Biblight keessatti bani

Lewwoota 8

GAZBIBAfaan Oromoo36 Keeyyattoota7:04 Dhaggeeffadhu
Dhaggeeffadhu 7:04 · Idilee · Diraamaawaa Biblight keessatti bani

1Waaqayyo ammas Museedhaan,

2“Aaronin, ilmaan isaa, uffata, dhadhaa dibataa, tuntunoo aarsaa sababii cubbuutiif dhi'aatuuf korbeeyyii hoolaa sana lamaan gundoo isa buddeena hin bukaa'in baatuu wajjin fidi!

3Waldaas guutummaatti balbala dunkaana itti wal ga'anii duratti walitti qabi!” jedhe.

4Museenis akkuma Waaqayyo isa abboome godhe; waldaanis balbala dunkaana itti wal ga'anii duratti walitti in qabame.

5Kana booddee Museen waldichaan,“Wanti Waaqayyo abboome kanatti fufee jira” jedhe.

6Museen yommus Aaronii fi ilmaan isaa fidee bishaaniin dhagna isaan dhiqe.

7Aaronitti kittaa uffisee, mudhii isaattis sabbata hidhee, qoloo, dirata fuula duraa itti diree, hidhata diraticha isa warri harka-toleyyiin dha'aniin, diraticha jabeessee itti in hidhe.

8Qomee akka gaachanaa itti uffisee, korojoo qomee sanaa keessa immoo uriimii fi tumiimin kaa'e.

9Akkuma Waaqayyo isa abboometti marata mataa isaatti maree, gonfoo qullaa'aa isa wanta akka daraaraa warqee irraa hojjetame, marata sana irratti gara fuula duraatiin in qabsiise.

10Yommus Museen dhadhaa dibataa fuudhee, dunkaana itti wal ga'anii fi waan isa keessa jiru hundumaa dibee isaan qulqulleessee,

11dhadhaa dibataa sana irraa si'a torba iddoo aarsaatti in facaase; iddoo aarsaa fi mi'a isaa hundumaa, waciitii isaa fi jaliitii isaas qulleessuudhaaf in dibe.

12Aaronin qulleessuudhaaf dhadhaa dibataa irraa mataa isaa irratti dhangalaasee isa in dibe.

13Yommus inni akkuma Waaqayyo isa abboometti ilmaan Aaron fidee kittaa itti uffisee, mudhii isaaniitti sabbata hidhee, maratas mataa isaaniitti in mare.

14Museen kana booddee immoo tuntunoo aarsaa sababii cubbuutiif dhi'aatu in fide; Aaronii fi ilmaan isaa immoo harka isaanii mataa tuntunicha aarsaa sababii cubbuutiif dhi'aate irra in kaa'an.

15Inni tuntunicha qalee, dhiiga tuntunichaa fuudhee, quba isaatiin gaanfota iddoo aarsaa irra jiranitti naannessee dibee, iddoo aarsaa sana qulleessee dhiiga isa hafes immoo miiloo iddoo aarsaa irratti dhangalaasee, isa irratti araara buusuudhaaf isa in qulleesse.

16Akkasuma immoo moora mi'a garaa hundumaa fi moora tiruu, kalee lamaanii fi moora kalee irra jiru fuudhee iddoo aarsaa irratti gubee aarse.

17Gogaadhaa fi foon tuntunichaa garuu cumaa isaa wajjin akkuma Waaqayyo isa abboometti iddoo buufataa keessaa ala baasee ibiddaan gube.

18Inni itti fufee korbeessa hoolaa isa qalma gubamuuf dhi'aatu sana in fide; Aaronii fi ilmaan isaa immoo harka isaanii mataa korbeessichaa irra in kaa'an.

19Yommus Museen korbeessicha gorra'ee, dhiigicha iddoo aarsaatti naannessee in facaase.

20Kana booddees korbeessicha bu'aa bu'aa isaatti kukkutee, mataa korbeessichaa fi isa bu'aa bu'aa isaatti kukkutame moora isaa gubee in aarse.

21Many'eewwan isaa fi mi'a garaa isaa bishaaniin in miice; Museen akkuma Waaqayyo isa abboometti korbeessicha guutummaatti iddoo aarsaa irratti gubee in aarse; kun Waaqayyoof qalma gubamu, foolii garaa ciibsu isa ibiddaan gubamee dhi'aatuu dha.

22Kana booddee immoo Museen korbeessa hoolaa tokko aarsaa ittiin luboomaniif in fide; Aaronii fi ilmaan isaa immoo harka isaanii mataa korbeessichaa irra in kaa'an.

23Museen immoo korbeessicha gorra'ee dhiiga isaa irraa fuudhee, fiixee gurra Aaron isa mirgaa, abgudduu harka isaa isa mirgaa, abgudduu miilla isaa isa mirgaa ittiin tuqe.

24Ilmaan Aaronis fidee dhiigicha irraa fuudhee, fiixee gurra isaanii isa mirgaa, abgudduu harka isaanii isa mirgaa, abgudduu miilla isaanii isa mirgaas ittiin tuqe; dhiiga isa hafes iddoo aarsaatti naannessee in facaase.

25Moora, cooma duboo, moora mi'a garaatti uffisu hundumaa, moora tiruu, kalee lamaan moora kalee irra jiruu wajjin, luka mirgaas fuudhee,

26gundoo isa Waaqayyo dura jiru isa buddeena hin bukaa'in baatu irraa, maxinoo tokko, bixxillee dhadhaadhaan tolfame tokko, maxinoo haphii tokkos fuudhee luka isa mirgaa irra mooricha gubbaa kaa'e;

27guutummaa isaas harka Aaronii fi harka ilmaan isaa irra kaa'ee, aarsaa sochoofamuuf fuula Waaqayyo duratti isaan in sosochoose.

28Kana booddee deebisee isaan harkaa fuudhee, iddoo aarsaa irratti qalma gubatuu wajjin Waaqayyoof gubee in aarse; kun aarsaa isa ittiin lubooman, isa fooliin isaa garaa ciibsu, isa ibiddaan gubamee Waaqayyoof dhi'aatuu dha.

29Ergasii Museen akkuma Waaqayyo isa abboometti handaraafa korbeessa hoolaa aarsaa ittiin lubooman sanaa fuudhee aarsaa sochoofamuuf fuula Waaqayyoo duratti in sosochoose; innis ga'aa Musee in ta'e.

30Museen itti fufee dhadhaa dibataa irraa, dhiiga iddoo aarsaa irra jiru irraas waa fuudhee, Aaronitti, uffata isaatti, ilmaan isaatti, uffatas isaaniitti in facaase; akkasitti Aaronin, uffata isaas, ilmaan Aaron, uffata isaaniis in qulleesse.

31Museen yommus Aaronii fi ilmaan isaatiin,“Foonicha balbala dunkaana itti wal ga'anii duratti affeelaa! Akkuma Waaqayyo abboometti, foonichaa fi buddeena isa kennaa yeroo luboomaniif dhi'aatee, gundoo keessa jiru sana achumatti nyaadhaa!

32Foonichaa fi buddeenicha isa hafe immoo ibiddaan gubaa!

33Seera lubumaa isiniif raawwachuun guyyaa torba waan fudhatuuf, isin hamma guyyaan seera luboomuu keessanii isiniif raawwatamutti, guyyaa torban sana balbala dunkaana itti wal ga'anii duraa hin adeeminaa!

34Wanti har'a godhame kun isa Waaqayyo isiniif araarsuudhaaf“Haa godhamu!” jedhee abboomee dha.

35Hamma guyyaa torbaatti halkanii fi guyyaa balbala dunkaana itti wal ga'anii duraa hin adeeminaa! Waaqayyo biraa akkan abboommii argadhetti isin akka hin duuneef achitti wanta Waaqayyo isin irraa barbaadu hojjedhaa!” jedhe.

36Aaronii fi ilmaan isaa wanta Waaqayyo karaa Musee isaan abboome hundumaa in hojjetan.

Ibsa

8:1-13

Eebbisuun (Qulqulleessuun) Aaroniifi ilmaan isaa, Dunkaanni Qulqullinaa qophaa’ee seeronni aarsaa kennamanii xumuramanitti duubatti harkifamee ture. Aaroniifi ilmaan isaa, fedhiiwwan cubbuu hundumaa irraa of qulqulleessuufi akkasumas bara baraan qulqullummaan of eeguu akka qaban agarsiisuuf, bishaanan dhiqaman. Kiristoos warra inni moototaafi luboota Waaqayyo keenyaaf godhu, cubbuu isaanii irraa dhiiga isaatiin dhiqa (Mul 1:5,6); warri Waaqayyotti dhihaatanis bishaan qulqulluudhaan dhiqamuu qabu (Ibr 10:22). Dibamni Aaroniif godhame, dibata Kiristoosiif Hafuura Qulqulluudhaan godhame, kan Kiristoosiif safaraadhaan hin kennamne sanaaf fakkii ture. Amantootni hundumtuu dibata fudhataniiru.

Boqonnaa 8

Boqonnaan kun Aaronii fi ilmaan isaa hojii lubummaa isaaniif qulqulleessuu isaanii sirnaan nuuf ibsa.

I.

Kun ifatti raawwatame, waldaanis ragaa ta'uuf walitti waamame (Lakk. 1-4).

II.

Wanti kun akkuma ajaja Waaqayyoo sirriitti raawwatame (Lakk. 5).

1.

Isaan dhiqamanii uffifaman (Lakk. 6-9, 13).

2.

Dunkaanni qulqulluun fi meeshaaleen isaa dibaman, sana booda luboonni dibaman (Lakk. 10-12).

3.

Isaanif aarsaan cubbuu dhiheeffame (Lakk. 14-17).

4.

Aarsaan gubamu (Lakk. 18-21).

5.

Hoolaan qulqulleessuu (Lakk. 22-30).

6.

Sirni kun guyyaa torbaaf itti fufe (Lakk. 31, kkf.).

Lakk. 1-13

Waaqayyo yeroo jalqabaaf Tulluu Siinaa irratti Musee wajjin turetti, Aaronii fi ilmaan isaa hojii lubummaa isaaniif akka qulqulleessu Museetti ajaja kenneera (Ba'uu 28 fi 29), achitti akkamitti akka raawwatuuf qajeelfama addaa kenneefis ni qabna. Amma asitti ni qabna:

I.

Ajajoonni irra deebi'aman. Wanti achitti akka raawwatamu ajajame amma asitti akka raawwatamu ajajameera (Lakk. 2, 3). Dunkaanni qulqulluun haaraa dhaabamee ture; inni luboota malee akka ibsaa ibsaa hin qabneetti ta'a ture. Seerri aarsaa ilaalchisee haaraa kennamee ture, garuu luboota malee eegamuu hin danda'u ture; Aaronii fi ilmaan isaa hojiif filatamanii turanillee, hanga qulqullaa'anitti hojjechuu hin danda'an turan. Kunis garuu hanga bakki tajaajila isaanii qophaa'utti, fi seerri dhaabamutti raawwatamuu hin qabu ture, akkasumas yeroo qulqullaa'anitti battalumatti hojiitti akka seenan, akkasumas ulfinaaf qofa osoo hin taane, hojii lubummaa isaaniif akka muudaman akka beekan. Aaronii fi ilmaan isaa Museef firoota dhihoo turan, kanaafis ulfina maatii isaatti fiduuf baay'ee ariifataa akka hin fakkaanneef, hanga ajaja dabalataa argatutti isaan hin qulqulleessine.

II.

Waldaan balbalatti, jechuunis, mooraa dunkaana qulqulluu keessatti walitti waamame (Lakk. 4). Maanguddoonni fi namoonni gurguddoon waldaa, kanneen ummata bakka bu'an, akka argaman waamamaniiru; sababiin isaas mooraan kumaatama Israa'elootaa keessaa muraasa qofa qabachuu danda'a ture. Kun ifatti raawwatame,

1.

Sababiin isaas Waaqayyo fi Israa'el gidduutti dhimma sirna qabeessa ture; luboonni dhimmoota Waaqayyoo wajjin wal qabatan keessatti namootaaf muudamuu turan, qunnamtii dhaabbataa eeguuf, akkasumas dhimmoota hundumaa ummataa fi Waaqayyo gidduutti raawwachuuf; kanaafis, balbala dunkaana walga'ii irratti, ajaja kana fudhachuuf gama lamaanuu mul'achuun sirrii ture.

2.

Warri sirna kana daawwatan, arguu isaaniitiin, lubootaa fi hojii isaaniif ulfina guddaa qabaachuu danda'an, kunis ummata akka isaan kana hinaaffaa fi gaddatti baay'ee dhihaatu gidduutti barbaachisaa ture. Warri waan asitti raawwatameef ragaa turan keessaa tokko tokko booda, "Isin ilmaan Lewwii, of irratti baay'ee fudhattu" jedhanii dubbachuun dinqisiisaa ture; garuu yoo dhoksaatti raawwatamee ture maal jedhu turan? Hubadhaa, tajaajiltoonni ifatti, ummata duratti, akkuma aadaa waldaa durii, muudamuun baay'ee sirrii fi faayidaa qabeessa dha.

III.

Ajajni dubbifame (Lakk. 5). Museen, kan sirna kana keessatti bakka bu'aa Waaqayyoo ture, ajaja isaa waldaa duratti dhiheesse: "Kun Waaqayyo akka raawwatamu ajaje dha." Waaqayyo yeroo fuula isaa Israa'el hundumaa duratti ifu godhetti, Yeshurun keessatti isa mootii godhee turelleen, Waaqayyo waan inni ofii isaa ajaje malee waan biraa tokkollee sagada Waaqayyoo keessatti hin dhaabne yookaan hin ajajne. Lubummaan inni isaaniif kenne, isa Gooftaa irraa fudhate ture. Hubadhaa, warri dhimmoota qulqulluu tajaajilan hundinuu ajaja Waaqayyoo akka seeraa fi eeyyama isaaniitti ilaaluu qabu; sababiin isaas kana eeguudhaan qofa Waaqayyo biratti fudhatamuu fi beekamuu eeguu danda'u. Kanaafis, hojii sagada amantii hundumaa keessatti, "Kun Waaqayyo akka raawwatamu ajaje dha" jechuu danda'uu qabna.

IV.

Sirni akka seera Waaqayyoo raawwatame.

1.

Aaronii fi ilmaan isaa bishaanin dhiqaman (Lakk. 6), kunis isaan amma fedhii fi hawwii cubbuu hundumaa irraa of qulqulleessuu akka qaban, akkasumas yeroo hundumaa of qulqulluu gochuu akka qaban agarsiisa. Kiristoos warra Waaqayyo keenyaaf moototaa fi luboota godhu dhiiga isaa isa ofii isaatiin cubbuu isaanii irraa dhiqa (Mul'ata 1:5, 6); warri Waaqayyootti dhihaatanis bishaan qulqulluudhaan dhiqamuu qabu (Ibroota 10:22). Duraan baay'ee qulqulluu turanillee, fi xuriin tokkollee isaan irra hin mul'anneellee, garuu dhiqamuu qabu turan, kunis qulqullaa'uu isaanii cubbuu irraa, kan lubbuu isaanii xureesse, qaamni isaanii hangam qulqulluu turelleen agarsiisuuf.

2.

Uffata qulqulluudhaan uffifaman, Aaron kan isaa (Lakk. 7-9), kan ulfina Kiristoos luba ol'aanaa keenya isa guddaa agarsiisu ture, fi ilmaan isaa kan isaanii (Lakk. 13), kan qulqullummaa Kiristaanotaa, kanneen luboota hafuuraa ta'an agarsiisu ture. Kiristoos uffata qomaa firdii fi gonfoo qulqulluu uffata; sababiin isaas luba ol'aanaa waldaa isaa raajii fi mootii ishee ti. Amantoonni hundinuu uffata qajeelummaatiin uffifamaniiru, fi hidhaa dhugaa, murannoo, fi xiyyeeffannoo dhihoo wajjin hidhamaniiru; mataan isaaniis, akkuma jechi asitti jedhu, koofiyyaa yookaan gonfoo bareedinaa, bareedina qulqullummaa wajjin hidhameera.

**3.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG እግዚአብሔርም ሙሴን እንዲህ ብሎ ተናገረው፦ አማርኛ ENGNIV The Lord said to Moses, English BCV እግዚኣብሄር ድማ ንሙሴ ኸምዙይ ኢሉ ተናገሮ፦ ትግርኛ BCV GIZ ወነበቦ እግዚአብሔር ለሙሴ ወይቤሎ፦ giz GAZGAZ Waaqayyo ammas Museedhaan, Afaan Oromoo BCV aksum እግዚኣብሄር ድማ ንሙሴ ኸምዙይ ኢሉ ተናገሮ፦ ትግርኛ AMHNIV እግዚአብሔር (ያህዌ) ሙሴን እንዲህ አለው፤ አማርኛ SWAHSUV Bwana akanena na Musa, na kumwambia, Kiswahili