Biblight keessatti bani

Zakaariyaas 5

GAZBIBAfaan Oromoo11 Keeyyattoota2:49 Dhaggeeffadhu
Dhaggeeffadhu 2:49 · Idilee · Diraamaawaa Biblight keessatti bani

1Ani ammas yommuun ilaale, kunoo macaafni maramu tokko utuu balali'uu nan arge;

2ergamichi immoo,“Inni ati argitu kun maali?” jedhee na gaafate; ani immoo,“Macaafni maramu dheerinni isaa dhundhuma digdama, bal'inni isaa dhundhuma kudhan ta'e tokko utuu balali'uu nan arga” jedhee nan deebiseef.

3Inni immoo,“Kun abaarsa isa guutummaa biyya lafaatti dhufuu dha; cinaacha caaffatichaa isa gar-tokko irratti,“Namni hatu hundinuu raawwatee in bada?; cinaacha caaffatichaa isa gara kaanii irratti immoo “Namni sobaan kakatu hundinuu raawwatee in bada” kan jedhutu jira.

4Waaqayyo gooftaan maccaa,“Ani abaarsa nan erga; inni mana isa hatu sanaa, mana isa maqaa kootiin sobee kakatu sanaas in lixa; mana isaa keessatti hafes manicha, muka isaa, dhagaa isaas in balleessa” jedha” jedhe.

5Ergasiis ergamichi inni anaa wajjin dubbachaa ture sun dhufee,“Ol ilaali! Inni amma mul'atu kun maal inni?” naan jedhe.

6Ani immoo,“Maal inni?” jedhee isa nan gaafadhe; innis,“Kun quunnaa safaraa ti, kun yakka saba guutummaa biyya lafaa ti” jedhee anaaf in deebise.

7Kunoo qadaaddiin quunnaa safaraa inni dilalii irraa hojjetame sun yommuu baname, dubartiin tokko quunnaa safaraa sana keessa teessee in argamte.

8Ergamichis,“Isheen kun jal'ina” jedhe, ishee immoo quunnaa safaraa sana keessatti gad ishee cuuka'ee, qadaaddii isaa immoo gad itti deebisee jabeessee in qadaade.

9Ergasiis yommuun ol ilaale, dubartoota qoochoo isaanii jalaa qilleensa qaban lama fuula koo duratti nan arge; qoochoon isaanii akka qoochoo allaattii hawaannisaa ti; isaan quunnaa safaraa sana fuudhanii qilleensa keessa balali'anii in sokkan.

10Ani immoo kana irrattan ergamicha isa anatti dubbachaa ture sana,“Quunnaa safaraa kana eessatti geessu?” jedhee gaafadhe.

11Inni immoo deebisee,“Quunnaa safaraa sana gara biyya Baabilonitti in geessu; mana ijaaraniifii, yommuu inni qophaa'u achi keessa in kaa'u” naan jedhe.

Ibsa

5:1-4

Kitaabni Qulqulluun Kakuu Moofaa fi Kakuu Haaraa maramoota dha, kan Waaqayyo waan guddaa seera isaa fi wangeela isaa keessatti barreesse. Isaan maramoota balali'oo dha. Dubbiin Waaqayyo baay'ee saffisaan fiiga, Faarfannaa 147:15. Maramoon balali'aan kun ibsa dallansuu Waaqayyo isa qajeelaa cubbamoota irratti jiru of keessaa qabata. Yaa namana, utuu nu ija amantii keenyaan ilaalleerra ta'ee, maramoo abaarsa Waaqayyo isa balali'aa sana, addunyaa yakkaan guutamte sana irratti akka duumessa furdaa tokkootti fannifamee jiruu, isa dhahaa aduu ayyaana Waaqayyo qofa hin dhoowwanne, garuu bakakkaa, qaqawwee fi bubbee guddaa of keessaa qabatee, isaan balleessuuf qophaa'ee jiru! Ergaa Fayyisaa dhageettiin isaa akkam nama gammachiisaa ta'a, isa abaarsa seeraa irraa nu furuuf dhufe, inni mataan isaa nuuf abaarsa ta'uudhaan! Cubbuun manaafi maatii balleessaa dha; keessumaa namoota miidhuun fi soba dhugaa ba'uun. Humni dallansuu Waaqayyo eenyu beeka? Abaarsi Waaqayyo cufaa yookiin qoriidhaan dhaabuu hin danda'amu.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ተመልሼም ዓይኖቼን አነሣሁ፥ እነሆም፥ አንድ በራሪ የመጽሐፍ ጥቅልል አየሁ። አማርኛ ENGNIV I looked again–and there before me was a flying scroll! English BCV መሊሰውን ኣዒንተይ ኣልዓልኩ፤ እንሆ ኸዓ፥ እትነፍር ጥቕልልቲ መፅሓፍ ረአኹ። ትግርኛ BCV GIZ ወካዕበ ተመየጥኩ ወርኢኩ ማዕፅደ ዘይሰርር። giz GAZGAZ Ani ammas yommuun ilaale, kunoo macaafni maramu tokko utuu balali'uu nan arge; Afaan Oromoo BCV aksum መሊሰውን ኣዒንተይ ኣልዓልኩ፤ እንሆ ኸዓ፥ እትነፍር ጥቕልልቲ መፅሓፍ ረአኹ። ትግርኛ AMHNIV እንደ ገናም ተመለከትሁ፤ በዚያም በፊቴ በራሪ የመጽሐፍ ጥቅልል አየሁ። አማርኛ SWAHSUV Basi, nikainua macho yangu tena, nikaona, na tazama, gombo la chuo lirukalo. Kiswahili