ወደ ዕብራውያን 5

AMHEVGአማርኛ13 ጥቅሶች1:51 አዳምጥ

አዳምጥ 1:51 · መደበኛ · አስደናቂ በBiblight ይክፈቱ

1ሊቀ ካህናት ሁሉ ስለ ኃጢአት መባንና መሥዋዕትን ሊያቀርብ ከሰው ተመርጦ ለእግዚአብሔር በሆነው ነገር ሁሉ ስለ ሰው ይሾማልና፤

2እርሱ ራሱም ደግሞ ድካምን ስለሚለብስ፥ ላልተማሩትና ለሚስቱት ሊራራላቸው ይችላል፤

3በዚህም ምክንያት ስለ ሕዝብ እንደሚያቀርብ እንዲሁ ስለ ራሱ ደግሞ መሥዋዕትን ስለ ኃጢአት ሊያቀርብ ይገባዋል።

4እንደ አሮንም በእግዚአብሔር ከተጠራ በቀር ማንም ክብሩን ለራሱ የሚወስድ የለም።

5እንዲሁ ክርስቶስ ደግሞ ሊቀ ካህናት ሊሆን ራሱን አላከበረም፡ ነገር ግን፦ “አንተ ልጄ ነህ እኔ ዛሬ ወልጄሃለሁ፡” ያለው እርሱ ነው፤

6እንደዚህም በሌላ ስፍራ ደግሞ እንዲህ ይላል፦ “አንተ እንደ መልከ ጼዴቅ ሹመት ለዘላለም ካህን ነህ።”

7እርሱም በስጋው ወራት ከሞት ሊያድነው ወደሚችል ከብርቱ ጩኸትና ከእንባ ጋር ጸሎትንና ምልጃን አቀረበ፥ እግዚአብሔርንም ስለ መፍራቱ ተሰማለት፤

8ምንም ልጅ ቢሆን፥ ከተቀበለው መከራ መታዘዝን ተማረ፤

9ከተፈጸመም በኋላ በእግዚአብሔር እንደ መልከ ጼዴቅ ሹመት ሊቀ ካህናት ተብሎ ስለ ተጠራ፥ ለሚታዘዙለት ሁሉ የዘላለም መዳን ምክንያት ሆነላቸው።

11ስለ እርሱም የምንናገረው ብዙ ነገር አለን፥ ጆሮቻችሁም ስለ ፈዘዙ በቃል ልንተረጕመው ጭንቅ ነው።

12ከጊዜው የተነሳ አስተማሪዎች ልትሆኑ ሲገባችሁ፥ አንድ ሰው ስለ እግዚአብሔር ቃላት መጀመሪያ ያለውን የሕፃንነትን ትምህርት እንዲያስተምራችሁ እንደ ገና ያስፈልጋችኋልና፤ የሚያስፈልጋችሁም ወተት ነው እንጂ ጠንካራ ምግብ አይደለም።

13ወተት የሚጋት ሁሉ ሕፃን ስለ ሆነ የጽድቅን ቃል አያውቅምና፤

14ጠንካራ ምግብ ግን መልካሙንና ክፉውን ለመለየት በስራቸው የለመደ ልቡና ላላቸው ለፍጹማን ሰዎች ነው።

ማብራሪያ

5:1-10 ሊቀ ካህኑ የሥጋችን ተካፋይ የሆነ ሰው መሆን አለበት። ይህ ሰው ኃጢአት እንደሰራ ያሳያል። እግዚአብሔር ኃጢአተኛ ሰው ብቻውን ወደ እርሱ እንዲመጣ አይፈቅድም ነበርና። ነገር ግን በዚህ ሊቀ ካህን በኩል ወደ እርሱ የሚመጣ ሁሉ በእግዚአብሔር ዘንድ ተቀባይነት አለው፤ በእግዚአብሔር ዘንድ ተቀባይነትና ይቅርታን የምንሻ ከሆነ ደግሞ፣ በእምነት ወደ ታላቁ ሊቀ ካህናችን ወደ ክርስቶስ ኢየሱስ መቅረብ አለብን፤ እርሱም ከእውነት፣ ከግዴታ (ወይም ከጽድቅ) እና ከደስታ መንገድ የወጡትን ሊያማልድ ይችላል፤ ርኅራኄ ያለው እርሱም ከስህተት፣ ከኃጢአትና ከመከራ ጠማማ መንገዶች መልሶ ሊመራቸው ይችላል። ከእግዚአብሔር እርዳታን፣ በእርሱ ዘንድ ተቀባይነትን፣ የእርሱን መገኘትና በረከትን በሕይወታቸውና በአገልግሎታቸው ላይ መጠበቅ የሚችሉት በእግዚአብሔር የተጠሩት ብቻ ናቸው። ይህ ለክርስቶስ ይመለከታል። በሥጋው ወራት ክርስቶስ ራሱን ለሞት አስገዛ፤ ረበው ነበር፤ እርሱ የተፈተነ፣ የተሠቃየ፣ የሚሞት ኢየሱስ ነበር።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV Every high priest is selected from among men and is appointed to represent them in matters related to God, to offer gif… English BCV ኵሉ ሊቀ ካህናት ዝኸውን፥ ካብ ሰብ እዩ ዝምረፅ። ንእግዚኣብሄር ድማ መባእን መስዋእትን ከቕርብ ምእንቲ ሰብ ድማ ይሽየም። ትግርኛ GAZBIB Angafni lubootaa tokko, qooda namootaa ta'ee kennaa fi aarsaa cubbuu dhi'eessuudhaaf, namoota gidduudhaa kaafamee hojii… Afaan Oromoo BCV GIZ እስመ ኵሉ ሊቀ ካህናት እምሰብእ ይትነሣእ ወበእንተ ሰብእ ይሠየም ለኀበ እግዚአብሔር፤ ከመ ያብእ ቍርባነ ወመሥዋዕተ ዘበእንተ ኀጢአት። giz GAZGAZ Angafni lubootaa tokko, qooda namootaa ta'ee kennaa fi aarsaa cubbuu dhi'eessuudhaaf, namoota gidduudhaa kaafamee hojii… Afaan Oromoo BCV aksum ኵሉ ሊቀ ካህናት ዝኸውን፥ ካብ ሰብ እዩ ዝምረፅ። ንእግዚኣብሄር ድማ መባእን መስዋእትን ከቕርብ ምእንቲ ሰብ ድማ ይሽየም። ትግርኛ AMHNIV እያንዳንዱ ሊቀ ካህናት ከሰዎች መካከል ይመረጣል፤ የእግዚአብሔርም በሆነው ነገር ላይ ሰዎችን በመወከል ለኀጢአት የሚሆነውን መባንና መሥዋዕትን ለማቅረብ ይሾማል። አማርኛ SWAHSUV Maana kila kuhani mkuu aliyetwaliwa katika wanadamu amewekwa kwa ajili ya wanadamu katika mambo yamhusuyo Mungu, ili at… Kiswahili