1ኛ ቆሮንቶስ 2

AMHEVGአማርኛ15 ጥቅሶች2:26 አዳምጥ

አዳምጥ 2:26 · መደበኛ · አስደናቂ በBiblight ይክፈቱ

1እኔም፥ ወንድሞች ሆይ፥ ወደ እናንተ በመጣሁ ጊዜ በቃልና በጥበብ ብልጫ ለእግዚአብሔር ምስክርነቴን ለእናንተ እየነገርሁ አልመጣሁም።

2በመካከላችሁ ሳለሁ ከኢየሱስ ክርስቶስ በቀር እርሱም እንደተሰቀለ ሌላ ነገር እንዳላውቅ ቆርጬ ነበርና።

3እኔም በድካምና በፍርሃት በብዙ መንቀጥቀጥም በእናንተ ዘንድ ነበርሁ፤

4እምነታችሁም በእግዚአብሔር ኃይል እንጂ በሰው ጥበብ እንዳይሆን፥ ቃሌም ስብከቴም መንፈስንና ኃይልን በመግለጥ ነበረ እንጂ፥ በሚያባብል በጥበብ ቃል አልነበረም።

6በበሰሉት መካከል ግን ጥበብን እንናገራለን፥ ነገር ግን የዚችን ዓለም ጥበብ አይደለም የሚሻሩትንም የዚችን ዓለም ገዦች ጥበብ አይደለም፤

7ነገር ግን እግዚአብሔር አስቀድሞ ከዘመናት በፊት ለክብራችን የወሰነውን፥ ተሰውሮም የነበረውን የእግዚአብሔርን ጥበብ በምሥጢር እንናገራለን።

8ከዚችም ዓለም ገዦች አንዱ እንኳ ይህን ጥበብ አላወቀም፤ አውቀውስ ቢሆኑ የክብርን ጌታ ባልሰቀሉትም ነበር፤

9ነገር ግን፦ “ዓይን ያላየችው ጆሮም ያልሰማው በሰውም ልብ ያልታሰበው እግዚአብሔር ለሚወዱት ያዘጋጀው፡” ተብሎ እንድተጻፈ፥ እንዲህ እንናገራለን።

10መንፈስም የእግዚአብሔርን ጥልቅ ነገር ስንኳ ሳይቀር ሁሉን ይመረምራልና ለእኛ እግዚአብሔር በመንፈሱ በኩል ገለጠው።

11በእርሱ ውስጥ ካለው ከሰው መንፈስ በቀር ለሰው ያለውን የሚያውቅ ሰው ማን ነው? እንዲሁም ደግሞ ከእግዚአብሔር መንፈስ በቀር ለእግዚአብሔር ያለውን ማንም አያውቅም።

12እኛ ግን ከእግዚአብሔር እንዲያው የተሰጠንን እናውቅ ዘንድ ከእግዚአብሔር የሆነውን መንፈስ እንጂ የዓለምን መንፈስ አልተቀበልንም።

13መንፈሳዊውን ነገር ከመንፈሳዊው ነገር ጋር አስተያይተን መንፈስ በሚያስተምረን ቃል ይህን ደግሞ እንናገራለን እንጂ የሰው ጥበብ በሚያስተምረን ቃል አይደለም።

14ለፍጥረታዊ ሰው የእግዚአብሔር መንፈስ ነገር ሞኝነት ነውና አይቀበለውም፤ በመንፈስም የሚመረመር ስለ ሆነ ሊያውቀው አይችልም።

15መንፈሳዊ ሰው ግን ሁሉን ይመረምራል ራሱ ግን በማንም አይመረመርም።

16እንዲያስተምረው የጌታን ልብ ማን አውቆት ነው? እኛ ግን የክርስቶስ ልብ አለን።

ማብራሪያ

2:1-5 ክርስቶስ በራሱ ማንነት፣ በሹመቶቹና በመከራዎቹ የወንጌል ፍሬ ነገርና ዋናው መሠረት ነው፤ እንዲሁም የወንጌል አገልጋይ ስብከት ዋነኛ ርዕሰ ጉዳይ መሆን አለበት፣ ነገር ግን እግዚአብሔር የገለጠውን እውነትና ፈቃድ ሌሎች ክፍሎች ትቶ አይደለም። ጳውሎስ የእግዚአብሔርን ሙሉ ምክር ሰበከ። የታማኝ አገልጋዮችን ፍርሃትና መንቀጥቀጥ የራሳቸውን ድካም በጥልቀት በማወቃቸው የተነሳ ጥቂቶች ያውቃሉ። እነርሱ ምን ያህል በቂ እንዳልሆኑ ያውቃሉ፤ እንዲሁም ስለራሳቸው ይፈራሉ። የተሰቀለው ክርስቶስ በግልጽ ሲሰበክ እንጂ ሌላ ምንም ነገር ሳይኖር፣ ስኬቱ ሙሉ በሙሉ ቃሉን ከሚታጅበው ከመለኮታዊ ኃይል መሆን አለበት፤ በዚህም ሰዎች ነፍሳቸው ይድናል ዘንድ ወደ ማመን ይመጣሉ።

2:6-9

የክርስቶስን ትምህርት መለኮታዊ እንደሆነ አምነው የተቀበሉና በመንፈስ ቅዱስም የበሩት፣ በጥልቀት የመረመሩት ሰዎች፤ የክርስቶስን ግልጽ ታሪክና የተሰቀለበትን ብቻ ሳይሆን፣ በውስጡ ያለውን የመለኮታዊ ጥበብ ጥልቅና አስደናቂ ዓላማዎች ያያሉ። ይህም ለቅዱሳን የተገለጠ ምሥጢር ነው (ቈላ 1:26)፤ ምንም እንኳ ቀድሞ ከአሕዛብ ዓለም የተደበቀ የነበረ፣ በጨለማ ምስሎችና በሩቅ ትንቢቶች ብቻ ይታይ የነበረ ቢሆንም፣ አሁን ግን በእግዚአብሔር መንፈስ ተገልጦ ታውቋል። ኢየሱስ ክርስቶስ የክብር ጌታ ነው፤ ይህ የማንኛውንም ፍጥረት የሚበልጥ እጅግ ታላቅ ማዕረግ ነው። ሰዎች በታላቁ የቤዛነት ሥራ የእግዚአብሔርን ጥበብ ቢያውቁ ኖሮ የማያደርጉአቸው ብዙ ነገሮች አሉ።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV When I came to you, brothers, I did not come with eloquence or superior wisdom as I proclaimed to you the testimony abo… English BCV ኣሕዋተይ፥ ኣነውን ናባኻትኩም ክመፅእ እንተለኹ፥ ብኽእለት ዘረባ ወይ ብጥበብ፥ ምስጢር እግዚኣብሄር ክሰብከልኩም ኣይመፃእኹን። ትግርኛ GAZBIB Yaa obboloota ko! Ani yeroon gara keessan dhufe, namoota kan biraa caalaatti dubbachuudhaan yookiis ogummaa argisiisuud… Afaan Oromoo BCV GIZ ወአነሂ ሶበ መጻእኩ ኀቤክሙ አኀዊነ አኮ በኂጣን ወበተጥባበ ነገር ዘመጻእኩ እምሀርክሙ ትምህርተ እግዚአብሔር። giz GAZGAZ Yaa obboloota ko! Ani yeroon gara keessan dhufe, namoota kan biraa caalaatti dubbachuudhaan yookiis ogummaa argisiisuud… Afaan Oromoo BCV aksum ኣሕዋተይ፥ ኣነውን ናባኻትኩም ክመፅእ እንተለኹ፥ ብኽእለት ዘረባ ወይ ብጥበብ፥ ምስጢር እግዚኣብሄር ክሰብከልኩም ኣይመፃእኹን። ትግርኛ AMHNIV ወንድሞች ሆይ፤ ወደ እናንተ በመጣሁ ጊዜ፣ የእግዚአብሔርን ምስጢር በረቀቀ የንግግር ችሎታ ወይም በላቀ ጥበብ ልገልጥላችሁ አልመጣሁም። አማርኛ SWAHSUV Basi, ndugu zangu, mimi nilipokuja kwenu, sikuja niwahubiri siri ya Mungu kwa ufasaha wa maneno, wala kwa hekima. Kiswahili