Maatewos 7

GAZBIBAfaan Oromoo29 Keeyyattoota5:43 Dhaggeeffadhu

Dhaggeeffadhu 5:43 · Idilee · Diraamaawaa Biblight keessatti bani

1Yesus, ?Waaqayyo akka isinitti hin farannetti isin namatti hin faradinaa!

2Firdiidhuma isin namatti faraddaniin isinittis in faradama; qodaa safaraa isin itti namaaf safartanitti isiniifis in safarama.

3Maaliif huuba ija obboleessa kee keessa jiru ilaalta? Utubaa isa ija kee keessa jiru hin hubattuu?

4Yookiis attamitti obboleessa keetiin, ?Lakkii huuba ija kee keessaa siifan baasa? jetta ree? Kunoo utubaanoo ija kee keessa jiraa!

5Ati of hin arginee nana, duraan dursitee utubaa ija ofii keetii keessaa baasi, isa booddee huuba ija obboleessa kee keessa jiru, hubattee baasuu in dandeessa.

6?Foon aarsaadhaaf qulqullaa'e sarootaaf hin kenninaa! Callee keessan akka isaan hin dhidhiinnetti booyyee dura hin buusinaa! Isinumatti gara galanii isin in kukkutu'o? jedhe.

7Yesus itti fufee, ?Kadhadhaa isiniif in kennamaa, barbaadaa in argattuu, balbala rukutaa isiniif in banama.

8Kan kadhatu hundinuu in fudhata, kan barbaadus in argata, balbala kan rukutuufis in banama.

9Isin keessaa nama attamiitu ilmi isaa buddeena yoo isa kadhate, dhagaa kennaafi ree?

10Yookiis ilmi isaa qurxummii yoo kadhate, bofa kennaafi ree!

11Egaa isin hamoota taatanii utuu jirtanii, ijoollee keessaniif kennaa gaarii kennuu erga beektanii, abbaan keessan inni waaqa keessaa immoo hammam isin caalaa warra isa kadhataniif waan gaggaarii kenna!

12?Waanuma namoonni akka isiniif godhaniif jaallatan, isinis akkasuma isaaniif godhaa; seerrii fi raajonni isuma kana in barsiisu? jedhe.

13Yesus, ?Karra isa dhiphaadhaan ol galaa! Karaan gara badiisaatti geessu boochoo dha, karri isaas bal'aa dha; namoonni ittiin ol galan immoo baay'ee dha.

14Karaan gara jireenyaatti geessu rakkoo dha, karri isaas dhiphaa dha, namoonni isa argatan muraasa? jedhe.

15Yesus itti fufee, ?Raajota sobduu irraa of eeggadhaa, isaan hoolaa fakkaachuudhaaf raroo hoolaa uffatanii gara keessan in dhufu; keessa isaaniitiin garuu yeeyyii butatanii dha.

16Ija hojii isaaniitiin isaan in beektu; ija waynii baalaanwaraanteettii, harbuus kosorruuttii ciruu dandeessuu ree?

17Akkasumas mukti gaariin ija ba'eessa in godhata, mukti gadheenis ija hamaa in godhata.

18Mukti gaariin ija hamaa godhachuu, mukti gadheenis ija ba'eessa godhachuu hin danda'u.

19Mukti ija ba'eessa hin godhanne hundinuu in murama, ibiddattis in naqama.

20Egaa ija hojii isaaniitiin isaan in beektu? jedhe.

21Yesus, ?Jaalala abbaa koo isa waaqa irraa nama hojjetutu mootummaa waaqaatti gala malee, namni, ?Yaa gooftaa, yaa gooftaa? naan jechuu duwwaadhaan itti gala miti.

22Guyyaa isa dhumaa sanatti namoonni baay'een, ?Yaa gooftaa, yaa gooftaa, nuyi maqaa keetiin raajii dubbanneerra, maqaa keetiin hafuurota hamoota baafneerra, hojii aangoos maqaa keetiin baay'ee hojjenneerra mitii?? anaan jedhu.

23Ani immoo yeroo sanatti, ?Matumaa ani isin hin beeku, isin yaa warra hamaa hojjettanii, ija koo duraa badaa!? jedheen mul'inatti isaanitti hima? jedhe.

24Yesus, ?Egaa namni dubbii koo dhaggeeffatee akka isaatti hojjetu hundinuu nama ogeessa mana isaa dhagaa irratti ijaarratetti in fakkeeffama.

25Bokkaan roobee, lolaan lola'ee, qilleensis qilleensa'ee, mana sanatti bu'an; manichi garuu hundeen isaa dhagaa irra dhaabamee waan tureef, hin jigne.

26Namni dubbii koo dhaggeeffatee akka isaatti hin hojjenne hundinuu garuu, nama gowwaa mana isaa hundee malee lafa cirrachaa irratti ijaarratetti in fakkeeffama.

27Bokkaan roobee, lolaan lola'ee, qilleensis qilleensa'ee, mana sanatti bu'an; manichis in jige; jiguun isaas badduu baasa ta'e? jedhe.

28Yesus dubbii isaa kana dubbatee yommuu raawwate, namoonni na'anii barsiisa isaa in dinqisiifatan.

29Inni akka barsiisota seeraa warra kan isaanii utuu hin ta'in akka nama aboo qabutti isaan in barsiisa ture.

Ibsa

7:1-6

Ofi keenya qoruu qabna, akkasumas gochoota keenya qoruu qabna, garuu dubbii keenya nama hundumaaf seera gochuu hin qabnu. Hatattamaan murteessuu hin qabnu, akkasumas sababa tokko malee obboleessa keenya irratti murtoo dabarsuu hin qabnu. Namoota gara hammeenyaatti dhiibuu yookiin hammeenya isaanii guddifnee ilaaluu hin qabnu. Kun akeekkachiisa qajeelaadha warra dogoggora xixiqqoof obboleewwan isaanii wajjin lola'aniif, yeroo ofuma isaanii immoo dogoggora gurguddaa keessa jiraatanitti. Cubbuun tokko tokko akka diiqii ijaa yoo ta'u, kan biroon immoo akka utubaa ti; tokko tokko akka buusaa yoo ta'u, kan biroon immoo akka gaalaa ti. Kun cubbuun tokko xiqqoo dha jechuu miti; yoo diiqii ta'e, ija keessa jira; yoo buusaa ta'e, qoonqoo keessa jira; lamaanuu nama dhukkubsa fi balaa qabu, isaan bahanii yoo hin deemne immoo tasgabbaa'uu yookiin fayyaa qabaachuu hin dandeenyu. Wanti jaalalli obboleessa keenya ija keessa diiqii qofa jedhee nu barsiisu, gaabbii dhugaa fi gaddi Waaqayyoo immoo kan ofii keenyaa utubaa dha jedhanii nu barsiisu. Namni haala cubbamaa fi gadadoo keessa jiraatee isa beekuu dhabuun isaa dinqisiisaadha, akkuma namni utubaa ija isaa keessa qabaatee isaaf hin yaanne yookiin isa hin hubannetti; garuu waaqa addunyaa kanaa yaada isaanii jaamsa. Asitti seerri gaariin warra akeekkachiisaniif jira: dura ofii kee sirreessi.

7:7-11

Kadhannaan waan nuti barbaannu argachuuf karaa murtaa’e dha. Kadhadhaa; yeroo baay’ee kadhadhaa; kadhannaa hojii godhadhaa, akkasumas dhimma itti ba’aa fi cimaa ta’aa. Gaafadhaa, akka nama hiyyeessa tokkoo kadha gaafatu. Gaafadhaa, akka imaltuun tokko karaa gaafatu. Barbaadaa, akka waan gati jabeessa dhabne tokkoo, yookiin akka daldalaan tokko faaya gaarii barbaadu. Rukutaa, akka nama mana seenuu barbaadu tokkoo balbala rukutu. Cubbuun balbala nurratti cufee hidheera; kadhannaan garuu ni rukunna. Waan isin kadhattan hunda, abdii Waaqayyoo wajjin wal simuun, isiniif kennama, Waaqayyo isiniif ta’uu isaa yoo arge; kana caalaa maaltu isin barbaachisa? Kun nama sirriitti kadhatu hundumaatti kan ilaalamu dha; inni gaafatu hundinuu ni argata, Yihudii yookiin warra saba Waaqayyoo hin taane, mucaa yookiin jaarsa, dureessa yookiin hiyyeessa, sadarkaa olaanaa yookiin gad aan, gooftaa yookiin garbicha, barate yookiin hin baranne, hundinuu wal qixa teessoo ayyaanaa irratti fudhatamoo dha, yoo amantiidhaan dhufe.

Kun fakkeenyaan ibsameera, fakkeenya abbaa fi haadha lafaa irraa fudhatame, fi fedhii isaanii ijoollee isaaniitti waan isaan gaafatan kennuuf qaban argisiisuun. Abbaan fi haati yeroo baay’ee jaalala gowwoomsaa qabu, garuu Waaqayyo hundumaa beekaa dha; waan nuti barbaannu, waan nuti hawwinu, fi waan nuuf ta’u inni beeka. Takkaa yaaduu hin qabnu Abbaan keenya inni samii nu kadhadhaa jedhee, itti aansee dhaga’uu dide yookiin waan nu miidhu nuuf kenne.

7:12-14

Kiristoos nu barsiisuuf dhufe; inni waan beeknee amanuu qabnu qofa osoo hin taane, waan hojjechuu qabnuunis; gara Waaqayyoo qofa osoo hin taane, gara namootaas; kan garee keenyaa fi amantii keenyaa qofa osoo hin taane, namoota hundaaf, warra nu waliin wal qabnu hundaaf dhufe. Ollaa keenyaaf wanta nuti mataan keenya sirrii fi qajeelaa ta'uu isaa beeknu hojjechuu qabna.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG “እንዳይፈረድባችሁ አትፍረዱ፤ በምትፈርዱበት ፍርድ ይፈረድባችኋልና፥ በምትሰፍሩበትም መስፈሪያ ይሰፈርባችኋል። አማርኛ ENGNIV “Do not judge, or you too will be judged. English BCV “ብትፈርድዎ ፍርዲ ኽፍረደኩም፤ ብትሰፍርዎ መስፈሪውን ክስፈረኩም እዩ እሞ፥ ከይፍረደኩም ኣይትፍረዱ። ትግርኛ BCV GIZ “ኢትኰንኑ ከመ ኢትትኰነኑ። giz GAZGAZ Yesus, ?Waaqayyo akka isinitti hin farannetti isin namatti hin faradinaa! Afaan Oromoo BCV aksum “ብትፈርድዎ ፍርዲ ኽፍረደኩም፤ ብትሰፍርዎ መስፈሪውን ክስፈረኩም እዩ እሞ፥ ከይፍረደኩም ኣይትፍረዱ። ትግርኛ AMHNIV “እንዳይፈረድባችሁ በማንም ሰው ላይ አትፍረዱ፤ አማርኛ SWAHSUV Msihukumu, msije mkahukumiwa ninyi. Kiswahili