አቤል

አቤል ከአዳምና ከሔዋን ሁለተኛ ልጃቸው ሲሆን ከወንድሙም ከቃየል በኋላ ተወለደ። ቃየል ገበሬ ሲሆን እርሱ ግን እረኛ ነበር። ሁለቱም ወንድማማቾች ለእግዚአብሔር መሥዋዕት አቀረቡ፤ ነገር ግን እግዚአብሔር የአቤልን መሥዋዕት ተቀበለ የቃየልን ግን አልተቀበለም። ይህም ቃየል እንዲቀናና እንዲቆጣ አደረገው፤ በመጨረሻም ሜዳ ላይ አቤልን ገደለው። እግዚአብሔር ቃየልን ስለ አቤል ግድያ ጠየቀው፤ በዚህም ምክንያት ቃየል በምድር ላይ ተቅበዝባዥ እንዲሆን ተረገመ። አዲስ ኪዳን አቤልን እንደ እምነት ምሳሌ (ዕብ 11:4) እና ደሙ ለፍትሕ የጮኸ ጻድቅ ሰው አድርጎ ይጠቅሰዋል (ማቴ 23:35;ሉቃ 11:51)። የአቤል ደም ደግሞ ከኢየሱስ ደም ጋር ይነጻጸራል፤ የኢየሱስ ደም ግን ከዚህ የተሻለ ነገር ይናገራል (ዕብ 12:24)። አቤል ከሞተ በኋላ አዳምና ሔዋን ሴት የተባለ ሌላ ልጅ ወለዱ።