Mul'ata 7

GAZGAZAfaan Oromoo17 Keeyyattoota3:41 Dhaggeeffadhu

Dhaggeeffadhu 3:41 · Diraamaawaa Biblight keessatti bani

1Kana booddees ergamoonni afur golee lafaa arfan irra dhaabatanii, qilleensi lafatti, galaanatti, mukattis akka hin qilleensofnetti qilleensota golee arfanii ittisuu isaanii nan arge.

2Ergamaan tokko immoo Waaqayyo isa jiraataa biraa mallattoo fudhatee karaa boruu utuu ba'uu nan arge. Ergamichis ergamoota arfan warra lafaa fi galaana miidhuun isaaniif kenname sana sagalee guddaadhaan waamee,

3?Hamma nuyi adda hojjetoota Waaqayyo keenyaatti mallattoo goonutti lafa, galaana, mukas hin miidhinaa!? isaaniin jedhe.

4Lakkoobsa warra mallateeffamaniis nan dhaga'e; gosa ijoollee Israa'el hundumaa keessaa kumaatama dhibbaa fi kuma afurtamii afurtu mallateeffame.

5Gosa Yihudaa keessaa kuma kudha lamatu mallateeffame; gosa Ruuben keessaa kumni kudha lama, gosa Gaadi keessaa kumni kudha lama,

6gosa Aseer keessaa kumni kudha lama, gosa Niftaalem keessaa kumni kudha lama, gosa Minaasee keessaa kumni kudha lama,

7gosa Shimi'oon keessaa kumni kudha lama, gosa Lewwii keessaa kumni kudha lama, gosa Yisaakor keessaa kumni kudha lama,

8gosa Zebuloon keessaa kumni kudha lama, gosa Yoseef keessaa kumni kudha lama, gosa Benyaamiin keessaa kumni kudha lama in mallateeffaman.

9Kana booddees ilaaleen tuuta sonaan baay'ee, saba hundumaa keessaa, gosa hundumaa keessaa, nama hundumaa keessaa, afaan dubbatamu hundumaa keessaa dhufan, warra homtinuu lakkaa'uu hin dandeenye nan arge; isaan uffata adii uffatanii, damee muka meexxii harka isaaniitti qabatanii teessicha dura hoolicha duras in dhaabatu turan.

10Jarri kunis sagalee guddaadhaan, ?Fayyinni Waaqayyo keenya isa teessicha irra taa'u biraa, hoolicha biraas in argama!? jedhan.

11Ergamoonni teessicha, maanguddoota, uumama lubbuu qaban arfanis naanna'anii dhaabatan hundinuu teessicha duratti adda isaaniitiin gombifamanii Waaqayyoof in sagadan.

12Sagada isaanii keessattis, ?Ameen! Waaqayyo keenyaaf hooqubaan, guddinni, ogummaan, galanni, ulfinni, humni, aangoonis baraa hamma bara baraatti haa ta'u! Ameen!? jedhan.

13Ergasii maanguddoota keessaa inni tokko, ?Warri uffata adii uffatan kun eenyufa'i, eessaa dhufanis?? jedhee na gaafate.

14Ani immoo, ?Gooftaa ko, situ beeka!? jedheen deebiseef. Inni immoo, ?Isaan kun warra rakkina guddaa keessaa ba'anii dhufanii dha; uffata isaanii dhiiga hoolichaatiin miiccatanii addeeffataniiru.

15Kanaaf isaan teessoo Waaqayyoo duratti argamanii, halkanii fi guyyaa mana qulqullummaa isaa keessatti isaaf in hojjetu; inni teessoo irra taa'us godoo isaa diriirsee isaan irra in jiraata.

16Egaa deebi'anii hin beela'an, hin dheebotanis; aduun, wanti gubus isaanitti hin bu'u.

17Hoolichi teessicha dura gara gidduu jiruus isaan in tiksa, gara burqaa bishaan jireenya kennuuttis isaan in geessa; Waaqayyoos imimmaan hundumaa ija isaaniittii in haqa? anaan jedhe.

Ibsa

7:1-8

Afaan fakkeenyaan Caaffata Qulqullaa’aa keessatti, bubbeen afur walitti dhufanii bubbisamuun, badiisa sodaachisaa fi waliigalaa ta’e argisiisa. Haa ta’u malee, badiisni sun booda harkifameera. Mallattoowwan namoonni qabeenya mataa isaanii ittiin mallatteeffatan turan. Mallattoo kun dhugaa ba’umsa Hafuura Qulqulluu, garaa amantootaatti maxxanfamee jira. Akka qabsoo hundumaaf qophaa’anitti, Gooftaan saba Isaa isaan dura mallatteeffamanii akka hin rakkifamne hin hayyamne.

Waan hubatamuu qabu immoo, isaan Hafuuraan akkasitti mallatteeffaman keessaa, mallattoon adda isaaniitti ta’uu qaba; hiriyootaafi diinotaan ifatti argamuu kan danda’u, garuu amantaan ofiisaatiin hin argu, yoo inni dhaabbiin daawwitii dubbii Waaqayyoo keessa ilaale malee. Baay’inni isaan mallatteeffamanii, saba Waaqayyo hambiseef kan bakka bu’uudha jedhamee hubatamuu danda’a. Mee yoo mana amantaan Waaqayyoo tuuta xinnoo ta’us, addunyaa jal’aa wajjin yoo wal qabsiifame, waldaan baay’ee guddaa dha, akkasumas caalaatti guddatuuf jedha. Asitti waldaa guutuu addunyaa akka fakkeenya Israa’elitti fakkeeffameera.

7:9-12

Kiristoos jalqabaa erga karaa agarsiisee booda, Saboonni Biyyaa warri booda garaa jijjiirratan hordofanii, fayyina isaanii Waaqaafii Furichaaf, injifannoon galchaa. Gocha sagadaa amantii keessatti Waaqatti dhihaanna, Kiristoosiinis dhiyaachuu qabna; Araarsaan malee, cubbamootaan teessoo Waaqaa bira ga'uun hin danda'amu ture.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ከዚህም በኋላ በአራቱ በምድር ማዕዘን ቆመው አራት መላእክት አየሁ፥ እነርሱም ነፋስ በምድር ቢሆን ወይም በባሕር ወይም በማንም ዛፍ እንዳይነፍስ አራቱን የምድር ነፋሳት ያዙ። አማርኛ ENGNIV After this I saw four angels standing at the four corners of the earth, holding back the four winds of the earth to pre… English BCV ድሕሪዙይ እቶም ኣርባዕተ መላእኽቲ፥ ኣብ ኣርባዕተ መኣዝን ምድሪ ደው ኢሎም ረአኹ። ንሳቶም፥ ኣብ ምድሪ ወይ ኣብ ባሕሪ ወይ ኣብ ዝኾነ ኣእዋም፥ ንፋስ ምእንቲ ኸይነፍስ፥ ነቶም ኣርባዕተ ን… ትግርኛ GAZBIB Kana booddees ergamoonni afur golee lafaa arfan irra dhaabatanii, qilleensi lafatti, galaanatti, mukattis akka hin qill… Afaan Oromoo BCV GIZ ወእምድኅረ ዝንቱ ርኢኩ አርባዕቱ መላእክት ይቀውሙ ውስተ አርባዕቱ መዓዝኒሃ ለምድር ከመ የአኀዙ ከመ ኢይንፋኅ ነፋስ ውስተ ምድር ወኢውስተ ባሕር ወኢውስተ ዕፀታት። giz BCV aksum ድሕሪዙይ እቶም ኣርባዕተ መላእኽቲ፥ ኣብ ኣርባዕተ መኣዝን ምድሪ ደው ኢሎም ረአኹ። ንሳቶም፥ ኣብ ምድሪ ወይ ኣብ ባሕሪ ወይ ኣብ ዝኾነ ኣእዋም፥ ንፋስ ምእንቲ ኸይነፍስ፥ ነቶም ኣርባዕተ ን… ትግርኛ AMHNIV ከዚህ በኋላ አራት መላእክት በአራቱ የምድር ማእዘኖች ቆመው አየሁ፤ እነርሱም ነፋስ በምድር ወይም በባሕር፣ ወይም በማንኛውም ዛፍ ላይ እንዳይነፍስ አራቱን የምድር ነፋሶች ያዙ። አማርኛ SWAHSUV Baada ya hayo nikaona malaika wanne wamesimama katika pembe nne za nchi, wakizizuia pepo nne za nchi, upepo usivume juu… Kiswahili