1ffaa Qorontos 16

GAZGAZAfaan Oromoo24 Keeyyattoota3:29 Dhaggeeffadhu

Dhaggeeffadhu 3:29 · Diraamaawaa Biblight keessatti bani

1Waa'ee horii gargaarsa warra amananii Waaqayyoof qulqullaa'an sanaaf bu'u immoo, isinis akkuma ani waldoota kristiiyaanaa kutaa biyya Galaatiyaa abboome godhaa!

2Erga ani dhufee horii walitti buusuu akka hin barbaachifnetti, Sanbata guddaa, torbeedhuma tokkon tokkon keessan hamma wal qixxaateef buusee walitti haa qabu.

3Yeroon dhufus, namoota isin nuuf haa dhaqan jettaniif caaffata ittiin beekaman kenneefii, buusii keessan gara Yerusaalemitti akka geessaniif isaanan erga.

4Ani dhaquun koo barbaachisaa yoo fakkaate immoo, isaan anaa wajjin in dhaqu.

5Ani karaa Maqedooniyaa dhaquu waanan yaadeef, biyya Maqedooniyaa sana keessa ergan darbee booddee gara keessan nan dhufa.

6Isin biras nan turan ta'a; isin immoo gargaartanii iddoodhuma ani dhaqutti akka na ergitaniif, tarii ganna guutuu iyyuu isin bira nan ba'a.

7Ani miilana argaa karaa irraa isin arguu hin barbaanne; yoo gooftaan jedhe takka isin bira akkan turu nan abdadha.

8Hamma guyyaa Phenxeqosteetti garuu mandara Efesoon keessa nan tura.

9Warri ittiin morman baay'een yoo jiraatan iyyuu, hojii guddaadhaa fi hojii waa'ee baasu hojjechuudhaaf karaan anaaf banameera.

10Ximotewos yeroo dhufu, innis akkuma koo hojii gooftaa waan hojjetuuf, akka inni of irraa bu'ee isin bira buufatu godhaa!

11Namni tokko illee isa hin tuffatin! Ani obbolootaa wajjin isa eegaa waanan jiruuf, nagaadhaan na bira akka dhufuuf isa gargaaraa!

12Waa'ee obboleessa keenya Apholos immoo, inni obboloota warra kaanii wajjin dhufee akka isin ilaaluuf, ani deddeebisee isa gorsaan ture; inni garuu amma gara keessan dhufuun raawwatee jaalala isaa hin taane; yeroo isaaf wayyutti garuu dhufuuf jira.

13Dammaqaa, amantiitti cimaatii dhaabadhaa! Ija-jabeeyyiidhaa fi jajjaboo ta'aa!

14Waan hojjettan hundumaa jaalalaan raawwadhaa!

15Ammas obboloota ko, maatiin Isxifaanaas, Akaayyaa keessaa amantoota warra jalqabaa akka ta'an in beektu; isaan warra Waaqayyoof qulqullaa'aniif hojjechuudhaaf of kennanii turan.

16Namoota akkasiitiif, hojiitti hidhata isaanii isa ta'eef, isa itti dadhabe hundumaaf adduma addaan, ulfina isaaniif ta'u akka kennitaniif isinan kadhadha.

17Isin qaqqabuu dadhabnaan Isxifaanaas, Fortunaaxos, Akaayqosis iddoo keessan waan dhufaniif ani gammadeera.

18Akkuma garaa isin ciibsan, garaa na ciibsaniiru; hojii warra akkasii immoo galateeffatanii beeksisuun in ta'a.

19Waldoonni kristiiyaanaa Asiyaa, nagaa isiniif dhaamu; Aqiilaanii fi Phriskaan waldaa mana isaaniitti walitti qabamu sanaa wajjin, karaa gooftaa garaa guutuudhaan nagaa isiniif ergu.

20Obboloonni as jiran hundinuu nagaa isiniif dhaamu; yaada qulqullaa'aatiin wal dhungachuudhaan nagaa wal gaafadhaa!

21Nagaa kana ana Phaawulostu harka kootiin isiniif caafa.

22Eenyu illee gooftaa yoo jaallachuu dhabaate abaaramaa dha; ?Maaraanaataa!? Hiikuun isaas, ?Gooftaa keenyaa kottu!? jechuu dha.

23Ayyaanni gooftaa Yesus isinii wajjin haa ta'u!

24Jaalalli koo karaa Kristos Yesus hunduma keessanii wajjin haa ta'u!

Ibsa

16:1-9 Fakkeenyi gaariin Kiristaanotaa fi waldaalee Kiristaanaa kaan nu kakaasuu qaba.

Hojii gaariidhaaf kuufachuu gaariidha. Warri addunyaa kana keessatti dureeyyii ta'an, hojii gaariidhaan dureeyyii ta'uu qabu, 1Xim 6:17,18. Harki tattaafatu, eebba Waaqayyoo malee nama dureessa hin taasisu, Fak 10:4,22. Namoota Waaqayyoo fi ijoollee Waaqayyoof jaalala laafinaatti nu kakaasuuf, wanta qabnu hundumaa kennaa Isaa akka ta'e ilaaluurra maaltu caala? Hojiin garaa laafinaa, firiin jaalala Waaqayyoof qabnu isa dhugaa ti, kanaafis guyyaa Isaa irratti tajaajila sirrii dha. Tajaajiltoonni, yommuu hojii jaalalaa dursan ykn gargaaranitti, hojii isaanii sirrii hojjetu. Garaan tajaajilaa Kiristaanaa, ummata inni isaan gidduutti yeroo dheeraaf hojjechuudhaan milkaa'e gara isaaniitti ta'uu qaba. Kaayyoon keenya hundumtuu qophii Waaqummaatti aboomamuu qaba, Yaq 4:15. Diinnonni fi mormiin hafuura tajaajiltoota amanamaa fi milkaa'oo hin cabsan, garuu shaaroo isaanii ni ho'isu, akkasumas jabinni haaraa isaanitti akka dhufu ni godhu. Tajaajilaan amanamaan tokko, jabaachuu garaa dhaggeeffattoota isaatiin, akkasumas warra amantii himatan irraa deebi'uudhaan, yaalii diinotaatiin caalaa ni abdii dhabba.

16:10-12 Timooteos hojii Gooftaa hojjechuuf dhufe. Kanaafuu ruuhii isaa giddisiisuun, Hafuura Qulqulluu gaddisiisuu dha; isa tuffachuun immoo, Isa isa erge tuffachuu dha. Warri hojii Gooftaa hojjetan, tooftummaa fi kabajaan qabamuu qabu. Tajaajiltoonni amanamaan walitti hin hinaafan. Tajaajiltoota wangeelaarraa beekamtii fi bu'a-qabeessummaa walii-isaaniitiif yaaddoo qabaachuun kan isaanirraa eegamudha.

16:13-18 Kiristaanni yeroo hundumaa balaaf saaxilamaa jira, kanaafuu yeroo hundumaa dammaqaa ta'uu qaba. Inni Wangeela amantiin jaboo ta'uu qaba, gonkumaa irraa hin goru yookaan hin dhiisu. Amantii kanaan qofa yeroo qormaataa dhaabachuu danda'a. Kiristaanonni jaalalli guddichi onnee isaanii keessa jiraachuu qofa utuu hin taane, jireenya isaaniitti akka mul'atuuf of eeggannoo gochuu qabu.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ለቅዱሳንም ገንዘብን ስለ ማዋጣት፥ ለገላትያ አብያተ ክርስቲያናት እንደ ደነገግሁት እናንተ ደግሞ እንዲሁ አድርጉ። አማርኛ ENGNIV Now about the collection for God's people: Do what I told the Galatian churches to do. English BCV ብዛዕባ እቲ ነቶም ቅዱሳን ክኸውን ዝዋፃእ ገንዘብ ድማ፥ ኣብ ገላትያ ንዘለዉ ምእመናን ከም ዝሰራዕኽዎ፥ ንስኻትኩምውን ከምኡ ግበሩ። ትግርኛ GAZBIB Waa'ee horii gargaarsa warra amananii Waaqayyoof qulqullaa'an sanaaf bu'u immoo, isinis akkuma ani waldoota kristiiyaan… Afaan Oromoo BCV GIZ ወበእንተ አስተጋብኦሰ ለቅዱሳን በከመ ሠራዕክዎሙ ለቤተ ክርስቲያን ዘገላትያ ከማሁ አንትሙሂ ግበሩ። giz BCV aksum ብዛዕባ እቲ ነቶም ቅዱሳን ክኸውን ዝዋፃእ ገንዘብ ድማ፥ ኣብ ገላትያ ንዘለዉ ምእመናን ከም ዝሰራዕኽዎ፥ ንስኻትኩምውን ከምኡ ግበሩ። ትግርኛ AMHNIV አሁን ደግሞ ለቅዱሳን ስለሚደረገው ገንዘብ ማሰባሰብ፤ ለገላትያ አብያተ ክርስቲያናት በሰጠሁት ትእዛዝ መሠረት አድርጉ። አማርኛ SWAHSUV Kwa habari ya ile changizo kwa ajili ya watakatifu, kama vile nilivyoamuru makanisa ya Galatia, nanyi fanyeni vivyo. Kiswahili