ ሃገር ጥራኮኒዶስን፥… ትግርኛ AMHNIV ጢባርዮስ ቄሣር በነገሠ በዐሥራ አምስተኛው ዓመት፣ ይኸውም ጳንጥዮስ ጲላጦስ የይሁዳ ገዥ፣ ሄሮድስ የገሊላ አራተኛው ክፍል ገዥ፣ ወንድሙ ፊልጶስ የኢጡርያስና የጥራኮኒዶስ የአራተኛው ክፍል ገ… አማርኛ SWAHSUV Mwaka wa kumi na tano wa kutawala kwake Kaisari Tiberio, Pontio Pilato alipokuwa liwali wa Uyahudi, na Herode mfalme wa… Kiswahili