ዮቶር

ዮቶር፣ ራጉኤል ተባሂሉ እውን ዝጽዋዕ፣ ናይ ሙሴ ሓማን ካህን ሚድያም ድማ ነበረ። ንመጀመርያ ግዜ እተጠቕሰ ኣብዘጸ 2:18ኮይኑ፣ ኣዋልዱ ሙሴ ኣብ ጥቓ ዒላ ከመይ ጌሩ ከም ዝሓለዎም ይነግሩዎ። ድሕሪኡ ድማ፣ ኣብዘጸ 3:1፣ ሙሴ ነቲ ዝነድድ ቁጥቋጦ ምስ ረኸበ ኣባጊዕ ዮቶር ይጓስይ ከም ዝነበረ ተገሊጹ ኣሎ። ካብ ግብጺ ምስ ወጹ ድሕሪኡ፣ ዮቶር ንሲጶራ ሰበይቲ ሙሴን ንኽልተ ደቆምን ሒዙ ኣብ ምድረ በዳ ንሙሴ ይበጽሖ (ዘጸ 18:1-6)። ዮቶር እስራኤላውያን ካብ ግብጺ ብምድሓኖም ንእግዚአብሔር የመስግኖ (ዘጸ 18:9-10) ከምኡ እውን ንእግዚአብሔር መስዋእቲ የቕርብ (ዘጸ 18:12)። ዮቶር ሙሴ ንህዝቡ ብምፍራድ ዘለዎ ከቢድ ጽዕነት ስራ ርእዩ ጾር ከም ዝካፈሉ ብቕዓት ዘለዎም ሰባት ክሸይም ይመኽሮ (ዘጸ 18:13-23)። ሙሴ ነዚ ምኽሪ እዚ ስዒቡ ንዮቶር ተሰናቢቱ ናብ ሃገሩ ይመለስ (ዘጸ 18:24-27)። ኣብዘኍ 10:29፣ ሙሴ ንሖባብ፣ ወዲ ራጉኤል ተባሂሉ እተጠቕሰ፣ ኣብ ጉዕዞ እስራኤላውያን ክጽንበር ይዕድሞ፤ እዚ ድማ ኣብ መንጎ ሙሴን ስድራቤት ዮቶርን ቀጻሊ ዝምድና ከም ዝነበረ የርኢ።