Zakaariyaas 2

GAZGAZAfaan Oromoo13 Keeyyattoota2:49 Dhaggeeffadhu

Dhaggeeffadhu 2:49 · Idilee · Diraamaawaa Biblight keessatti bani

1Ammas yommuun ol ilaale, kunoo nama funyoo safaraa harkatti baatee dhaabatu tokko nan arge;

2yeroo sanatti ani,“Eessa dhaqxa?” jedhee isa nan gaafadhe; inni immoo deebisee,“Yerusaalem hammam akka bal'atuu fi hammam akka dheeratu safaree ilaaluudhaafan dhaqa” naan jedhe.

3Ergamaan inni anaa wajjin dubbachaa ture sun yommuu gad ba'e, ergamaan tokko isatti dhufee,

4“Fiigiitii dargaggeessicha sanaan,“Yerusaalem sababii namoonni baay'eenii fi horii baay'een ishee keessa jiraataniif mandara dallaan dhagaa itti hin ijaaramne in taati.

5Ani Waaqayyo ofii kootii naannoo isheetti dallaa ibiddaa isheedhaaf nan ta'a, ishee keessattis ulfinaaf nan ta'aaf” jedha Waaqayyo” jedhiin!

6Waaqayyo,“Ani akka qilleensa golee waaqaa arfaniitti isin tamsaase kanan ture, ba'aa! Biyya gara bitaatii ba'aa kottaa!

7Yaa namoota Xiyoon biyya Baabilon keessaa ba'aatii of oolchaa!

8Namni isin tuqu agartuu ija kootii tuqa” jedha; kana Waaqayyotu dubbate; Waaqayyo gooftaan maccaa,“Ulfina anaaf kennee saba warra isin saamanitti na ergeera;

9kunoo ani harka koo isaan irratti ol nan fudhadha, hojjetoonni isaaniis akka isaan saaman nan godha; yommus Waaqayyo gooftaan maccaa akka ana erge isin in beektu” jedhe.

10Waaqayyo,“Isin yaa namoota Xiyoon, kunoo ani dhufee isin gidduu nan jiraadhaatii gammadaa, ililchaas!” jedha.

11Guyyaa sanatti sabni baay'een gara Waaqayyoo dhufanii saba isaa in ta'u; innis isaan gidduu in jiraata; yommus Waaqayyo gooftaan maccaa isinitti akka ana erge isin in beektu.

12Waaqayyo yommus biyya isa qulqullaa'aa keessaa Yihudaa dhuunfaa isaa in godhata; Yerusaaleminis deebi'ee in fo'ata.

13Inni iddoo jireenya isaa isa qulqullaa'aadhaa waan ka'eef, foon-qabeessi hundinuu isa duratti calluma haa jedhu!

Ibsa

2:1-5

Ilmi Daawit, jechuunis Namni Kiristoos Yesuus, raajichi funyoo safaraa harka isaa qabatee argatu, Hundeesaa Guddicha mana kiristaanaa isaa ti. Waaqayyo bal'ina mana kiristaanaa isaa ni hubata, akkasumas keessummoonni cidhaatti dhufan lakkoofsaan meeqaa yoo ta'anillee, bakki akka isaan dandeessu ni mirkaneessa. Mul'anni kun Yerusaalemiif hawwii gaarii qaba. Daanqaan magaalaa, akkuma ishee eegan, akkasumas jiraattota ishee ni dhiphisu; garuu Yerusaalem akkuma daanqaa hin qabnetti walabaan ni babal'atti, garuu akkuma daanqaa jabduu qabdeetti ni nageenya qabaatti. Mana kiristaanaa Waaqayyoo keessa, namni lakkaa'uu hin dandeenye caalaa, tuuta hedduudhaaf bakki ammayyuu jira. Namni Kiristoositti amanate tokkollee hin didamu; inni immoo miseensa mana kiristaanaa dhugaa lafaa tokkollee samiitti galchuu irraa gonkumaa hin dhowwu. Waaqayyo daanqaa ibiddaa isaan marsee ni ta'a, isa cabsuun yookaan jalaa buqqisuun hin danda'amne, akkasumas warra weeraranitti balaa malee hin weeraramne. Mul'anni kun mana kiristaanaa wangeelaa keessatti guutummaatti ni raawwatama, inninis saboota biyya lafaa (Jentiloota) isheetti fudhachuudhaan ni babal'ata; akkasumas Ilma Waaqayyoo Mootii fi Eegaa ishee godhata; keessattuu yeroo ulfina qabeessa dhufuu jirutti.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ዓይኖቼንም አነሣሁ፤ እነሆም፥ በእጁ የመለኪያ ገመድ የያዘ አንድ ሰውን አየሁ። አማርኛ ENGNIV Then I looked up–and there before me was a man with a measuring line in his hand! English BCV መሊሰ ናብ ላዕሊ ጠመትኩ፤ እንሆ፥ ኣብ ኢዱ መለክዒ ገመድ ዝሓዘ ሰብኣይ ረአኹ። ትግርኛ GAZBIB Ammas yommuun ol ilaale, kunoo nama funyoo safaraa harkatti baatee dhaabatu tokko nan arge; Afaan Oromoo BCV GIZ ወካዕበ አንሣእኩ አዕይንትየ ወርኢኩ፡ ወነዋ ብእሲ ወውስተ እዴሁ ሐብለ መስፈርት። giz BCV aksum መሊሰ ናብ ላዕሊ ጠመትኩ፤ እንሆ፥ ኣብ ኢዱ መለክዒ ገመድ ዝሓዘ ሰብኣይ ረአኹ። ትግርኛ AMHNIV ደግሞም ወደ ላይ ተመለከትሁ፤ እነሆ፤ በእጁ የመለኪያ ገመድ የያዘ ሰውም በፊቴ አየሁ፤ አማርኛ SWAHSUV Kisha nikainua macho yangu, nikaona, na tazama, mtu mwenye kamba ya kupimia mkononi mwake. Kiswahili