Ba'uu 26

GAZGAZAfaan Oromoo37 Keeyyattoota8:08 Dhaggeeffadhu

Dhaggeeffadhu 8:08 · Idilee · Diraamaawaa Biblight keessatti bani

1“Ati godicha bullukkoo arraba kudhan irraa hojjedhu; isaan boffee quncee talbaa gaarii bifa waaqaa, dhiilgee fi bildiimaa irraa walitti fo'amanii dha'amanii, bifni Kiruubel hojii harka-toleessaatiin isaan keessatti kan hojjetame haa ta'an!

2Bullukkoon kunis tokkon tokkon isaa dheerinni isaa dhundhuma digdamii saddeet, bal'inni isaa dhundhuma afur, bullukkoon hundinuu immoo safarri isaanii tokko haa ta'u!

3Bullukkoon shan akka baal'ee tokkootti, warri hafan shanan immoo akka baal'ee tokkootti walitti haa qabsiifaman!

4Gurroo bifa waaqaa qabus bullukkoo akka baal'ee tokkootti walitti qabsiifame isa duraa keessaa andaara arraba isa moggaatti hojjedhu! Akkasumas bullukkoo akka baal'ee tokkootti walitti qabsiifame isa lammaffaa keessaa andaara arraba isa moggaatti gurroo in hojjetta;

5andaara baal'ee bullukkoo isa duraatti gurroowwan shantama, andaara bullukkoo akka baal'ee tokkootti walitti qabsiifame isa lammaffaa gara moggaattis gurroowwan shantama in hojjetta; gurroowwan sun moggaa gamaa gamanaatiin akka wal fudhatan haa ta'an!

6Hokkoo warqee shantama hojjedhu! Walumatti godoo tokko fayyaa akka ta'utti hokkoowwan sanaan baal'ee bullukkoo lamaan walitti qabsiisi!

7“Akkasumas bullukkoo rifeensa re'ootaa irraa hojjetame kudha tokkon sanaan godoo isa duraa sana irratti dunkaana hojjedhu!

8Bullukkoon kun tokkon tokkon isaa dheerinni isaa dhundhuma soddoma, bal'inni isaa dhundhuma afur; bullukkoon kudha tokkonuu safarri isaanii tokko haa ta'u!

9Bullukkoo shan kophaatti akka baal'ee tokkootti, warra hafan ja'an immoo kophaatti akka baal'ee tokkootti walitti in qaqabsiifta! Arraba isa ja'affaa sana immoo balbala godichaa duraan wal irra dabarsi!

10Andaara bullukkoo akka baal'ee tokkootti walitti qabsiifame isa duraatti gurroowwan shantama, andaara bullukkoo akka baal'ee tokkootti walitti qabsiifame isa lammaffaattis gurroowwan shantama in hojjetta.

11Hokkoo sibiila borrajjii shantama hojjedhuutii, hokkoowwan sana gurroowwan sana keessa galchi! Walumatti dunkaana tokko akka ta'utti baal'ee bullukkoo sana lamaan walitti qabsiisi!

12Bullukkoowwan dunkaanichaa irraa inni hafu immoo walakkaan arraba bullukkoo dugda duuba godoo sanaatiin gad haa rarra'u!

13Bullukkoo dunkaanaatti, dhundhumni tokko gara tokkoon, dhundhumni tokko immoo gara kaaniin irraa hafee, cinaacha godoo sanaa irra akka uffisaatti garasii fi garanaan gad haa rarra'u!

14Godoo sanaaf irra-buusa gogaa korbeessa hoolaa isa duugamee diimeffame irraa, irra-buusa lammaffaas gogaa hoolaa bishaanii irraa hojjedhuuf!

15“Godoo sana ol qajeelchuudhaaf tuggeewwan babattee muka laaftoo irraa hojjedhuuf.

16Tuggeen batteen tokko dheerinni isaa dhundhuma kudhan, bal'inni isaa dhundhuma tokkoo fi walakkaa haa ta'u!

17Tuggeen batteen kun adduma addaan isa kaanii wajjin wal keessa galuuf akka ta'utti fiixee isaa irratti mucha haa qabaatu! Kana tuggeewwan godoo sanaa hundumaaf in goota.

18Tuggeewwan kana yeroo hojjettu immoo, cinaacha godoo sanaa isa gara mirgaaf tuggee digdama tolchi!

19Tuggee digdamman sanaaf miiloo meetii irraa hojjetame afurtama tolchi! Akkasitti tuggeen tokko muchi isaa lamaan kan keessa lixu miiloo uraa qabu lama lama jala isaatti in qabaata.

20Cinaacha godoo sanaa isa lammaffaa, isa gara bitaaf immoo tuggee babattee digdama in hojjetta.

21Akkasumas tokkon tokkon tuggee jalatti miiloo lama lama, walitti miiloo meetii irraa hojjetame afurtama in goota.

22Cinaacha godoo sanaa isa gara dugda duubaa, isa gara lixa-biiftuuf immoo tuggee babattee ja'a hojjedhu!

23Golee godichaa warra gara dugda duubaaf tuggee babattee lama hojjedhu!

24Isaan hundee isaatii jalqabanii hamma bantiitti wal irra darbanii amartii isa gara olii irratti walitti haa qabsiifaman! Kan lachuu isaanii akkasuma in ta'a, isaan golee lamaan in argisiisu.

25Akkasitti tuggeen babatteen saddeet miiloo jalaa warra meetii irraa hojjetaman kudha ja'anii wajjin achitti in argamu; tuggeen tokko miiloo lama lama jala isaatti in qabaata.

26“Dagaleewwan muka laaftoo irraa hojjedhu! Isaan tuggeewwan cinaacha godichaa gar tokkoof dagalee shan haa ta'an!

27Tuggeewwan cinaacha godichaa isa gara kaaniifis dagaleen shan, tuggeewwan cinaacha dunkaanichaa isa dugda duubaa, gara lixa-biiftuuttiifis dagaleen shan haa ta'an!

28Dagaleen inni gidduu walakkaa tuggeewwan sanaa irra gara tokkoo hamma gara kaaniitti in fulla'a.

29Tuggeewwan sanatti warqee uffisi, amartiiwwan isaanii warra dagaleewwan keessa galanis warqeedhaan hojjedhu! Dagaleewwan sanatti warqee uffisi!

30Godoo sanas akka seera isa tulluu irratti sitti argisiifame sanaatti in dhaabda.

31“Golgaa isa boffee bifa waaqaa, dhiilgee, bildiimaadhaa fi quncee talbaa gaarii isa walitti fo'ameen dha'ame irraa in hojjetta; innis bifni Kiruubel hojii harka-toleessaatiin kan keessatti hojjetame in ta'a.

32Golgaa kana utuboota afuritti in dirta; utuboonni kun muka laaftoo irraa hojjetamanii, warqeen itti uffifamee, mismaarri warqee itti rukutamee, miiloo meetii irraa hojjetaman afur irras kan dhaabatan haa ta'an!

33Ati golgaa sana hokkoowwan jalaan in dirta, sanduuqa kakuu sana immoo gara golgaa kana keessatti in fidda; golgaan sun immoo iddoo isa qulqullaa'aadhaa fi isa hundumaa irra qulqullaa'aa gidduutti gargar isiniif in hira.

34“Teessoo araaraa immoo iddoo hundumaa caalaa qulqullaa'aa sana keessa sanduuqa kakuu irra in keessa.

35Gabatee, golgaa kana duuba in keessa; baattuu ibsaa immoo cinaacha godichaa gara mirgaatiin, fuullee gabatee isa gara bitaatiin keessu sanaa kaa'i!

36Golgaa boffee bifa waaqaa, dhiilgee, bildiimaadhaa fi quncee talbaa gaarii walitti fo'ameen dha'amee, hoddhaadhaan miidhagfame irraa balbala godichaaf in hojjetta.

37Golgaa isa kanaaf immoo utuboota muka laaftoo warqeen itti uffifamee mismaarri warqee itti rukutame shan in dhaabda; sibiila borrajjii baqsitee miiloo shan in tolchitaaf!

Ibsa

26:1-6 Waaqayyo, sababa haala Israa’eloonni gammoojjii keessa turaniif, argamuu Isaa dunkaana qulqullummaa yookiin godoo gidduu isaaniitti mul'ise. Waaqayyo mallattoo tola Isaa fi kennaa ayyaana Isaa akka haala ummata Isaa fi fedhii isaaniitti ni mijeessa. Golgaawwan dunkaana qulqullummaa baay'ee miidhagoo turuu qabu turan. Isaanis Kiruubelotaan qarartidhaan kan faayaman turan, kunis ergamoonni Waaqayyoo gumii Waaqayyoo marsanii godoo isaanii akka dhaaban agarsiisa. Far. 34:7.

Boqonnaa 26

Museen asitti qajeelfama argate,

I. Golgaawwan keessoo dunkaanaa yookiin godoo sanaa, akkasumas golgaawwan sana walitti qabuu ilaalchisee (Lakk. 1-6).

II. Golgaawwan alaa kan rifeensa re'ee irraa hojjetaman, kan duraanii jabeessuuf (Lakk. 7-13).

III. Saanduqa yookiin haguuggii qilleensa irraa eeguuf ture ilaalchisee (Lakk. 14).

IV. Loohota golgaawwan deeggaruuf dhaabatan, akkasumas utubaa fi buufata isaanii ilaalchisee (Lakk. 15-30).

V. Bakka qulqulluu fi bakka hundumaa irra qulqulluu gidduu addaan baasuu (Lakk. 31-35).

VI. Balbalaaf golgaa (Lakk. 36, 37). Qabxiiwwan kunniin, akkasitti bal'inaan galmeeffaman, amma nuuf faayidaa xiqqoo qabu fakkaatu; ta'us, Musee fi Israa'eliif faayidaa guddaa waan turaniif, Waaqayyo yaadannoo isaanii nuuf eeguu waan barbaadeef, isaan dagachuu hin qabnu. Durii ta'uun isaaniiyyuu seenaa kana kabajamaa taasisa.

Lakk. 1-6

I. Mana sun godoo yookiin dunkaana, kan loltoonni amma buufata keessatti fayyadaman fakkaachuu qaba ture; kan jireenya gadhiisii fi kan socho'u ture; ta'us, sanduuqni Waaqayyoo kana caalu hin qabu ture, hanga Solomoon waggaa 480 booda mana qulqullummaa ijaaretti, 1 Moot. 6:1. Waaqayyo akkasitti godoo keessatti gidduu isaaniitti argamuu isaa mul'ise,

1. Haala isaanii amma gammoojjii keessa jiran wajjin wal simuuf, bakka deeman hundatti isa akka qabaatan. Hubadhaa, Waaqayyo mallattoo jaalala isaa, fi kennaa ayyaana isaa, fedhii fi dhiphina saba isaa wajjin wal simsiisa, haala isaan jiranitti, rahmata isaa haala isaanii, kan milkaa'e yookiin kan rakkate, kan dhaabbataa yookiin kan hin dhaabbanne wajjin wal simsiisa. Bishaaniin yoo darbitu, ani si wajjin nan jira, Isa. 43:2.

2. Haala waldaa Waaqayyoo addunyaa kana keessatti akka bakka bu'uuf, haala godoo ti, Far. 15:1. Asitti magaalaa dhaabbataa hin qabnu; addunyaa kana keessatti ormoota waan taaneef, fi gara isa caaluutti imaltoota waan taaneef, hanga gara samiitti dhufnutti gonkumaa hin dhaabbannu. Mirgoonni waldaa meeshaalee socho'anidha, bakka tokko irraa gara biraatti; wangeelli bakka tokkotti hin hidhamne; ibsaan godoo keessa jira, salphaatti fudhatamuu danda'a, Mul. 2:5. Yoo godoo sana baay'ee jaallanne, fi mirga isaa fayyadamne, bakka deemnu hundatti nu wajjin jiraata; garuu, yoo daganne fi salphisne, bakka teenyu hundatti nu dhiisa. Jaallatamaan koo mana koo keessatti maal hojjeta? Erm. 11:15.

II. Golgaawwan godoo sanaa fakkeenya Waaqayyoo wajjin wal simuu qabu.

1. Baay'ee dureessa, kan gaarii, quncee talbaa miidhagaa irraa hojjetame; fi bifa baay'ee nama hawwatu, cuquliisa, dhiilgee, fi diimaa qabaachuu qabu.

2. Kiruubelotaan (Lakk. 1) hojjetamuu qabu turan, ergamoonni Waaqayyoo waldaa naannoo isaa akka buufatan agarsiisuuf, Far. 34:7. Akkuma teessoo araaraa irratti kiruubeloonni turan, akkasumas godoo naannoo isaa turan; ergamoonni teessoo qofa osoo hin taane, jaarsolii akka marsan argina; Mul. 5:11 ilaali.

3. Golgaawwan lama turan, tokkoon tokkoon isaanii bal'ina shan qabu, walitti hodhamanii, golgaawwan lamaan qabattoo warqii yookiin qara qabattoo warqii wajjin walitti qabamanii, akka godoo tokko ta'uuf, Lakk. 6. Akkasitti waldaaleen Kiristoosii fi qulqulloonni, baay'ee ta'anis, jaalala qulqulluudhaan, fi tokkummaa Hafuuraatiin walitti makamanii, mana qulqullummaa tokko Gooftaa keessatti ta'uuf guddatu, Efe. 2:21, 22; 4:16. Godoon kun baay'ee dhiphaa fi xiqqaa ture; garuu, lallaba wangeelaatiin, waldaan bakka dunkaana ishee bal'isuuf, fi golgaawwan ishee diriirsuuf ajajamte, Isa. 54:2.

Lakk. 7-14

Museen asitti golgaa dachaa godaamii sanaaf akka hojjetu ajajameera, kunis roobni akka hin seenneefi bareedinni golgaawwan miidhagoo sanaa akka hin miidhamneef ture.

1. Golgaan rifeensa re'ee irraa hojjetame ture, kunis golgaawwan keessoo caalaa karaa hundaan xiqqoo bal'aa ture, sababiin isaas isaan maruuf ture, akkasumas tarii isaan irraa fageenya xiqqoo irra diriirfamee ture, lakk. 7, kkf. Isaan kun qabattoo naasiiin walitti qabaman. Meeshaan gatii xiqqaa waan qabuuf, qabattoonnis akkasuma turan; garuu qabattoonni naasii kan warra warqee caalaa kaayyoo sana sirriitti galmaan ga'u. Hidhaawwan tokkummaa golgaawwan rifeensa re'ee gidduutti jiran kan warra cuquliisaafi diimaa gidduu jiru caalaa jabaa ta'uu danda'u.

2. Kana irratti golgaan biraa, inni dachaa ta'e (lakk.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG “ደግሞም ከተፈተለ ከጥሩ በፍታ፥ ከሰማያዊ ከሐምራዊም ከቀይም ግምጃ የተሠሩ አሥር መጋረጆች ያሉበትን ማደሪያ ሥራ፤ ብልህ ሠራተኛ እንደሚሠራ ኪሩቤል በእነርሱ ላይ ይሁኑ። አማርኛ ENGNIV “Make the tabernacle with ten curtains of finely twisted linen and blue, purple and scarlet yarn, with cherubim worked … English BCV “ብዓሰርተ ዓለባታት ጌርካ ድንኳን ስራሕ። ነቲ ዓለባ ብሰማያውን ሓምራውን ውፁእ ቀይሕ ብዝኾነ ፈትልን ብዝተፍሓሰ ሃርን ጌርካ ስርሓዮ። ክኢላታት ሰባት ድማ ብጥልፊ፥ ምስሊ ኪሩቤል ይስኣሉሉ። ትግርኛ GAZBIB “Ati godicha bullukkoo arraba kudhan irraa hojjedhu; isaan boffee quncee talbaa gaarii bifa waaqaa, dhiilgee fi bildiim… Afaan Oromoo BCV GIZ ወለደብተራ ትገብር ላቲ ዐሠርተ አዕፃደ እምቢሦስ ዕፁፍ፡ ወእምሕብረ ያክንት ወሜላት ወነት ዕፁፍ ኬሩቤን ወግብሩ ግብረ ማእነም ትገብርዎ። giz BCV aksum “ብዓሰርተ ዓለባታት ጌርካ ድንኳን ስራሕ። ነቲ ዓለባ ብሰማያውን ሓምራውን ውፁእ ቀይሕ ብዝኾነ ፈትልን ብዝተፍሓሰ ሃርን ጌርካ ስርሓዮ። ክኢላታት ሰባት ድማ ብጥልፊ፥ ምስሊ ኪሩቤል ይስኣሉሉ። ትግርኛ AMHNIV “በቀጭኑ ከተፈተለ የበፍታ ድርና በሰማያዊ፣ በሐምራዊና በቀይ ማግ በተሠሩ ዐሥር መጋረጃዎች ማደሪያ ድንኳኑን ሥራ፤ እጀ ብልኅ ሠራተኛም ኪሩቤልን ይጥለፍባቸው። አማርኛ SWAHSUV Kisha fanya hiyo maskani iwe na mapazia kumi; ifanye ya nguo ya kitani nzuri ya kusokota, pamoja na nyuzi za rangi ya s… Kiswahili