ዮናስ

ዮናስ የእስራኤል ንጉሥ የኢዮርብዓም ዳግማዊ ዘመን በጌትሔፌር የነበረ ነቢይ ነበር (2ኛ ነገ 14:25)። እግዚአብሔር ዮናስን የአሦር ዋና ከተማ በሆነችው በነነዌ ላይ ያለውን ክፋት እንዲሰብክ ጠራው (ዮና 1:1-2)። ዮናስ ግን በተቃራኒው አቅጣጫ ወደ ተርሴስ በመርከብ ሸሸ (ዮና 1:3)። ዐውሎ ነፋስ ተነሣ፤ መርከበኞቹም ጥፋቱ የዮናስ መሆኑን ሲያውቁ ወደ ባሕር ጣሉት (ዮና 1:4-15)። እግዚአብሔር ዮናስን እንዲውጠው ታላቅ ዓሣ አዘጋጀለት፤ እርሱም በዓሣው ሆድ ውስጥ ሦስት ቀንና ሦስት ሌሊት ቆየ (ዮና 1:17)። ዮናስም ጸለየ፤ ዓሣውም ወደ ደረቅ ምድር ተፋው (ዮና 2:1-10)። እግዚአብሔርም እንደ ገና ወደ ነነዌ እንዲሰብክ ዮናስን ነገረው (ዮና 3:1-2)። ዮናስም ታዘዘ፤ ሕዝቡም ንስሓ ገቡ (ዮና 3:3-9)። እግዚአብሔርም ሊያመጣባቸው አስቦት ከነበረው መቅሰፍት ተመለሰ (ዮና 3:10)። እግዚአብሔር ከተማዋን በመማሩ ዮናስ ተቈጣ (ዮና 4:1-3)። እግዚአብሔርም ዮናስን እንዲጋርድ ተክል አበቀለለት፤ ከዚያም እንዲደርቅ አደረገው (ዮና 4:5-8)። እግዚአብሔርም ይህንን ተጠቅሞ ዮናስ ለነነዌ የነበረውን የርኅራኄ ጉድለት ገሠጸው (ዮና 4:9-11)። ኢየሱስም ወደ ፊት የሚሆነውን መቃብር መግባቱንና ትንሣኤውን ዮናስ በዓሣው ውስጥ ከቆየበት ጊዜ ጋር አነጻጸረው (ማቴ 12:39-41, 16:4;ሉቃ 11:29-32)።