Maatewos 9

GAZBIBAfaan Oromoo38 Keeyyattoota7:23 Dhaggeeffadhu

Dhaggeeffadhu 7:23 · Idilee · Diraamaawaa Biblight keessatti bani

1Yesus bidiruu yaabbatee bishaanicha ce'ee gara mandara isaa dhufe.

2Kunoo jarreen tokko nama dhagni isaa gar tokko du'e siree irra ciibsanii gara isaa fidan; Yesus amantii jarreen kanaa yommuu arge, namicha isa dhagni isaa gar tokko du'een, ?Ilma koo jabaadhu! Cubbuun kee hundinuu siif dhiifameera? jedhe.

3Kana irratti barsiisota seeraa keessaa kaan, ?Namni kun Waaqayyoon arrabsa? jedhanii garaa isaaniitti dubbatan.

4Yesus garuu yaada isaanii beekee, ?Maaliif garaa keessan keessatti hamaa yaaddu?

5Kamtu salphaa dha? Cubbuun kee siif dhiifameera jechuu moo yookiis ka'iitii adeemi jechuu?

6Garuu ilmi namaa lafa irratti dhiifamuu cubbuu kennuudhaaf aboo akka qabu beekaa!? isaaniin jedhe. Isa dhagni isaa gar tokko du'een immoo, ?Ka'iitii siree kee fudhadhuu mana keetti gali!? jedhe.

7Namichi yommus ka'ee mana isaatti gale.

8Namoonni kana yommuu argan in na'an, Waaqayyo isa aboo akkasii namootaaf kenneefis hooqubaa dhi'eessan.

9Yesus achii ka'ee utuu darbuu, nama Maatewos jedhamu tokko, utuu inni iddoo qaraxaa taa'uu argee, ?Na duukaa bu'i!? jedheen. Maatewos yommus ka'ee, duukaa in bu'e.

10Kana booddee immoo Yesus mana namichaatti maaddiitti taa'e; kunoos qaraxoonnii fi warri akka seeraatti hin jiraanne baay'een dhufanii Yesusii fi bartoota isaa wajjin maaddiitti taa'an.

11Warri Fariisotaa garuu kana yommuu argan bartoota isaatiin, ?Maaliif barsiisaan keessan warra qaraxxuudhaa fi warra akka seeraatti hin jiraannee wajjin nyaata?? jedhan.

12Yesus garuu kana yommuu dhaga'e, ?Namoonni fayyaan ogeessa qorichaa hin barbaadan, dhukkubsatootatu barbaada malee;

13inni ?Gara-laafinan barbaada malee aarsaa miti? jedhu maalitti akka hiikamu dhaqaa baraa! Anoo warra gara-qajeelota waamuu hin dhufne, warra cubbamoota waamuufan dhufe malee? jedhe.

14Gaaf tokko bartoonni Yohannis gara Yesus dhufanii, ?Nuyii fi Fariisonni maaliif soomna? Bartoonni kee immoo maaliif hin sooman?? jedhaniin.

15Yesus deebisee, ?Dhirsi misirroo hamma isaan bira jirutti warri cidhaa gadduu danda'uu ree? Guyyoonni dhirsi misirroo itti isaan duraa fudhatamu dhufuuf jiru; isaan yeroo sanatti in soomu.

16?Homtinuu erbee haaraa takkaa hin miiccamin uffata moofaa irratti hin erbu; erbichi haaraan uffata moofaa sana irraa in tarsaasa, tarsa'aan isaas isa duraa irra kan caalu ta'a.

17Akkanuma immoo daadhii waynii haaraa qodaa bososaatti hin naqan; kana yoo godhan, qodichi in dho'a, daadhichi in dhangala'a, qodichis in bada. Daadhii waynii haaraa qodaa jabaatti in naqu malee; daadhichis qodichis akkasitti in oolu? isaaniin jedhe.

18Yesus utuu kana isaanitti dubbachaa jiruu, kunoo warra geggeessituu keessaa tokko dhufee isaaf sagadee, ?Mucaan koo ammuma na duraa duute, ati garuu kottuutii harka kee ishee irra kaa'i, isheenis deebitee in jiraatti? jedhe.

19Kanaaf Yesus ka'ee bartoota isaa wajjin geggeessituu sana duukaa dhaqe.

20Kunoos gidduutti dubartiin waggaa kudha lamaaf dhiigni ishee dhaabachuu diduudhaan rakkachaa turte tokko, dugda duubaan dhuftee, shaashara uffata Yesus tuqxe.

21Isheen garaa isheetti, ?Uffatuma Yesus duwwaa yoon tuqe nan fayya? jettee yaaddee turte.

22Yesus immoo gara galee ishee argee, ?Jabaadhu intala koo, amantiin kee si fayyiseera? jedheen; dubartittiinis si'uma sana fayyite.

23Yesus mana geggeessituu sanaa bira yommuu ga'e, warra ulullee gaddaa afuufanii fi warra huursanii boo'an argee,

24?Asii adeemaa! Intalattiinoo hin duune rafuutti jirti malee? isaaniin jedhe. Isaan garuu itti kolfan.

25Namoonni erga gad baafamanii booddee, Yesus ol lixee harka intalattii qabe, isheenis in kaate.

26Oduun isaas naanna'aa kutaa biyya sanaa in ga'e.

27Yesus achii ka'ee utuu darbuu jaamonni lama isa duukaa adeemanii, ?Yaa ilma Daawit nu maari!? jedhanii iyyan.

28Inni manatti ol gallaan, namoonni jaamonni sun isatti dhi'aatan; yommus Yesus, ?Kana gochuu akkan danda'u in amantuu ree?? ittiin jennaan, isaan immoo, ?Eyyee yaa gooftaa? jedhaniin.

29Kana booddee ija isaanii qabee, ?Egaa akkuma amantii keessanii isiniif haa ta'u!? jedheen.

30Yommus iji isaanii in banaman; Yesus immoo, ?Beekkadhaa, namni tokko illee kana akka hin dhageenye? jedhee jabeessee isaan abboome.

31Isaan garuu akkuma achii ba'aniin guutummaa biyya sanaatti waa'ee isaa odeessan.

32Yeroo isaan achii ba'anitti jarreen tokko nama arrabni isaa dide, hafuurri hamaan keessa jiru tokko gara Yesus fidan.

33Hafuurichi hamaan erga isa keessaa baafamees namichi arrabni isaa didaa ture in dubbate. Namoonnis raajeffachaa, ?Wanti akkasii kun Israa'el keessatti takkaa hin argamne? jedhan.

34Fariisonni garuu, ?Humna angafa Seexanootaatiin hafuurota hamoota in baasa? jedhan.

35Yesus mandaroota hundumaa fi gandeen keessa naanna'ee manneen sagadaa isaanii keessatti barsiisaa, wangeela mootummaa Waaqayyoo himaa, dhukkubaa fi dhibee hundumaattiis fayyisaa ture.

36Inni namoota akka hoolota tiksee hin qabnetti bututanii, gatamanii turan sana yommuu arge isaaniif oo'e.

37Yommus bartoota isaatiin, ?Midhaan sassaabamu baay'ee dha, hojjetoonni sassaaban garuu muraasa;

38egaa hojjetoota warra midhaan sassaaban itti haa yaafatuuf, abbaa midhaanichaa kadhadhaa!? jedhe.

Ibsa

9:1-8

Amantiin hiriyaa namicha dhukkubsataa firaa sanaa, Kiristoositti isa fidaniin agarsiisan, amantii cimaa ture; Yesus Kiristoos isa fayyisuu akka danda’uufi akka fayyisu dhugumaan amanan. Amantiin cimaan Kiristoositti dhihaachuuf gufuu tokko illee hin lakkaa’u. Amantii gad of deebisuu ture; Kiristoositti akka argamuuf isa fidan. Amantii hojiidhaan mul’atu ture. Cubbuun dhiifamuu danda’a, garuu dhukkubni hin ka’uu; dhukkubni ka’uu danda’a, garuu cubbuun hin dhiifamuu. Garuu yoo nagaa Waaqayyoo wajjin qabnu irraa jajjabina arganne, akkasumas dhukkuba irraa fayyuu keenyaan jajjabina argannu, kun fayyinni sun dhugumaan araara akka ta’u godha. Kun cubbuudhaaf jajjabina miti. Yoo cubbuu kee akka dhukkuba kee fi rakkina kee fayyisuu fi bilisa si baasuu danda’utti Yesus Kiristoositti fidde, gaarii dha. Garuu isaan akka jaalallee fi gammachuu keeetti, isaan qabattee Isa fudhachuu yaaduun dogoggora guddaa, gowwoomsaa hamaa dha. Kaayyoon guddaan Yesus isa eebbifamaan furamuu inni raawwate keessatti qabu, garaa keenya cubbuu irraa adda baasuu dha. Gooftaan keenya Yesus waan nuti of keessatti dubbannu hundumaa beekumsa guutuu qaba. Yaada cubbuu qabu keessa hamaa guddaatu jira, kunis Gooftaa Yesusitti baay’ee jibbisiisaa dha. Kiristoos ergamni isaa inni guddaan addunyaadhaaf, saba isaa cubbuu isaanii irraa oolchuu akka ta’e agarsiisuuf yaade. Inni barreesitoota wajjin falmuu irraa deebi’ee, namicha dhukkubsataa sanaaf fayyina dubbate. Siree isaa irraa baatamuu hin qabne qofa osoo hin taane, siree sana baachuufis humna qaba ture. Humni gaarii hojjechuuf kennamu hundumaan Waaqayyo ulfina argachuu qaba.

Maatewos 9:9

Maatewos waamicha isaa keessa ture, akkuma warra kaan Kiristoos waame. Akkuma Seexanni qoramoota isaa wajjin warra hin hojjenne bira dhufu, akkasumas Kiristoos waamicha isaa wajjin warra hojii isaanii keessa jiran bira dhufa. Nu hundumti keenya uumamaan si jalaa fagaanna, Yaa Waaqayyo; nu duuka bu'uudhaaf ajaja nuuf kenni; jecha kee humna qabeessaan nu harkisi, nutis si duukaa fiigna. Jecha Hafuuraa sanaan garaa keenyatti dubbadhu, addunyaan nu qabee turuu hin danda'u, Seexannis karaa keenya dhoorkuu hin danda'u, nu kaanee si duuka buuna. Jijjiiramni fayyina-qabeessi lubbuu keessatti hojjetama, Kiristoos abbaa jalqabaa ta'ee, akkasumas jechi isaa meeshaa ta'ee. Bakki Maatewos yookiin bu’aan inni irraa argatu isa qabee turuu hin dandeenye, yeroo Kiristoos isa waame. Inni isa dhiise, fi yoo duuka buutota, warra qurxummii qaban turan sana, booda boodas yeroo yerootti deebi’anii qurxummii qabachuu arginu iyyuu, Maatewos garuu deebi’ee bu’aa isaa isa cubbuu-qabeessa sana biratti hin arginu.

9:10-13 Maatewos erga inni waamicha isaa argatee yeroo muraasa booda, hiriyoota isaa warra durii akka isaan Kiristoosiin dhaga'anitti fiduuf carraaqe. Muuxannoodhaan ayyaanni Kiristoos maal hojjechuu akka danda'u beeka ture, akkasumas isaan ilaalchisee abdii hin kutanne. Warri guutummaatti Kiristoositti fidaman, namoonni biroon akkasumas gara isaatti akka fidaman fedhuu malee hin hafan. Warri lubbuu isaanii dhukkuba malee ta’uu isaanii yaadan, Doktora Hafuuraa sana hin simatan. Kun Fariisota biratti haala ture; isaan Kiristoosiin tuffatan, sababiin isaas isaan ofii isaanii guutummaatti fayyaa akka ta’an yaadaniif; garuu abbootiin gibiraa hiyyeessotaa fi cubbamoonni barumsaa fi sirreeffama akka barbaadan dhaga’an. Jechoota fi gochoota irra caalan irratti hiika hamaa kennuun salphaa dha, akkasumas baay’ee iddoo argata. Warri namoonni biroon ayyaana Waaqayyoo argachuutti hin gammannetti, ofumaa isaanii ayyaana Waaqayyoo hin qaban jedhamee haqa qabeessa ta'een shakkamuu ni danda'a. Kiristoos cubbamootaa wajjin haasa’uun isaa asitti araara jedhameera; sababiin isaas jijjiirama lubbuu babal’isuun hojii araaraa isa guddaa dha. Waamichi Wangeelaa waamicha gara gaabbii ti; waamicha sammuu keenya akka jijjiirruu fi karaa keenya akka jijjiirruuf nuuf godhame dha. Yoo ijoolleen namootaa cubbamoota hin taane ta'anii turan, Kiristoos isaan gidduutti dhufuu hin barbaachisu ture. Dhukkuba keenya argannee fi qajeelfama Doktora keenya isa guddaa hordofuu barannee jirra moo hin jirru haa qorannu.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG በታንኳም ገብቶ ተሻገረና ወደ ገዛ ከተማው መጣ። አማርኛ ENGNIV Jesus stepped into a boat, crossed over and came to his own town. English BCV ኢየሱስ ናብ ጃልባ ደዪቡ ባሕሪ ምስ ተሳገረ፥ ናብ ዓዱ በፅሐ። ትግርኛ BCV GIZ ወዐሪጎ ውስተ ሐመር ዐደወ ወበጽሐ ሀገሮ። giz GAZGAZ Yesus bidiruu yaabbatee bishaanicha ce'ee gara mandara isaa dhufe. Afaan Oromoo BCV aksum ኢየሱስ ናብ ጃልባ ደዪቡ ባሕሪ ምስ ተሳገረ፥ ናብ ዓዱ በፅሐ። ትግርኛ AMHNIV ከዚህ በኋላ ኢየሱስ ባሕሩን በጀልባ ተሻግሮ ወደ ራሱ ከተማ መጣ። አማርኛ SWAHSUV Akapanda chomboni, akavuka, akafika mjini kwao. Kiswahili