Biblight keessatti bani

Zakaariyaas 4

GAZBIBAfaan Oromoo14 Keeyyattoota3:05 Dhaggeeffadhu
Dhaggeeffadhu 3:05 · Idilee · Diraamaawaa Biblight keessatti bani

1Kana booddee ergamichi inni anaa wajjin dubbachaa ture sun deebi'ee dhufee, akka nama hirribaa nama dammaqsutti na dammaqsee,

2“Maal argita?” jedhee ana in gaafate. Ani immoo deebisee,“Hundumti isaa baattuu ibsaa warqee irraa hojjetame tokko, cuggeen tokkos isa irra dhaabamee, cuggicha irra immoo ibsaan torba tokkon tokkon isaa, arraba torba kan qabu dhaabamee nan arga;

3mukti ejersaa lamas inni tokko cuggicha bukkee gara mirgaatiin, inni lammaffaan immoo gara bitaatiin dhaabatee nan arge” nan jedhe.

4Ergasii immoo ergamicha isa anatti dubbachaa ture sana,“Isaan kun maal yaa gooftaa?” jedhee nan gaafadhe.

5Innis,“Isaan kun maal akka ta'an hin beektuu ree?” jedhee ana in gaafate; ani immoo,“Hin beeku yaa gooftaa ko” jedhee nan deebiseef.

6Yommus ergamichi, ergaa isa Waaqayyo biraa dhufe Zarubaabelitti akka ani dubbadhuuf anatti in hime; ergichis,“Hafuura kootiin malee humnaan miti, aangoodhaanis miti” kan jedhu ture; kana Waaqayyo gooftaa maccaatu dubbate.

7Yaa tulluu humna-qabeessa nana! Ati maali” Ati Zarubaabel duratti lafa wal qixxee in taata; yommuu inni dhagaa isa ittiin ijaaranii xumuran lafaa ol fuudhu,“Attam gaarii dha! Attam gaarii dha!” jedhanii namoonni in iyyu.

8Ammas dubbiin Waaqayyoo gara koo dhufee,

9“Zarubaabel hundee mana qulqullummaa kanaa harka isaatiin kaa'eera, harka isaatiinis hojjetee isa in raawwata; yommus Waaqayyo gooftaan maccaa isinitti akka na erge isin in beektu.

10Warri gaafa wanta xinnoo argan tuffatan, dhagaa fo'amaa harka Zarubaabel keessatti yommuu argan immoo in gammadu; isaan torban kun ija Waaqayyoo warra biyya lafaa hundumaa irra asii fi achi ilaalanii dha” jedhe.

11Ani ammas,“Mukti ejersaa lamaan warri gara mirgaa fi gara bitaa baattuu ibsaa jiran kun maali?” jedhee ergamicha nan gaafadhe.

12Lammaffaas,“Dameen muka ejersaa lamaan, warri hujummoo warqee lamaan bukkeedhaa dhadhaa ejersaa isa akka warqee yaasan sun immoo maali?” jedhee nan gaafadhe.

13Inni immoo deebise,“Isaan kun maal akka ta'an ati hin beektuu ree?” naan jedhe; ani garuu,“Yaa gooftaa ko, hin beeku” nan jedhe.

14Kana irratti inni immoo,“Isaan kun lamaan warra Waaqayyo gooftaa biyya lafaatiif hojjechuudhaaf dibamanii dha” jedhe.

Ibsa

4:1-7 Haafuura raajichaa jiraachuu fedhe, garuu foon dadhabaa ture. Waaqayyo kadhachuu qabna yeroo inni nuuf dubbatu hundumaatti, inni nu dammaqsuu akka nuuf taasisuf, achumaan nutis of kakaasuu qabna. Waldaan Kiristaanaa dhaabtii ibsaa warqee, yookiin ibsaa baattuu dha, addunyaa dukkanaa'aa kana ifoomsuuf dhaabatte, ifa mul'ata Waaqayyummaa ibsuuf.

Muka ejersaa lama arganiiru, dhaabtii ibsaatti gamaa fi gamaa, isa irraa zayitiin addaan hin citneen dhangala'ee miqiira keessa gadi bu'aa ture. Waaqayyo fedha isaa ayyaana qabeessa waldaa isaa ilaalchisee hojii yookiin dandeettii namaa tokko malee raawwata; yeroo tokko tokko meeshaalee isaa ni fayyadama, garuu isaaniin hin barbaachisu. Kun baay'ina ayyaana Waaqayyummaa agarsiisa ture, ministirootaa fi miseensota waldaa Kiristaanaa ifoomsuufii qulqulleessuuf, akkasumas kan humna namaatiin argamuu yookiin dhaabachuu hin dandeenye.

Mul'anni kun hojiin gaariin mana qulqullummaa ijaaruu xumura gaarii akka argatu nuuf mirkaneessa. Rakkoon akka tulluu guddaatti agarsiifameera. Garuu rakkooleen hundinuu ni bada, fi mormiin hundinuu ni mo'ama. Amantiin tulluu ni sochoosa, akka dirreettis ni jijjiira. Kiristoos Zaruubaabel keenya dha; tulloonni rakkoo hojii isaa dura turan, garuu wanti tokko illee isaaf ulfaataa miti. Wanti ayyaana Waaqayyo irraa dhufe, amantiidhaan, ayyaana Waaqayyoof dabarfamee kennamuu danda'a, inni hojii harka isaa hin dhiisuu.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ከእኔም ጋር ይነጋገር የነበረው መልአክ ተመልሶ ከእንቅልፉ እንደሚነቃ ሰው አነቃኝ። አማርኛ ENGNIV Then the angel who talked with me returned and wakened me, as a man is wakened from his sleep. English BCV እቲ ዝዛረበኒ ዝነበረ መልኣኽ ከዓ ተመሊሱ፥ ከምቲ ንሰብ ካብ ድቃሱ እተበራብሮ ኣበራበረኒ። ትግርኛ BCV GIZ ወዓዲ ተመይጠ መልአክ ዘይትናገረኒ ወአንሥአኒ ከመ ሶበ ይነቅህ ሰብእ እምንዋም። giz GAZGAZ Kana booddee ergamichi inni anaa wajjin dubbachaa ture sun deebi'ee dhufee, akka nama hirribaa nama dammaqsutti na damm… Afaan Oromoo BCV aksum እቲ ዝዛረበኒ ዝነበረ መልኣኽ ከዓ ተመሊሱ፥ ከምቲ ንሰብ ካብ ድቃሱ እተበራብሮ ኣበራበረኒ። ትግርኛ AMHNIV ከእኔ ጋር ይነጋገር የነበረው መልአክም ተመልሶ፣ አንድ ሰው ከእንቅልፉ እንደሚነቃ አነቃኝ፤ አማርኛ SWAHSUV Na yule malaika aliyesema nami akanijia mara ya pili, akaniamsha, kama mtu aamshwavyo katika usingizi wake. Kiswahili