ትንቢተ ኢሳይያስ 55

55:1-5 የድነት በረከቶች በደስታ ለሚቀበሉአቸው ሁሉ፣ ወደ እነዚያ በረከቶች እንኳን ደህና መጣችሁ። በክርስቶስ ለሁሉም ይበቃል፤ ለእያንዳንዱም ይበቃል:: በዚህ ዓለም ረክተው የሚኖሩና የክርስቶስን ፍላጎት የማይሰማቸው አይጠሙም። ስለ ነፍሳቸው ምንም ጭንቀት የለባቸውም፤ ነገር ግን እግዚአብሔር ጸጋ በሚሰጥበት ቦታ፣ ለእርሱ ጥማትን ይሰጣል፤ ለእርሱም ጥማትን በሰጠበት ቦታ፣ ጥማቱን የሚያረካውን ይሰጣል። ወደ ክርስቶስ ኑ፣ እርሱ የተከፈተ ምንጭ ነውና፣ እርሱ የተመታ ዓለትም ነው። ወደ ቅዱሳን ሥርዓቶች፣ ወደ አምላካችን ከተማ ደስ ወደሚያሰኙት ጅረቶች ኑ። ወደ ፈዋሽ ውኃዎች ኑ፣ ወደ ሕይወት ውኃዎች ኑ፣ ራእይ 22:17። አዳኛችን ይህን ጠቅሶአል፣ ዮሐንስ 7:37። ኑ፣ ግዙ፤ የወንጌልን ጸጋ ለራሳችሁ በመተግበር የራሳችሁ አድርጉት። ኑ፣ ብሉ፤ ከዚህም በላይ የራሳችሁ አድርጉትና ተደሰቱበት። ዓለም ከጠበቅነው በታች ይሆንብናል፤ ቢያንስ ውኃ እናገኛለን ብለን ቃል ብንገባም፣ ተስፋ እንቆርጣለን፤ ነገር ግን ክርስቶስ ከጠበቅነው በላይ ይፈጽማል። ወደ እርሱ እንመጣለን፣ ወይንና ወተትም እናገኛለን። ለእኛ የሚቀርቡልን ስጦታዎች ዋጋ ሊወጣላቸው የማይችሉ ናቸው። የሚቀርቡት ነገሮች አስቀድሞ ተከፍሎባቸዋልና፤ ክርስቶስ በገዛ ደሙ ሙሉ ዋጋ ከፍሎ ስለገዛቸው ነው፣ 1ኛ ጴጥሮስ 1:19። ፍላጎቶቻችን ቁጥር የላቸውም፣ እነርሱንም ለመሙላት ምንም የለንም፤ ክርስቶስና ሰማይ የኛ ከሆኑ፣ ለነጻ ጸጋ ለዘላለም ዕዳ እንዳለብን እንመለከታለን። በትጋት አድምጡ፤ ኩሩ ልብ ይጐንበስ፤ መምጣት ብቻ ሳይሆን፣ የእግዚአብሔርን አቅርቦቶች ተቀበሉ። በዚህ ዓለም ያለው ሀብትና ደስታ ሁሉ ለነፍስ እውነተኛ መጽናናትንና እርካታን አይሰጥም። የሰውነትን ፍላጎት እንኳ አያረኩም፤ ሁሉም ከንቱነትና የነፍስ ጭንቀት ነውና። በዚህ ዓለም የምናገኛቸው ብስጭቶች ወደ ክርስቶስ እንድንመራና እርካታንም በእርሱ ብቻ እንድንፈልግ ይረዱን። ያን ጊዜ እንጂ ከዚያ በፊት አይደለም፣ ለነፍሳችን ዕረፍት እናገኛለን። ስሙ፣ ነፍሳችሁም ትኖራለች።