Heroodis

Heroodis, kan Heroodis Guddichaa jedhamuunis beekamu, yeroo Yesuus dhalatetti mootii Yihudaa Roomaan muudame ture. Inni dhalootaan Edomii yoo taʼu, bara 40 Dh.K.D. dura Senaaticha Roomaatiin mootii taʼee muudame. Heroodis hojiiwwan ijaarsaa gurguddoo, kanneen akka mana qulqullummaa lammaffaa Yerusaalem keessa jiru balʼisuu fi haaromsuu dabalatee, beekamaa ture. Kitaaba Qulqulluu keessatti Heroodis bulchaa gara jabeessa fi shakkii guddaa qabu taʼee ibsameera. Warri ogummaa baha irraa dhufan waaʼee dhaloota “Mootii Yihudootaa” gaafatanitti, Heroodis kana aangoo isaatiif sodaa godhee ilaale (Maatewos 2:1-8). Warri ogummaa gara isaa deebiʼuu didanitti, Heroodis daaʼimman dhiiraa waggaa lamaa fi sanaa gadii kanneen Beeteliheemi fi naannoo ishee jiran hunda ajjeefamuu akka qaban ajaje (Maatewos 2:16-18). Gocha kun, kan “ajjeechaa warra qulqulluu” jedhamuun beekamu, amala Heroodis isa gara jabeessaa fi murannoo inni wantoota aangoo isaatiif sodaa taʼuu dandaʼan hunda balleessuuf qabu argisiisa. Duuti HeroodisMaatewos 2:19irratti kan ibsame yoo taʼu, kunis Yoosef, Maariyaamii fi Yesuus Gibxii irraa, bakka Heroodis jalaa baqatanii turan irraa, akka deebiʼan isaan dandeessiseera. (Maatewos 2;Luqaas 1:5)።