መጽሐፈ መክብብ 12

AMHEVGአማርኛ14 ጥቅሶች2:20 አዳምጥ

አዳምጥ 2:20 · መደበኛ · አስደናቂ በBiblight ይክፈቱ

1የጭንቀት ቀን ሳይመጣ በጕብዝናህ ወራት ፈጣሪህን አስብ፤ ደስ አያሰኙም የምትላቸውም ዓመታት ሳይደርሱ፤

2ፀሐይና ብርሃን ጨረቃና ከዋክብትም ሳይጨልሙ፥ ደመናትም ከዝናብ በኋላ ሳይመለሱ፤

3ቤት ጠባቆች በሚንቀጠቀጡበት፥ ኃያላን ሰዎችም በሚጎብጡበት፥ ጥቂቶች ሆነዋልና ፈጭታዎች ሥራ በሚፈቱበት፥ በመስኮትም ሆነው የሚመለከቱ በሚጨልሙበት፥ በአደባባይም ደጆቹ በሚዘጉበት ቀን፤

4የወፍጮ ድምፅ ሲላሽ፥ ከወፍ ድምፅ የተነሣ ሰው ሲነሣ፥ ዜማም የሚጮኹ ሴቶች ልጆች ሁሉ ዝግ ሲሉ፤

5ከፍ ያለውን ደግሞ ሲፈሩ፥ ድንጋጤም በመንገድ ላይ ሲሆን፤ ለውዝም ሲያብብ፥ አንበጣም እንደ ሸክም ሲከብድ፥ ፈቃድም ሲጠፋ፤ ሰው ወደ ዘላለም ቤት ሲሄድ፥ አልቃሾችም በአደባባይ ሲዞሩ፤

6የብር ድሪ ሳይበጠስ፥ የወርቅም ኵስኵስት ሳይሰበር፥ ማድጋውም በምንጭ አጠገብ ሳይከሰከስ፥ መንኰራኵሩም በጕድጓድ ላይ ሳይሰበር፥

7አፈርም ወደ ነበረበት ምድር ሳይመለስ፥ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ።

8ሰባኪው፦ “ከንቱ፥ ከንቱ፤ ሁሉ ከንቱ ነው፡” ይላል።

9ሰባኪውም ጠቢብ ስለ ሆነ ለሕዝቡ እውቀትን አስተማረ፤ እርሱም ብዙ ምሳሌዎችን መረመረና ፈላለገ አስማማም።

10ሰባኪው ያማረውን በቅንም የተጻፈውን እውነተኛውን ቃል መርምሮ ለማግኘት ፈለገ።

11የጠቢባን ቃል እንደ በሬ መውጊያ ነው፥ የተሰበሰቡትም ከአንድ እረኛ የተሰጡት ቃላት እንደ ተቸነከሩ ችንካሮች ናቸው።

12ከዚህም ሁሉ በላይ፥ ልጄ ሆይ፥ ተግሣጽን ስማ፤ ብዙ መጻሕፍትን ማድረግ ፍጻሜ የለውም፥ እጅግም ምርምር ሰውነትን ያደክማል።

13የነገሩን ሁሉ ፍጻሜ እንስማ፤ ይህ የሰው ሁለንተናው ነውና፤ እግዚአብሔርን ፍራ፥ ትእዛዙንም ጠብቅ።

14እግዚአብሔር ሥራን ሁሉ የተሰወረውንም ነገር ሁሉ፥ መልካምም ቢሆን ክፉም ቢሆን፥ ወደ ፍርድ ያመጣዋልና።

ማብራሪያ

መክብብ ፲፪፥፩-፯። በፈጣሪያችን ላይ የሰራነውን ኃጢአት ልናስብ፣ ንስሐ ልንገባ፣ ይቅርታንም ልንፈልግ ይገባናል። ግዴታዎቻችንን ልናስታውስ፣ ጸጋንና ኃይልን ከእርሱ እየተጠባበቅን ልንፈጽማቸውም ይገባል። ይህ ደግሞ ገና ቀደም ብለን ሰውነት ጠንካራ ሆኖ ሳለ፣ መንፈስም ሕያውና ንቁ ሆኖ ሳለ መደረግ አለበት። አንድ ሰው በከንቱ ያጠፋውን ሕይወት ሲገመግም የመጸጸት ህመም ሲያገኘው፣ "በእነርሱ ደስታ የለኝም" ብሎ ለመናገር እስኪገደድ ድረስ ኃጢአትንና ዓለማዊ ከንቱነቶችን አለመተዉ የእውነተኛነቱን ጉዳይ እጅግ አጠያያቂ ያደርገዋል።

ከዚያም የእርጅናንና የድካሙን ምሳሌያዊ መግለጫ ይከተላል፤ ይህ አንዳንድ አስቸጋሪ ነገሮች ቢኖሩትም፣ በአጠቃላይ የእርጅና ቀኖች ምን ያህል ደስ የማያሰኙ እንደሆኑ ለማሳየት ትርጉሙ ግልጽ ነው። ቁጥሮች ፪-፭ በአብዛኛው እርጅናን ተከትለው የሚመጡትን ድካሞች ምሳሌያዊ መግለጫ እንደመሆናቸው መጠን፣ ቁጥር ፮ ደግሞ በሞት ሰዓት የሚከሰቱትን ሁኔታዎች ይጠቁማል። ኃጢአት ወደ ዓለም ባይገባ ኖሮ፣ እነዚህ ድካሞች ባልታወቁ ነበር። በእርግጥም እንግዲህ አረጋውያን የኃጢአትን ክፋት ሊያሰላስሉ ይገባል።

መክብብ ፲፪:፰-፲፬ ሰሎሞን ቃሉን ይደግማል፤ “ከንቱ ከንቱ ነው፣ ሁሉም ከንቱ ነው።” እነዚህ የዓለምን ከንቱነት በውድ በተገኘ ልምድ ተነስቶ ሊናገር የሚችል ሰው ቃላት ናቸው፤ ይህም ሰውን ከኃጢአት ሸክም ለማቃለል ምንም ማድረግ አይችልም።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV Remember your Creator in the days of your youth, before the days of trouble come and the years approach when you will s… English BCV ክፉኣት መዓልቲታት እንተይመፃ “ደስ ኣየብሉን” እትብለሉ ዓመታት ከዓ እንተይቀረበ፥ ብመዋእል ጕብዝናኻ ንፈጣሪኻ ዘክሮ። ትግርኛ GAZBIB Barri hamaan utuu hin dhufin, waggoonni ati,“Anatti hin tolan” ittiin jettus utuu hin dhi'aatin, bara dargagummaa keett… Afaan Oromoo BCV GIZ ተዘከሮ ለፈጣሪከ በመዋዕለ ውርዙትከ ዘእንበለ ይምጻእ መዋዕል እኩይ ወይበጽሕ ዓመታተ በእለ ትብል፦ ኢኮነኒ ቦቶን ፈቃድየ። giz GAZGAZ Barri hamaan utuu hin dhufin, waggoonni ati,“Anatti hin tolan” ittiin jettus utuu hin dhi'aatin, bara dargagummaa keett… Afaan Oromoo BCV aksum ክፉኣት መዓልቲታት እንተይመፃ “ደስ ኣየብሉን” እትብለሉ ዓመታት ከዓ እንተይቀረበ፥ ብመዋእል ጕብዝናኻ ንፈጣሪኻ ዘክሮ። ትግርኛ AMHNIV የጭንቀት ጊዜ ሳይመጣ፣ “ደስ አያሰኙኝም” የምትላቸው ዓመታት ሳይደርሱ፣ በወጣትነትህ ጊዜ፣ ፈጣሪህን አስብ። አማርኛ SWAHSUV Mkumbuke Muumba wako siku za ujana wako, Kabla hazijaja siku zilizo mbaya, Wala haijakaribia miaka utakaposema, Mimi si… Kiswahili