Yonaas 2

GAZBIBAfaan Oromoo11 Keeyyattoota2:00 Dhaggeeffadhu

Dhaggeeffadhu 2:00 · Idilee · Diraamaawaa Biblight keessatti bani

1Waaqayyo yeroo sanatti, qurxummiin guddaan tokko achitti argamee, Yoonaasin akka liqimsu godhe; akkasitti Yoonaas garaa qurxummichaa keessa guyyaa sadii fi halkan sadii ture.

2Yoonaas immoo garaa qurxummichaa keessaa Waaqayyo isaa goofticha in kadhate;

3“Yaa Waaqayyo, ani rakkina koo keessatti si nan waammadhe, ati yommus ana jalaa in owwaatte; garaa iddoo lafa jalaa keessaa sitti nan iyyadhe, ati immoo sagalee koo anaaf in dhageesse.

4Ati tuujjuba keessatti, garaa galaanaa keessatti na darbatte; bishaan humnaan lola'us ana marsee ture, dha'aan kee fi tuulamee darbatamuun bishaan keetii hundinuu ana irra in yaa'an.

5Yommus,“Anoo fuula kee duraa gatameera, deebi'ee mana qulqullummaa kee nan arga laataa?” jedhee nan yaade.

6“Bishaanonni mataa koo irra yaa'anii, lubbuu koof in sodaachisan; tuujjubni na marsee, margi bishaan keessaas mataatti na marme.

7Yommus ani gara hundee tullootaatti, gara biyya danqaraan isaa bara baraan ana irratti cufameetti gad nan bu'e; ati garuu yaa Waaqayyo gooftaa ko, boolla gad fagoo sana keessaa fayyaatti ol na baafte.

8Yeroo lubbuun koo na keessatti gaggabdetti, yaa Waaqayyo ko, ani sin yaadadhe; kadhanni koos mana kee isa qulqullaa'aa keessatti gara kee anaaf in dhufe.

9“Warri waaqayyolii tolfaman warra waa'ee hin baafneef safuu buufatan, Waaqayyoon isa gaarummaa isaanitti argisiisu in dhiisu.

10Ani garuu sagalee galataatiin, aarsaa siif nan dhi'eessa; wanta ani wareeges nan baasa; fayyisuun kan Waaqayyoo ti!” jedhe.

11Ergasii Waaqayyo qurxummichatti in dubbate, inni immoo gara lafa gogaatti baasee Yoonaasin ol deebise.

Ibsa

2:1-9

Yonaan yoom akka kadhate qoradhu. Yeroo inni rakkina keessa turetti, mallattoolee mufii Waaqayyoo isa irratti sababa cubbuu isaatiif ture jalatti, inni kadhateera; yeroo nuunis rakkina keessa jirru ni kadhachuu qabna. Dinqii Waaqayyootiin lubbuun jiraateetuma, inni kadhate. Fedhiin Waaqayyoo gaariin nuuf qabu, balleessaa keenya ta'ee iyyuu, nuuf akka jiru hubachuun, hidhii kadhataa kan sodaa dheekkamsaatiin cufame ture, bana. Akkasumas, eessatti akka kadhate; garaa qurxummiitti ture. Iddoon kadhannaaf hin taane tokkollee hin jiru. Namoonni tokkummaa walii wajjin qabnu nurraa addaan baasuu danda'u, garuu tokkummaa Waaqayyoo wajjin qabnu nurraa addaan baasuu hin danda'an. Eenyutti akka kadhate; Gooftaa Waaqa isaatiif. Kun warra duubatti deebi'anillee akka deebi'aniif jajjabeessa. Kadhannaan isaa maal ture? Kun bifa yookiin dachee kadhannaa isaa ta'uu mannaa, muuxannoo isaa fi yaada isaa yeroo sanaa fi boodaa kan ibsu fakkaata. Yonaan cimina kadhannaa isaa, akkasumas qophaahummaa Waaqayyoo kadhaa dhaga'uufii deebisuuf qabu irratti yaada.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ዮናስም በዓሣው ሆድ ውስጥ ሆኖ ወደ አምላኩ ወደ እግዚአብሔር ጸለየ፥ እንዲህም አለ፦ አማርኛ ENGNIV From inside the fish Jonah prayed to the Lord his God. English BCV ዮናስ ኣብ ከብዲ ዓሳ ኾይኑ፥ ናብ እግዚኣብሄር ኣምላኹ ፀለየ። ትግርኛ BCV GIZ ወጸለየ ዮናስ በውስተ ከርሠ አንበሪ ኀበ እግዚአብሔር አምላኩ ወይቤ፦ giz GAZGAZ Waaqayyo yeroo sanatti, qurxummiin guddaan tokko achitti argamee, Yoonaasin akka liqimsu godhe; akkasitti Yoonaas garaa… Afaan Oromoo BCV aksum ዮናስ ኣብ ከብዲ ዓሳ ኾይኑ፥ ናብ እግዚኣብሄር ኣምላኹ ፀለየ። ትግርኛ AMHNIV ዮናስ በዓሣው ሆድ ውስጥ ሆኖ ወደ አምላኩ ወደ እግዚአብሔር ጸለየ፤ አማርኛ SWAHSUV Ndipo Yona akamwomba Bwana, Mungu wake, katika tumbo la yule samaki, Kiswahili