ሽምሻይ

ሽምሻይ በፋርስ ንጉሥ በአርጤክስስ ዘመነ መንግሥት የኢየሩሳሌምን ግንባታ ይቃወም ከነበረው ከአዛዡ ረሁም ጋር በመሆን ጸሐፊ ሆኖ በዕዝ 4:8, 9, 17እና 23 ላይ ተጠቅሷል። ሽምሻይና ረሁም ከተማይቱንና ቅጥሯን እየሠሩ ነው በማለት አይሁድን ከሰሱ፤ ይህም በፋርስ ግዛት ላይ ዓመፅን ያስከትላል በማለት ለንጉሡ ደብዳቤ ጻፉ። አርጤክስስም ለደብዳቤያቸው ምላሽ እስከተጨማሪ ትእዛዝ ድረስ በከተማይቱ ላይ የሚሠራው ሥራ እንዲቆም አዘዘ። ሽምሻይና ረሁምም ከባልደረቦቻቸው ጋር ወደ ኢየሩሳሌም ሄደው አይሁድን ከተማይቱን ከመገንባት በኃይል አስቆሟቸው። ይህ ተቃውሞ ግንባታው ለጊዜው እንዲቆም አደረገ፤ በኋላም አይሁድ በቤተ መቅደሱና በከተማይቱ ላይ ሥራቸውን እንዲቀጥሉ በፈቀደው በንጉሥ ዳርዮስ ዘመነ መንግሥት ድረስ ቆይቷል።