1ffaa Qorontos 4

GAZGAZAfaan Oromoo21 Keeyyattoota3:48 Dhaggeeffadhu

Dhaggeeffadhu 3:48 · Diraamaawaa Biblight keessatti bani

1Namoonni akka hojjetoota Kristositti, akka warra hojii dhoksaa Waaqayyoo adeemsisuun itti kennametti, nu lakkaa'uun in ta'a.

2Warra hojii adeemsisan irraa immoo amanamummaatu barbaadama.

3Inni isin anatti faraddan yookiis inni yaa'iin namaa anatti faradu, anaaf homaa miti, anis ofii kootti iyyuu hin faradu.

4Ani waan tokko iyyuu of irratti hin qeeqqadhu; garuu kanaan, ?Yakka hin qabu jedhamee anaaf faradame? jechuu koo miti, gooftaatu anatti farada jechuu koo ti malee.

5Kanaafis yeroon utuu hin ga'in, gooftaan utuu hin dhufin isin hin faradinaa! Innoo waan dukkana keessa dhokatee jiru ifatti, yaada garaa namaas bakkeetti in baasa; gaafas adduma addaan Waaqayyo biraa galata argachuuf jiru.

6Yaa obboloota ko! Ammas isiniif jedhee kana hundumaa Apholosii fi ofii kootti fakkeesse dubbadheera; jecha isa, ?Wanta caaffanni qulqullaa'aan jedhu gara irraa hin darbinaa!? jedhamee isin gidduutti beekame nu irratti akka ilaaltaniif, nama tokkoonis isa kaan irratti akka isin of hin janyeefan nu lamaan fakkeenya godhe.

7Warra kaan irratti immoo eenyutu caalmaa siif kenne? Waan Waaqayyo siif hin kennin maalfaa qabda ree? Isa irraa fudhatte erga ta'ee immoo, maaliif akka waan kennaa hin ta'iniitti ittiin of jajja ree?

8Ammas isin guutattaniittu! Sooromtaniittu! Nuyi malee, isin dur mootota taatan! Nuyis isinii wajjin mootota akka taanutti, utuu dhuguma mootota taatanii iyyuu nan jaalladhan ture.

9Akka anatti fakkaatutti garuu, Waaqayyo nuun ergamoota, akka warra tuuta namootaa keessatti ajjeefamuun itti faradametti namaa gad nu godhe; nuyi ergamoota waaqa irraa fi namoota biyya lafaafis ilaalchaaf taaneerra.

10Nuyi sababii Kristosiif gowwoota; isin garuu Kristosiin ogeessota; nuyi dadhaboo dha, isin garuu jaboo dha, nuyi tuffatamoo dha, isin garuu jajamoo dha.

11Hamma ammaatti nuyi in beelofna, in dheebonnas; moofaa uffanna, in reebamna, hojiidhaafis asii fi achi in joorra.

12Harka keenyaan hojjechuudhaan itti dadhabna; yeroo nu abaaran in eebbifna, yeroo nu ari'atanis obsaan in dandeenya;

13yeroo nu arrabsanis deebii gaarii in deebifna; nuyi kosii biyya lafaa taaneerra, ammas nuyi saphaphuu lafaa ti.

14Kanas akka ijoollee koo warra jaallatamootti isin gorsuudhaaf malee, isin yeellaasisuudhaafan caafa miti.

15Karaa Kristos guddisee kuma baay'ee yoo qabaattan iyyuu, abboota baay'ee hin qabdan; ani wangeela isin barsiisuu kootiin, karaa Kristos Yesus, abbaa keessan ta'eera.

16Kanaaf fakkeenya koo akka fudhattaniifan isin kadhadha.

17Sababii kanaaf Ximotewosin gara keessanitti erguu koo ti. Inni karaa gooftaa, ilma koo isa jaallatamaa dhaa fi isa amanamaa dha; inni Kristositti karaa ani itti jiraadhu, isa ani isin barsiise waldaa kristiiyaanaa hundumaatti barsiisaa jirus, isin in yaadachiisa.

18Isin keessaa kaan akka waan ani dhufee isin hin argineetti lakkaa'anii, of bokoksuutti ka'an.

19Amma garuu jaalala gooftaa yoo ta'e, dafee gara keessan nan dhufa; waan warri of bokoksan kun dubbatan utuu hin ta'in, waan isaan gochuu danda'anis ofii kootii nan ilaala.

20Mootummaan Waaqayyoo mootummaa humni Waaqayyo itti hojjetu malee, mootummaa dubbii waa'ee hin baafne itti dubbatan miti.

21Egaa maal barbaaddu? Ulee fudhadhee isinitti dhufu moo yookiis jaalalaa fi hafuura garaamummaatiin isinitti dhufu?

Ibsa

4:1-6

Ergamaan Kiristoosif tajaajiltoota qofa turan malee, isaan xiqqaatanii hin ilaalamne. Amananta guddaa qaban, sababa kanaanis hojii ulfina qabu turan. Phaawuloos maqaa gaarii ofii isaaf dhimma qabeessa ture; garuu nama gammachiisuuf kan murteessaa xiyyeeffatu, tajaajilaa Kiristoos amanamoo ta'uu isaa hin agarsiisu ture. Namoonni abbootii firdii keenya kan dhumaa akka hin taane beekuun jajjabina dha. Ofii keenya gaariitti ilaaluun yookiin of qajeelcha gochuun qofti kan nu nagaa fi gammachuu qabnu akka taanu hin mirkaneessu. Amanamummaa keenyaaf murtii keenya mataa keenyaatiin amanachuun hin danda'amu, akkuma qajeelcha keenyaaf hojii keenya mataa keenyaatiin amanachuun hin danda'amne.

Guyyaan tokko ni dhufa, kan cubbuu namootaa kan dhokataa ifatti baasu, akkasumas iccitii garaa isaanii kan mul'isu. Sana booda, amantoonni hunduu kan hamataman ni qajeelfamu, akkasumas tajaajilaa amanamaan hunduu ni fudhatamuufi ni badhaafamu. Dubbiin Waaqayyoo namoota ilaalchisee ittiin faraduuf ulaagaa isa gaarii dha. Of tuulummaan yeroo baay'ee bu'uura walitti bu'iinsaati. Of jajuun barsiisota keenyaafis ta'e ofii keenyaaf ulfina hin malle akka uumu gumaacha godha. Hunduu meeshaalee Waaqayyoof tajaajilan, akkasumas Inni kennaalee adda addaatiin isaan dandeessise ta'uu isaanii yoo yaadanne, walitti hin of tuulunu.

4:7-13

Of jajuuf sababii tokko hin qabnu; wanti gaariin hundinuu, kan nu qabnu, kan taane yookiin kan hojjennu, ayyaana Waaqayyoo isa bilisaa fi badhaadhaa irraa kan ta'e dha. Cubbamtoonni, badiisa irraa ayyaana Waaqayyoo isa gooftummaa qabu duwwaadhaan harkifaman, yoo kennaa Waaqayyoo isa bilisa ta'etti of jajan, baay'ee nama ajaa'iba fi wal hin simne ta'uu qabu. Phaawuloos qulqulluun haala isaa ibsa, lak. 9.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG እንዲሁ ሰው እኛን እንደ ክርስቶስ ሎሌዎችና እንደ እግዚአብሔር ምሥጢር መጋቢዎች ይቍጠረን። አማርኛ ENGNIV So then, men ought to regard us as servants of Christ and as those entrusted with the secret things of God. English BCV እምበኣር ሰብ፥ ንኣና ኸም ኣገልገልቲ ክርስቶስን ከም መገብቲ ምስጢራት እግዚኣብሄርን፥ ገይሩ ይቝፀረና። ትግርኛ GAZBIB Namoonni akka hojjetoota Kristositti, akka warra hojii dhoksaa Waaqayyoo adeemsisuun itti kennametti, nu lakkaa'uun in … Afaan Oromoo BCV GIZ ከመዝኬ የኀሊ ሰብእ በእንቲአነ ከመ አግብርተ ክርስቶስ ንሕነ ወከመ መገብተ ሥርዐቱ ለእግዚአብሔር። giz BCV aksum እምበኣር ሰብ፥ ንኣና ኸም ኣገልገልቲ ክርስቶስን ከም መገብቲ ምስጢራት እግዚኣብሄርን፥ ገይሩ ይቝፀረና። ትግርኛ AMHNIV እንግዲህ ሰው ሁሉ እኛን እንደ ክርስቶስ አገልጋዮችና እንደ እግዚአብሔር ምስጢር ባለ ዐደራዎች ሊቈጥረን ይገባል። አማርኛ SWAHSUV Mtu na atuhesabu hivi, kuwa tu watumishi wa Kristo, na mawakili wa siri za Mungu. Kiswahili