Yohaannis 3

GAZBIBAfaan Oromoo36 Keeyyattoota6:01 Dhaggeeffadhu

Dhaggeeffadhu 6:01 · Idilee · Diraamaawaa Biblight keessatti bani

1Fariisota keessa, namni Niqoodemos jedhamu tokko ture; inni dura-buutuu Yihudootaa ture.

2Inni kun halkaniin gara Yesus dhufee, ?Rabbii akka ati barsiisaa taatee Waaqayyo biraa dhufte nuyi beekna; homtinuu yoo Waaqayyo isaa wajjin jiraate malee milikkita ati argisiiftu kana, danda'ee hin argisiisu? ittiin jedhe.

3Yesus, ?Dhuguma, dhuguman sitti hima, eenyu illee olii yoo dhalachuu dhabaate, mootummaa Waaqayyoo arguu iyyuu hin danda'u? jedhee deebiseef.

4Niqoodemos immoo, ?Namni erga qancaree attamitti dhalachuu danda'a? Gadameessa haadha isaatti lammaffaa galee, dhalachuu danda'a moo?? jedhee Yesusin gaafate.

5Kanaaf Yesus, ?Dhuguma, dhuguman sitti hima, eenyu illee bishaanii fi hafuura qulqulluuttii yoo dhalachuu dhabaate, mootummaa Waaqayyootti galuu hin danda'u.

6Nama fooniittii kan dhalate foon, hafuurattii kan dhalate hafuura.

7Olii dhalachuun isiniif in ta'a siin jechuu kootiif hin dinqifatin.

8Qilleensi gara fedhetti in qilleensa'a, qilleensa'uu isaa in dhageessa, eessaa akka inni dhufu, eessas akka inni dhaqu garuu hin beektu; egaa hafuurattii kan dhalate hundinuus akkuma kana? jedhee deebiseef.

9Niqoodemos deebisee, ?Kun attamitti ta'uu danda'a?? jedhee Yesusin gaafate.

10Yesus deebiseefii, ?Ati barsiisaa Israa'el kan taate, kana hin beektuu?

11Dhuguma, dhuguman sitti hima, nuyi isa beeknu in dubbanna, isa argines dhugaa in baana; utuma ta'uu iyyuu isin isa nuyi dhugaa baanu hin fudhattan.

12Waa'ee isa biyya lafaa isinitti himnaan erga hin amantan ta'ee, waa'ee isa biyya waaqaa yoon isinitti hime immoo attamitti amantu ree?

13Ilma namaa isa waaqa irraa gad bu'e sana malee, homtinuu gara waaqaatti ol hin baane.

14Museen lafa onaa keessatti bofa sibiila diimaa muka irratti akka ol fuudhe, ilmi namaas immoo akkasuma muka irratti ol fuudhamuun in ta'a.

15Kunis ilma namaatti kan amanu hundinuu jireenya bara baraa haa qabaatuuf ta'a.

16?Waaqayyo, akkasitti tokkicha ilma isaa hamma kennuufitti biyya lafaa jaallate; kun immoo isatti kan amanu hundinuu jireenya bara baraa haa qabaatuuf malee, haa baduuf miti!

17Waaqayyo biyya lafaatti farachiisuuf miti, biyyi lafaa isaan haa fayyuuf ilma isaa biyya lafaatti erge malee.

18Ilma isaa kanatti kan amanu itti hin faradamu, isatti kan hin amanne garuu, maqaa tokkicha ilma Waaqayyootti waan hin amaniniif, ammuma iyyuu itti faradameera.

19Ifichi gara biyya lafaa dhufeera, namoonni garuu hojiin isaanii hamaa waan ta'eef, ifa irra dukkana jaallatan; firdichis akkuma kanatti in raawwatama.

20Hamaa kan hojjetu hundinuu ificha in jibba, hojiin isaa akka irratti hin beekamneef gara ifichaatti hin ba'u.

21Dhugaatti kan jiraatu garuu hojiin isaa, inni akka jaalala Waaqayyootti hojjetame, haa mul'atuuf gara ifichaatti in ba'a? jedheen.

22Kana booddee Yesusii fi bartoonni isaa gara kutaa biyya Yihudaa dhaqan; Yesus bartoota isaa wajjin takka achi bubbule, in cuuphas ture.

23Yohannis immoo mandara Enon isa Saalemitti dhi'oo, iddoo bishaan baay'een argame sanatti in cuupha ture; namoonnis achi dhaqanii in cuuphaman.

24Yohannis yeroo sanatti mana hidhaatti hin galfamne ture.

25Yommus bartoonni Yohannis waa'ee qulleessuu irratti Yihudii tokkoo wajjin walitti falmuutti ka'an.

26Bartoonni sun gara Yohannis dhufanii, ?Yaa barsiisaa, inni gama Yordaanositti sii wajjin ture, atis immoo dhugaa baateef sun kunoo in cuupha; hundumtinuus gara isaa dhaqaa jiru? jedhanii itti himan.

27Yohannis yommus deebisee, ?Namni yoo waaqa irraa isaaf kenname malee, waan tokko illee fudhachuu hin danda'u.

28?Ani Kristos miti, garuu fuula isaa duran ergame? jedhee akkan dubbadhe, isin ofii keessanii dhugaa anaaf baatu.

29Misirroo kan manaa qabu inni dhirsa misirroo ti, miinjeen inni isa dhaggeeffatu garuu sagalee dhirsa misirroo dhaga'uutti guddaa in gammada; anis akkuma kanatti gammachuun koo amma guutuu in ta'a.

30Inni sun guddachaa adeemuun in ta'aaf, ani garuu xinnaachaa adeemuun anaaf in ta'a? jedhe.

31Yohannis itti fufee, ?Inni olii dhufu hundumaa irra jira; namni lafa kanaa kanuma lafaatti, waa'ee isa lafa irraa dubbatas, inni waaqa irraa dhufu hundumaa irra jira.

32Isa arge isa dhaga'e sanas dhugaa in ba'a; isa inni dhugaa ba'us homtinuu hin fudhatu.

33Isa inni dhugaa ba'u kan fudhatu immoo, Waaqayyo dhuga-qabeessa akka ta'e mallattoodhaan cimseera.

34Inni Waaqayyo isa erge dubbiidhuma Waaqayyoo dubbata, Waaqayyo hafuuricha safara malee in kenna'o.

35Abbaan ilma isaa in jaallata, waan hundumaas harka isaatti kenneera.

36Namni ilma Waaqayyootti amanu, jireenya bara baraa qaba; ilma Waaqayyoof kan hin abboomamne garuu jireenya hin argatu, dheekkamsa Waaqayyootu isarratti hafa malee? jedhe.

Ibsa

3:1-8

Naaqodimoos Kiristoos wajjin mul’achuu sodaatee yookiin qaanfatee ture; kanaafuu galgala dhufe. Amantiin yeroo hin fudhatamnetti, Naaqodimoonni baay’eetu jiraatu. Haa ta’u malee, inni galgala dhufus, Yesus isa simate, kanaanis jalqaba gaarii yoo laafaa ta’ellee jajjabeessuu nu barsiise. Ammas yeroo sana galgala dhufus, booda garuu ifatti Kiristoosiin beeksisate. Bulchaa ta’us, Kiristoosii wajjin dhimma mootummaa irratti hin dubbanne, garuu dhimma lubbuu isaa fi fayyina ishee irratti dubbate, akkasumas battalumatti gara sanaatti deeme.

Fureessaan keenya dhimma deebi’ina dhalootaa yookiin dhaloota haaraa, barbaachisummaa isaa fi amala isaa dubbate, akkasumas Naaqodimoosii gara madda qulqullina garaa qajeelche. Dhaloonni jalqaba jireenyaati; deebi’anii dhalachuun, warra jalqaba irraa dogoggoraan yookiin bu’aa malee jiraatan akka jireenya haaraa jiraachuu jalqabuu jechuudha. Amala haaraa, qajeelfama haaraa, jaalala haaraa, kaayyoo haaraa qabaachuu qabna. Dhaloota keenya isa jalqabaatiin, balleessaa turre, cubbuudhaan bocamne; kanaaf uumama haaraa ta’uu qabna. Haala fi amala jijjiirama guddaa fi dinqisiisaa mul’isuuf jechi kana caalu filatamuu hin danda’u ture. Dura turre irraa guutummaatti adda ta’uu qabna; akkuma wanti yeroo kamiyyuu jiraachuu jalqabu, dura ture wajjin tokko hin taane, ta’uunis hin danda’amne.

Dhaloonni haaraan kun samii irraa dhufa, Yoh. 1:13, akkasumas gara samiitti nama geessa. Kun jijjiirama guddaa cubbamaa garaa keessatti, humna Hafuura Qulqulluutiin hojjetamu dha. Kun jechuun, wanti tokko nu keessatti fi nuuf hojjetame, isa ofii keenyaan hojjechuu hin dandeenyedha. Wanti dogoggoraa waan jiruuf, kanaan jireenyi bara baraaf turu jalqabama. Yoo akkas hin taane, Kiristoos irraa faayidaa kamiyyuu eeguu hin dandeenyu; kun gammachuu keenyaaf lafa irratti fi booddeettis barbaachisaadha.

Naaqodimoos wanta Kiristoos dubbate dogoggoraan hubate, akkuma lubbuu hin duune deebisanii dhalchuu fi haaraatti bocuuf, karaa qaama haaraatti bocuun malee kan biraan hin jirreetti. Haa ta’u malee, inni wallaalummaa isaa beeksise, kunis hubannoo caalaa argachuuf fedha isaa agarsiisa. Ergasii Gooftaa Yesus irra deebi’amee ibsame. Inni Eenyummaa jijjiirama eebbifamaa kanaa agarsiisa. Kun ogummaa yookiin humna ofii keenyaan kan hojjetamu miti, garuu humna Hafuura Eebbifamaatiinidha.

Dogoggora keessatti bocamne, kunis amalli keenya jijjiiramuu akka barbaachisu taasisa. Kana dinqisiifachuu hin qabnu; sababiin isaa, qulqullina Waaqayyoo, miidhama amala keenyaa, fi gammachuu nuuf qophaa’e yoo ilaalle, dhimma kana irratti xiyyeeffannaan guddaan kennamuu isaa dinqisiifachuu hin qabnu. Hojiin deebi’ina dhalootaa Hafuura Qulqulluu bishaaniitti fakkeeffameera. Kiristoos sirna cuuphaa akeekuu isaa hin oolu. Warri cuuphaman hundi, isaan qofas, akka fayyan miti; garuu dhaloota haaraa Hafuuraan hojjetamu, kan cuuphaan mallattoo ta’e sana malee, tokkoyyuu lammii mootummaa samiitiif hin ta’u.

Jechi tokko qilleensaa fi Hafuura lamaan isaa mul’isa. Qilleensi bakka fedhetti ni bubbisa; Waaqayyo isa qajeelcha. Hafuurri dhiibbaa isaa eessa, yoom, eenyu irratti, fi hamma akkamitti akka fedhetti erga. Sababaan isaa dhoksaa ta’us, bu’aan isaa ifa, yeroo lubbuun cubbuu isheef gaddutti, akkasumas Kiristoosiif hawwutti.

Kiristoos barsiisaa fi barbaachisummaa deebi’ina dhalootaa ibsuun isaa Naaqodimoosiif akka hin ifne fakkaata. Kanaaf wantoonni Hafuura Waaqayyoo nama foonii duratti gowwummaa dha. Baay’een kan amanuu hin dandeenye mirkaneessuu hin danda’amu jedhu. Dubbiin Kiristoos dhugaa wangeelaa ilaalchisee, lak. 11-13, gowwummaa warra wantoota kana isaaniif adda taasisuu agarsiisa; akkasumas isaan qorachuuf nu gorsa. Yesus Kiristoos karaa hundumaan fedha Waaqayyoo nuuf ibsuu danda’a; sababiin isaa inni samii irraa dhufeera, ammas samiitti jira.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ከፈሪሳውያንም ወገን የአይሁድ አለቃ የሆነ ኒቆዲሞስ የሚባል አንድ ሰው ነበረ፤ አማርኛ ENGNIV Now there was a man of the Pharisees named Nicodemus, a member of the Jewish ruling council. English BCV ካብ ወገን ፈሪሳውያን ሓለቓ ኣይሁድ ዝኾነ፥ ኒቆዲሞስ ዝበሃል ሰብ ነበረ። ትግርኛ BCV GIZ ወሀሎ አሐዱ ብእሲ እምፈሪሳውያን ዘስሙ ኒቆዲሞስ መልአኮሙ ለአይሁድ። giz GAZGAZ Fariisota keessa, namni Niqoodemos jedhamu tokko ture; inni dura-buutuu Yihudootaa ture. Afaan Oromoo BCV aksum ካብ ወገን ፈሪሳውያን ሓለቓ ኣይሁድ ዝኾነ፥ ኒቆዲሞስ ዝበሃል ሰብ ነበረ። ትግርኛ AMHNIV ከፈሪሳውያን ወገን፣ ከአይሁድ አለቆች አንዱ የሆነ ኒቆዲሞስ የተባለ ሰው ነበረ፤ አማርኛ SWAHSUV Basi palikuwa na mtu mmoja wa Mafarisayo, jina lake Nikodemo, mkuu wa Wayahudi. Kiswahili