1ኛ ጢሞቴዎስ 3

AMHEVGአማርኛ16 ጥቅሶች2:12 አዳምጥ

አዳምጥ 2:12 · መደበኛ · አስደናቂ በBiblight ይክፈቱ

1ማንም ኤጲስ ቆጶስነትን ቢፈልግ መልካምን ሥራ ይመኛል የሚለው ቃል የታመነ ነው።

2እንግዲህ ኤጲስ ቆጶስ እንዲህ ሊሆን ይገባዋል፤ የማይነቀፍ፥ የአንዲት ሚስት ባል፥ ልከኛ፥ ራሱን የሚገዛ፥ እንደሚገባው የሚሰራ፥ እንግዳ ተቀባይ፥ ለማስተማር የሚበቃ፥

3የማይሰክር፥ የማይጨቃጨቅ ነገር ግን ገር የሆነ፥ የማይከራከር፥ ገንዘብን የማይወድ፥

4ልጆቹን በጭምትነት ሁሉ እየገዛ የራሱን ቤት በመልካም የሚያስተዳድር፤

5ሰው ግን የራሱን ቤት እንዲያስተዳድር ባያውቅ፥ የእግዚአብሔርን ቤተ ክርስቲያን እንዴት ይጠብቃታል?

6በትዕቢት ተነፍቶ በዲያቢሎስ ፍርድ እንዳይወድቅ፥ አዲስ ክርስቲያን አይሁን።

7በዲያቢሎስ ነቀፋና ወጥመድም እንዳይወድቅ፥ በውጭ ካሉት ሰዎች ደግሞ መልካም ምስክር ሊኖረው ይገባዋል።

8እንዲሁም ዲያቆናት ጭምቶች፥ በሁለት ቃል የማይናገሩ፥ ለብዙ ወይን ጠጅ የማይጎመጁ፥

9ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል።

10እነዚህም ደግሞ አስቀድሞ ይፈተኑ፥ ከዚያም በኋላ ያለ ነቀፋ ቢሆኑ በዲቁና ሥራ ያገልግሉ።

11እንዲሁም ሴቶች ጭምቶች፥ የማያሙ፥ ልከኞች፥ በነገር ሁሉ የታመኑ ሊሆኑ ይገባቸዋል።

12ዲያቆናት ልጆቻቸውንና የራሳቸውን ቤቶች በመልካም እየገዙ እያንዳንዳቸው የአንዲት ሴት ባሎች ይሁኑ።

13በዲቁና ሥራ በመልካም ያገለገሉ ለራሳቸው ትልቅ ማዕርግና በክርስቶስ ኢየሱስ ባለው እምነት ብዙ ድፍረት ያገኛሉ።

14ፈጥኜ ወደ አንተ እንድመጣ ተስፋ አድርጌ ይህን እጽፍልሃለሁ።

15ብዘገይ ግን፥ በእግዚአብሔር ማደሪያ ቤት መኖር እንዴት እንደሚገባ ታውቅ ዘንድ እጽፍልሃለሁ፤ ቤቱም የእውነት ዓምድና መሠረት፥ የሕያው እግዚአብሔር ቤተ ክርስቲያን ነው።

16እግዚአብሔርንም የመምሰል ምሥጢር ያለ ጥርጥር ታላቅ ነው፤ በሥጋ የተገለጠ፥ በመንፈስ የጸደቀ፥ ለመላእክት የታየ፥ በአሕዛብ የተሰበከ፥ በዓለም የታመነ፥ በክብር ያረገ።

ማብራሪያ

3:1-7 አንድ ሰው የፓስተርነትን አገልግሎት ቢሻ፣ ያም ፍላጎት ከክርስቶስ ፍቅርና ከሰዎች ነፍሳት መፈለግ የተነሣ ከሆነ፣ ራሱንም ለመካድና መከራን ለመቀበል ዝግጁ ሆኖ ራሱን ለዚያ አገልግሎት ቢሰጥ፣ መልካም ሥራን ለመስራት ፈለገ ማለት ነው። ስለዚህም ምኞቱ ሊጸደቅለት ይገባል፣ ለሥራው ብቁ እስከሆነ ድረስ።

አንድ አገልጋይ በሥራው ላይ ነቀፋን እንዳያመጣ ዘንድ በተቻለ መጠን ለነቀፋ ትንሽ ምክንያት መስጠት አለበት። እርሱም በሁሉም ተግባሮቹና ከፍጡር ከሚያገኘው ምቾት አጠቃቀም የተረጋጋ፣ ልከኛና መጠነኛ መሆን አለበት። ንቃትና ጥንቃቄ በመጽሐፍ ቅዱስ ውስጥ አብረው ተጠቅሰዋል፤ እርስ በርሳቸውም ይረዳዳሉ።

የአገልጋዮች ቤተሰቦች ለሌሎች ቤተሰቦች ሁሉ መልካም ምሳሌዎች መሆን አለባቸው። ከትዕቢት መጠንቀቅ አለብን፤ መላእክትን ወደ አጋንንትነት የለወጠ ኃጢአት ነውና። እርሱም በጎረቤቶቹ ዘንድ መልካም ስም ያለው መሆን አለበት፣ ከቀድሞ ሕይወቱም የተነሣ ምንም ነቀፋ የሌለበት።

ታማኝ የሆኑ አገልጋዮችን ሁሉ ለማበረታታት፣ የክርስቶስን የጸጋ ቃል ኪዳን አለን፦ እነሆ፣ እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ, ማቴ 28:20።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV Here is a trustworthy saying: If anyone sets his heart on being an overseer, he desires a noble task. English BCV ኤጲስ ቆጶስ ክሽየም ዝደሊ “ሰናይ ነገር ይምነ” ዝብል ቃል፥ ሓቂ እዩ። ትግርኛ GAZBIB ?Namni ilaaltuu hojii waldaa kristiiyaanaa ta'uu fedhu, hojii ba'eessa hawwa? inni jedhu dubbii amanamaa dha. Afaan Oromoo BCV GIZ እሙን ነገር ዘይፈቅድ ይሠየም ጳጳሰ፣ ሠናየ ግብረ ፈተወ። giz GAZGAZ ?Namni ilaaltuu hojii waldaa kristiiyaanaa ta'uu fedhu, hojii ba'eessa hawwa? inni jedhu dubbii amanamaa dha. Afaan Oromoo BCV aksum ኤጲስ ቆጶስ ክሽየም ዝደሊ “ሰናይ ነገር ይምነ” ዝብል ቃል፥ ሓቂ እዩ። ትግርኛ AMHNIV “ማንም ኤጲስቆጶስነትን ቢፈልግ፣ መልካም ሥራን ይመኛል” የሚለው ቃል የታመነ ነው። አማርኛ SWAHSUV Ni neno la kuaminiwa; mtu akitaka kazi ya askofu, Kiswahili