1ffaa Pheexiroos 5

GAZGAZAfaan Oromoo14 Keeyyattoota2:48 Dhaggeeffadhu

Dhaggeeffadhu 2:48 · Diraamaawaa Biblight keessatti bani

1Ani akkuma isaanii maanguddoo, dhuga-baatuu dhiphina Kristos akkasumas hirmaattuu ulfina isa mul'achuuf jiruu ta'ee, maanguddoota isin gidduu jiran nan gorsa.

2Karra hoolotaa isa Waaqayyo tikaaf isinitti kenne sana, giddiidhaan utuu hin ta'in, jaalalaan, akka Waaqayyo barbaadutti, bu'aa nama yeellaasisu irraa argachuuf utuu hin ta'in, of kennuudhaan egaa!

3Hoolota karra sanaaf fakkeenya ta'uudhaan egaa malee, warra tika keessan jala jiran irratti gooftummaa argisiisuudhaan miti.

4Gaafa angafni tiksootaa sun mul'atutti, isinis immoo gonfoo ulfinaa isa gad deebi'aa hin adeemne in argattu.

5Akkasuma isin warri gara ijoollees, maanguddootaaf abboomamaa! Hundumti keessanis gad of deebisuu akkuma uffataatti uffadhaatii, walii keessanii wajjin jiraadhaa! Caaffanni qulqullaa'aan, ?Waaqayyo warra kooraan ol of qabaniin in morma, warra gad of deebisaniif immoo ayyaana in kenna? in jedha.

6Kanaafis Waaqayyo yeroon isaa yommuu ga'u akka ol isin qabutti, harka isaa isa aango-qabeessa jalatti gad of deebisaa!

7Inni isiniif waan yaaduuf, yaaddoo keessan hundumaa Waaqayyotti gataatii dhiisaa!

8Of qabaa, dammaqaas! Seexanni hamajaajiin keessan akka leenci yeroo beela'utti aadaa naanna'utti, nama liqimsuu barbaadee in naanna'a.

9Dhiphinni sanyiin isa kan keessanii kun, obboloota keessan warra guutummaa biyya lafaa keessa jiraatanitti akka dhufu beekaatii, warra amantiitti jabaattan ta'aa, Seexanaan mormaas!

10Yeroo gabaabduudhaaf erga dhiphattanii booddee garuu, Waaqayyo inni ayyaanni hundinuu biraa argamu, inni karaa Kristos gara ulfina isaa bara baraatti isin waame, ofii isaatii iddootti isin in deebisa, isin in dhaaba, isin in jabeessa, hundee keessanis in cimsa.

11Aangoon baruma baraan isaaf haa ta'u! Ameen.

12Ani harka Silwaanos isa ani obboleessa amanamaatti fudhadhu sanaan, ergaa gabaabduu kana ittiin isin gorsuudhaaf, kun ayyaana Waaqayyoo isa dhugaa ta'uu isaas dhugaa ba'uudhaaf isiniif caafeera. Ayyaana kanatti jabaadhaa dhaabadhaa!

13Waldaan akkuma keessan fo'amtee Baabilon jirtu, nagaa isiniif in ergiti; Maarqos ilmi koos akkasuma nagaa isiniif in dhaama.

14Jaalala obbolummaatiin wal dhudhungachuudhaan nagaa wal gaafadhaa! Nagaan isin warra kan Kristos taatan hundumaaf haa ta'u!

Ibsa

5:1-4

Phexros ergamaan hin ajaju, garuu ni gorsa. Inni tiksootaa fi waldaalee kiristaanaa hundumaa irratti aangoo bulchiinsaa hin gaafatu. Dhiphina Kiristositti dhuga-baatuu ta'uun ulfina addaa kan Phexrosii fi muraasa biraa ture; garuu ulfina mul'atu keessaa qooda fudhachuun mirga kiristaanota dhugaa hundumaa ti. Kiristaanonni hiyyeessonni, bittimmaa'anii dhiphatan kun busaa Waaqayyoo turan, Tiksee Guddaan Waaqayyoof furaman, akkuma fedha Waaqayyoo jaalalaa fi tokkummaa qulqulluu keessa jiraatan. Akkasumas, maqaa 'dhaala Waaqayyoo yookiin qooda isaa addaa' jedhuun ulfina qabu; isaan qooda isaa addaa, saba isaa akka ta'aniif filataman, ayyaana isaa addaa akka argatanitti, akkasumas tajaajila addaa isaaf akka kennaniif. Kiristos Tiksee Angafaa busaa fi dhaala Waaqayyoo hundumaa ti. Akkasumas, tajaajiltoonni amanamoon hundumtuu gonfoo ulfina hin dulloomne argatu, kunis aangoo, qabeenyaa fi gammachuu addunyaa hundumaa irra baay'ee caalaa gaarii fi ulfina qabeessa.

5:5-9

Gadadoon nagaa fi tartiiba manneen Kiristaanaa fi hawaasota Kiristaanaa hunda keessatti ni tiksa; boonaan immoo isaan ni jeeqa. Bakka Waaqayyo gadadoo ta’uuf ayyaana kennutti, ogummaa, amantii, fi qulqullina ni kenna. Gadadoo ta’uun, akkasumas Waaqayyo keenya nu wajjin araarameef bitamuun, fedhii boonaa fi ulfina ofii quufuu caalaa lubbuudhaaf jajjabina guddaa fida. Garuu yeroo sirrii ta’etti ta’uu qaba; yeroo ati yaaddetti osoo hin taane, yeroo Waaqayyo mataan isaa ogummaadhaan murteessetti. Inni ni eega, atis hin eegduu? Amantiin cimaan ogummaa, humna, fi gaarummaa isaa, rakkina akkamii dabarsee hin darbisu! Kanaafuu, harka isaa jala gadadoo ta’i.

Yaaddoo keessan hunda; yaaddoo dhuunfaa, yaaddoo maatii, yaaddoo yeroo ammaatii, fi yaaddoo gara fuulduraatii, ofii keessaniif, warra kaaniif, waldaa Kiristaanaaf, Waaqayyoo irratti darbadhaa.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG እንግዲህ እኔ፥ ከእነርሱ ጋር ሽማግሌ የክርስቶስም መከራ ምስክር ደግሞም ሊገለጥ ካለው ክብር ተካፋይ የሆንሁ፥ በመካከላቸው ያሉትን ሽማግሌዎች እመክራቸዋለሁ፤ አማርኛ ENGNIV To the elders among you, I appeal as a fellow elder, a witness of Christ's sufferings and one who also will share in th… English BCV ኣነ ኸምኣቶም ሽማግለ(ሀ) ዝኾንኩ፥ ናይቲ ክርስቶስ ዝተቐበሎ ስቓይ መስካሪ፥ ኣብቲ ደሓር ክግለፅ ዘለዎ ኽብሪውን ተኻፋሊ ዝኾንኩ፥ ነቶም ኣብ ማእኸልኩም ዘለዉ ሽማግለታት፥ እምዕዶም ኣለኹ። ትግርኛ GAZBIB Ani akkuma isaanii maanguddoo, dhuga-baatuu dhiphina Kristos akkasumas hirmaattuu ulfina isa mul'achuuf jiruu ta'ee, ma… Afaan Oromoo BCV GIZ ወለእለኒ ይትለሀቁ እምኔክሙ አስተበቍዖሙ አነ ልሂቅ ካልኦሙ ወሰማዕት በእንተ ሕማሙ ለክርስቶስ ዘሀለዎ ያስተርኢ በስብሐቲሁ ከመ ትኩኑ ሱታፎ። giz BCV aksum ኣነ ኸምኣቶም ሽማግለ(ሀ) ዝኾንኩ፥ ናይቲ ክርስቶስ ዝተቐበሎ ስቓይ መስካሪ፥ ኣብቲ ደሓር ክግለፅ ዘለዎ ኽብሪውን ተኻፋሊ ዝኾንኩ፥ ነቶም ኣብ ማእኸልኩም ዘለዉ ሽማግለታት፥ እምዕዶም ኣለኹ። ትግርኛ AMHNIV እንግዲህ ከእነርሱ ጋር እኔም ሽማግሌና የክርስቶስ መከራ ምስክር የሆንሁ እንዲሁም ወደ ፊት የሚገለጠው ክብር ተካፋይ የምሆን በመካከላችሁ ያሉትን ሽማግሌዎች እመክራቸዋለሁ፤ አማርኛ SWAHSUV Nawasihi wazee walio kwenu, mimi niliye mzee, mwenzi wao, na shahidi wa mateso ya Kristo, na mshirika wa utukufu utakao… Kiswahili