1ኛ ቆሮንቶስ 4

AMHEVGአማርኛ21 ጥቅሶች3:05 አዳምጥ

አዳምጥ 3:05 · መደበኛ · አስደናቂ በBiblight ይክፈቱ

1እንዲሁ ሰው እኛን እንደ ክርስቶስ ሎሌዎችና እንደ እግዚአብሔር ምሥጢር መጋቢዎች ይቍጠረን።

2እንደዚህም ሲሆን፥ በመጋቢዎች ዘንድ የታመነ ሆኖ መገኘት ይፈለጋል።

3ነገር ግን በእናንተ ዘንድ ወይም በሌላ ሰው ዘንድ ብፈረድ ለእኔ ምንም አይደለም፤ እኔም በራሴ እንኳ አልፈርድም፤

4በራሴ ላይ ምንም አላውቅምና፥ ነገር ግን በዚህ አልጸድቅም፤ እኔን የሚፈርድ ግን ጌታ ነው።

5ስለዚህም በጨለማ የተሰወረውን ደግሞ ወደ ብርሃን የሚያወጣ የልብንም ምክር የሚገልጥ ጌታ እስኪመጣ ድረስ ጊዜው ሳይደርስ አንዳች አትፍረዱ፤ በዚያን ጊዜም ለእያንዳንዱ ምስጋናው ከእግዚአብሔር ዘንድ ይሆናል።

6ወንድሞች ሆይ፥ ስለ አንዱ በአንዱ ላይ አንዳችሁም እንዳይታበዩ፦ “ከተጻፈው አትለፍ” የሚለውን በእኛ ትማሩ ዘንድ፥ ይህን በእናንተ ምክንያት ስለ ራሴና ስለ አጵሎስ እንደ ምሳሌ ተናገርሁ።

7አንተ እንድትበልጥ ማን አድርጎሃል? ያልተቀበልኸውስ ምን አለህ? የተቀበልህ ከሆንህ ግን እንዳልተቀበልህ የምትመካ ስለ ምንድር ነው?

8አሁን ጠግባችኋል፤ አሁንስ ባለ ጠጎች ሆናችኋል፤ ያለ እኛ ነግሣችኋል፤ እኛ ደግሞ ከእናንተ ጋር እንድንነግሥ ብትነግሡ መልካም ይሆን ነበር።

9ለዓለም ለመላእክትም ለሰዎችም መጫወቻ ሆነናልና፤ እግዚአብሔር እኛን ሐዋርያቱን ሞት እንደ ተፈረደባቸው ሰዎች ከሁሉ ይልቅ የኋለኞች እንዳደረገን ይመስለኛልና።

10እኛ ስለ ክርስቶስ ሞኞች ነን እናንተ ግን በክርስቶስ ልባሞች ናችሁ፤ እኛ ደካሞች ነን እናንተ ግን ኃይለኞች ናችሁ፤ እናንተ የከበራችሁ ናችሁ እኛ ግን የተዋረድን ነን።

11እስከዚህ ሰዓት ድረስ እንራባለን፥ እንጠማለን፥ እንራቆታለን፥ እንጐሰማለን፥ እንንከራተታለን፥

12በገዛ እጃችን እየሠራን እንደክማለን፤ ሲሰድቡን እንመርቃለን፥ ሲያሳድዱን እንታገሣለን፥ ክፉ ሲናገሩን እንማልዳለን፤

13እስከ አሁን ድረስ የዓለም ጥራጊ የሁሉም ጉድፍ ሆነናል።

14እንደምወዳችሁ ልጆቼ አድርጌ ልገሥጻችሁ እንጂ ላሳፍራችሁ ይህን አልጽፍም።

15በክርስቶስ አእላፍ ሞግዚቶች ቢኖሩአችሁ ብዙ አባቶች የሉአችሁም እኔ በክርስቶስ ኢየሱስ በወንጌል ወልጄአችኋለሁና።

16እንግዲህ እኔን የምትመስሉ ሁኑ ብዬ እለምናችኋለሁ።

17ስለዚህ የምወደውንና የታመነውን በጌታ ልጄ የሆነውን ጢሞቴዎስን ልኬላችኋለሁ፥ እኔም በየስፍራው በአብያተ ክርስቲያናት ሁሉ እንደማስተምር በክርስቶስ ኢየሱስ የሚሆነውን መንገዴን እርሱ ያሳስባችኋል።

18አንዳንዱ ግን ወደ እናንተ የማልመጣ እየመሰላቸው የታበዩ አሉ፤

19ነገር ግን ጌታ ቢፈቅድ ፈጥኜ ወደ እናንተ እመጣለሁ፥ የትዕቢተኞችንም ኃይል አውቃለሁ እንጂ ቃላቸውን አይደለም፤

20የእግዚአብሔር መንግሥት በኃይል ነው እንጂ በቃል አይደለምና።

21ምን ትወዳላችሁ? በበትር ወይስ በፍቅርና በየውሃት መንፈስ ልምጣባችሁን?

ማብራሪያ

4:1-6

ሐዋርያት ከክርስቶስ አገልጋዮች የዘለሉ አልነበሩም፤ ነገር ግን ሊናቁ አይገባቸውም ነበር። ታላቅ አደራ ነበራቸውና በዚህም ምክንያት የተከበረ አገልግሎት ነበራቸው። ጳውሎስ ስለ መልካም ስሙ ተገቢ የሆነ ስጋት ነበረው፤ ነገር ግን ሰዎችን ለማስደሰት በዋናነት የሚፈልግ ሰው የክርስቶስ ታማኝ አገልጋይ ሆኖ እንደማይገኝ ያውቅ ነበር። ሰዎች የመጨረሻ ዳኛዎቻችን እንዳይሆኑ ማወቁ መጽናናት ነው። ራሳችንን መልካም አድርገን መፍረዳችን ወይም ራሳችንን ማጽደቃችን፣ ደህንነታችንንና ደስታችንን አያረጋግጥልንም። የራሳችን ፍርድ ታማኝነታችንን በተመለከተ ሊታመንበት አይገባም፤ ልክ የራሳችን ስራ ለጽድቃችን እንደማይጠቅመን ሁሉ ነው። የሚመጣ ቀን አለ፤ የሰዎችን ስውር ኃጢአት በግልጥ የሚያወጣ፣ የልባቸውንም ምስጢር የሚገልጥ። ያን ጊዜ የተሰደበ እያንዳንዱ አማኝ ይጸድቃል፤ እያንዳንዱ ታማኝ አገልጋይም ተቀባይነት አግኝቶ ይሸለማል። የእግዚአብሔር ቃል ሰዎችን የምንፈርድበት ምርጥ መመሪያ ነው። ትዕቢት አብዛኛውን ጊዜ የክርክር መሰረት ነው። ራስን ከልክ በላይ ማሰብ ለአስተማሪዎቻችን ከልክ ያለፈ ግምት እንዲኖረን ያደርጋል፤ ለራሳችንም እንደዚሁ። ሁሉም በእግዚአብሔር የሚገለገሉ መሳሪያዎች እንደሆኑና በእርሱም በተለያዩ ተሰጥኦዎች እንደተሰጡን ካስታወስን፣ አንዱ በሌላው ላይ አንንተፋፋም።

4:7-13

የምንኮራበት ምንም ምክንያት የለንም፤ መልካም የሆነው ነገር ሁሉ፣ ያለን፣ ያለነው ወይም የምናደርገው ሁሉ የእግዚአብሔር ነጻና ከበረ ጸጋ የተነሳ ነው። በሉዓላዊ ጸጋ ብቻ ከጥፋት የተነጠቀ ኃጢአተኛ፣ በእግዚአብሔር ነጻ ስጦታዎች የሚመካ ከሆነ፣ እጅግ በጣም የማይረባና ወጥነት የሌለው ይሆናል።

ቅዱስ ጳውሎስ የራሱን ሁኔታ በቁጥር 9 ያብራራል።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV So then, men ought to regard us as servants of Christ and as those entrusted with the secret things of God. English BCV እምበኣር ሰብ፥ ንኣና ኸም ኣገልገልቲ ክርስቶስን ከም መገብቲ ምስጢራት እግዚኣብሄርን፥ ገይሩ ይቝፀረና። ትግርኛ GAZBIB Namoonni akka hojjetoota Kristositti, akka warra hojii dhoksaa Waaqayyoo adeemsisuun itti kennametti, nu lakkaa'uun in … Afaan Oromoo BCV GIZ ከመዝኬ የኀሊ ሰብእ በእንቲአነ ከመ አግብርተ ክርስቶስ ንሕነ ወከመ መገብተ ሥርዐቱ ለእግዚአብሔር። giz GAZGAZ Namoonni akka hojjetoota Kristositti, akka warra hojii dhoksaa Waaqayyoo adeemsisuun itti kennametti, nu lakkaa'uun in … Afaan Oromoo BCV aksum እምበኣር ሰብ፥ ንኣና ኸም ኣገልገልቲ ክርስቶስን ከም መገብቲ ምስጢራት እግዚኣብሄርን፥ ገይሩ ይቝፀረና። ትግርኛ AMHNIV እንግዲህ ሰው ሁሉ እኛን እንደ ክርስቶስ አገልጋዮችና እንደ እግዚአብሔር ምስጢር ባለ ዐደራዎች ሊቈጥረን ይገባል። አማርኛ SWAHSUV Mtu na atuhesabu hivi, kuwa tu watumishi wa Kristo, na mawakili wa siri za Mungu. Kiswahili