Biblight keessatti bani

Tiitoos 2

GAZGAZAfaan Oromoo15 Keeyyattoota2:35 Dhaggeeffadhu
Dhaggeeffadhu 2:35 · Diraamaawaa Biblight keessatti bani

1Ati garuu wanta barsiisa sirrii sanaa wajjin wal fudhatu dudubbadhu!

2Maanguddoonni warri dhiirri warra dhugaatiitti of hin ganne, warra ulfina nama irraa qaban, warra of qaban, amantiidhaa fi jaalalatti obsattis warra seelkoo hin qabne haa ta'an!

3Akkasuma immoo dubartoonni dullooman amala warra akka qulqullootaatti fudhatamanii haa argisiisan! Wanta gaarii ta'e haa barsiisan malee, maqaa namaa balleessuun, dhugaatiidhaaf garboota ta'uun isaan irra hin jiru.

4Akkasitti abbaa manaa, ijoollees akka jaallataniif, dubartoota warra gara ijoollee in gorsu.

5Dubbiin Waaqayyoo maqaa gadhee akka hin godhannetti, warra of qaban, warra gaa'ela isaaniitti amanaman, warra mana isaaniitiif ba'eessa godhanii eeggatan, warra abbaa manaa isaaniif abboomaman akka ta'an haa gorsan!

6Akkasuma immoo dhiironni warri gara ijoollee akka of qaban gorsi!

7Waan hundumaa keessatti hojii gaarii hojjechuudhaaf fakkeenya ta'i! Barsiisa kee keessatti dubbii akka waliin hin makne, salphaatti akka hin fudhannes argisiisi!

8Warri garasii nutti gara galan, waan gadhee ittiin nu irratti dubbatan akka hin arganne, dubbii sirrii sanaanis waan ittiin jedhan akka hin qabaanne godhi!

9Warri garbummaa jala jiraatan waan hundumaatti ajaja warra isaan bulchanii haa fudhatan! Itti haa tolan, dubbii isaaniitiinis hin mormin!

10Barsiisichi waa'ee Waaqayyo fayyisaa keenyaa dubbatu kun, waan hundumaatti akka namatti tolee mul'atu gochuudhaaf, isaan guutummaatti amanamummaa gaarii haa argisiisan malee, warra waa miliqsan hin ta'in!

11Waaqayyo ayyaana isaa isa nama hundumaaf fayyina kennu mul'iseera.

12Ayyaanni Waaqayyoo kunis, nuyi Waaqayyo malee jiraachuu, kajeellaa biyya lafaa isa hamaas gannee, bara kana keessa of qabuutti, qajeelinatti, namoota Waaqayyoo taanee akka jiraannuuf gorsee, gara gaariitti nu deebisa.

13Achumaanis abdii keenya isa eebbifamaa fi ulfina isa deebi'ee mul'atu sanaa in eegganna. Inni mul'achuuf jiru sunis Yesus Kristos; inni Waaqayyo keenya isa guddicha, fayyisaa keenyas.

14Inni seera irra-daddarbuu hundumaa jalaa nu furuudhaaf, saba fo'amaa warra hojii gaariitiif hinaafan ofii isaatiif qulleessuudhaaf, ofii isaa nuuf kenne.

15Yeroo gorsa kennitu, yeroo balleessaa namatti mul'iftus yaada muramaadhaan kana dubbadhu; namni tokko illee si hin tuffatin!

Ibsa

2:1-8 Bartoonni Kiristoos warri dullooman, waan hundumaan barumsa Kiristaanummaa wajjin wal simuun jiraachuu qabu. Dhiironni warri dullooman tasgabboo ta'uu qabu; qaamni isaanii dullumaan akka laafeetti, daangaa darbuun tokko isaanin akka qajeelaa ta'u yaaduu hin qaban; garuu jajjabina dhiyeenya Waaqayyoo wajjin qaban irraa argachuu qabu malee, fedha namaa daangaa hin qabne irraa miti. Amantiin jaalalaan hojjeta, akkasumas jaalalatti mul'achuu qaba; kunis jaalala Waaqayyoof Isumaaf jecha ta'e, akkasumas jaalala namootaaf Waaqayyoof jecha ta'e dha. Namoonni warri dullooman qullaa'oo fi gungumoo ta'uuf saaxilamoo dha; kanaafuu of eeguu qabu. Haasaa fi ilaalcha hundumaaf caaffanni qulqullaa'aan ifatti hin jiru ta'us, seerota waliigalaa hundumtuu ittiin ajajamuu qabuutu jira. Dubartoonni dargaggoonni tasgabboo fi ogummaa qabeettii ta'uu qabu; namoonni baay'een jalqabarratti dhabamuu ogummaa irraa kan ka'e qoramawwan lubbuu balleessanitti of saaxilu. Sababnis, Dubbiin Waaqayyoo akka hin arrabsamneef itti dabalamuun dubbatameera. Dirqama ba'uu dhabuun Kiristaanummaa baay'ee qaaneessa. Dargaggoonni dhiironni finna qabeessaa fi of wallaaloo ta'uuf saaxilamoo dha; kanaafuu gara yaada tasgabbootti akka deebi'an cimaatti waamamuu qabu: cubbuu kamiin caalaa boonaan dargaggoonni ni balleeffamu. Yaaliin nama Waaqayyoo sodaatu hundumaa afaan warra mormitootaa cufuu ta'uu qaba. Qajeelummaa keetiif qalbii kee akka deebii kennu godhi. Afaan isa irratti banamuuf fedhii qabu sana, itti waan hamii tokko argachuu hin dandeenye yoo ta'e, Kiristaana tokkoof ulfinni akkam guddaa dha!

2:9,10 Hojjattoonni dirqama isaanii isa gooftolii lafaa isaaniitiif qaban beekanii raawwachuu qabu, Gooftaa isaanii isa samii tilmaama keessa galchuudhaan.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG አንተ ግን ሕይወት ለሚገኝበት ትምህርት የሚገባውን ተናገር። አማርኛ ENGNIV You must teach what is in accord with sound doctrine. English BCV ንስኻ ግና፥ ህይወት ዝርከቦ ቕኑዕ ትምህርቲ መሃር። ትግርኛ GAZBIB Ati garuu wanta barsiisa sirrii sanaa wajjin wal fudhatu dudubbadhu! Afaan Oromoo BCV GIZ ወአንተሰ ንግር ዘይደሉ ለትምህርተ ሕይወት። giz BCV aksum ንስኻ ግና፥ ህይወት ዝርከቦ ቕኑዕ ትምህርቲ መሃር። ትግርኛ AMHNIV አንተ ግን ከትክክለኛው ትምህርት ጋር ተስማሚ የሆነውን አስተምር። አማርኛ SWAHSUV Lakini wewe nena mambo yapasayo mafundisho yenye uzima; Kiswahili