Yaaqoob 1

GAZBIBAfaan Oromoo27 Keeyyattoota4:24 Dhaggeeffadhu

Dhaggeeffadhu 4:24 · Idilee · Diraamaawaa Biblight keessatti bani

1Ani Yaaqoob hojjetaa Waaqayyoo, hojjetaa Yesus Kristos gooftichaas ta'ee, warra gosa kudha lamaanuu keessaa biyya diidaatti tamsa'anii jiraniif kana caafuu koo ti; nagaa koo isiniif nan dhi'eessa.

2Yaa obboloota ko! Qoramsa garaa garaatiin ilaalamuun yommuu isinitti dhufu, gammachuu guutuutti fudhadhaa!

3Amantiin keessan qoramee ilaalamuun isaa obsaan danda'uu akka fidu in beektu.

4Isin warra fiixaan ba'an, warra mudaa, hir'inas hin qabne akka taataniif, obsaan danda'uun kun hojii isaa fiixaan haa baasu!

5Isin keessaa nama tokkotti ogummaan yoo hir'ate, Waaqayyo isa nama hundumaaf harka guutee fuula ifaadhaan kennu haa kadhatu! Innis in kennaaf.

6Garuu utuu hin mamin amantiidhaan haa kadhatu; namni mamu akka dha'aa galaanaa isa qilleensaan asii fi achi oofamee darbatamuu ti.

7Namni akkasii gooftaa biraa waa nan argadha jedhee hin eeggatin!

8Garaan nama akkasii walaallammii dha, yaadni isaas waan hundumaa qabee gad dhiisa malee, iddoo tokko hin dhaabatu.

9Obboleessi hiyyummaan gad deebi'e, Waaqayyo duratti ol qabamuu isaatiin of haa jaju!

10Inni soorumaan ol ka'e immoo, akkuma daraaraa margaa waan darbuuf, Waaqayyo duratti gad deebifamuu isaatiin of haa jaju!

11Biiftuun in baati, buluqni ishee irraa dhufus in guba; innis margicha in coollagsa, daraaraa isaas in harcaasa; miidhagummaan daraaraa sanaas in bada. Namni sooressis akkasuma, wanta itti dadhabu sanaa wajjin gad in bada.

12Namni qoramsa isatti dhufu obsaan danda'e, haa gammadu! Qoramee erga ilaalamee booddee, jireenya isa Waaqayyo warra isa jaallatan abdachiise akka gonfootti argachuuf jira.

13Namni yommuu qoramu, qoramsi kun Waaqayyo biraa anatti dhufe hin jedhin! Waaqayyo hamaa gochuudhaaf qoramuu hin danda'u, ofii isaatiis nama tokko illee hamaadhaaf hin qoru.

14Garuu tokkon tokkon namaa kajeellaa ofii isaatii isa hamaadhaan harkifamee yommuu qabamu in qorama.

15Kajeellaan hamaan erga iddoo ga'ee cubbuu in dhala; cubbuunis erga raawwatamee du'a in dhala.

16Obboloota ko jaallatamoo, hin gowwoominaa!

17Kennaan gaariin hundinuu, kennaan guutuun hundinuus abbaa ifaa biraa ol waaqa gubaadhaa in dhufa; abbaa ifaa bira gegeddaramuun, yookiis gaaddisi gara galuun iyyuu hin jiru.

18Nuyi uumama isaa hundumaaf angafa akka taanuuf, inni akka jaalala isaatti dubbii dhugaatiin nu dhalche.

19Obboloota koo jaallatamoo! Namni adduma addaan dhaga'uutti ariifataa, dubbachuutti suuta jedhaa, dheekkamuuttis suuta jedhaa, ta'uun akka isa irra jiru beekaa!

20Dheekkamsi namaa Waaqayyo duratti qajeelina namaaf hin hojjetu.

21Kanaafis xuraa'ummaa, hammina safara dhabes hundumaa of irraa fageessaa! Dubbii lubbuu keessan fayyisuu danda'u, isa kanaaf dhaabame sanas garraamummaadhaan fudhadhaa!

22Warra dubbicha hojii irra oolchan ta'aa malee, warra dhaga'uu duwwaadhaan of gowwoomsan hin ta'inaa!

23Namni dubbicha dhaga'ee hojii irra immoo hin oolchine, akka nama fuula isaa of-ilaalee keessatti ilaalee akka jirutti ofii isaa arguu ti.

24Ofii isaa ilaalee erga adeemee booddee, achumaan bifni isaa attam akka ture in irraanfata.

25Namni seera birmadummaa isa hir'ina hin qabne keessa lixee ilaalu, isa biraas kan hin deebine, isa dhaga'ee hojii irra kan oolchu malee, kan hin irraanfanne garuu, gocha isaatti gammaduuf jira.

26Namni, nama amantii qabu of se'ee, arraba isaatti immoo luugama hin keenye, inni of sossoba malee, amantiin isaa waa'ee hin baasuuf.

27Waaqayyoon sodaachuun inni Waaqayyo keenyaa fi abbaa keenya duratti qullaa'ee fi xurii hin qabne garuu, ijoollota abbaa fi haadha hin qabne, dubartoota abbaan manaa irraa du'es rakkina isaanii ilaalanii gargaaruu dha; xuraa'ummaa biyya lafaa irraas of eeggachuu dha.

Ibsa

1:1-11

Kiristinnaan namoota yeroo rakkinaa gammadaa ta'uutti barsiisa: haalonni akkasii jaalala Waaqayyoo irraa ergamu; qoramni karaa dirqamaa irra jiru immoo ayyaana keenya amma ni ibsa, fi gonfoo keenya dhuma irratti ni calaqqisiisa. Yeroo qorannoo keessatti, nu keessatti obsaan, malee aariidhaan akka hin hojjenne haa eeggannu; wanti dubbatamu yookiin hojjetamu kamiyyuu obsaan haa ta'u. Yeroo hojiin obsaa guutuu ta'u, wal dorgommii Kiristinnaa fi waraana keenyaaf wanta barbaachisu hunda nuuf ni guuta. Rakkina nurraa ka'uuf jecha baay'ee kadhachuu hin qabnu, garuu beekumsa isa sirriitti itti fayyadamuuf haa kadhannu. Eenyutu yeroo qorannoo hafuura isaa to'achuufii fi dhimma isaa bulchuuf beekumsa isa qajeelchu hin barbaadu ree? Yeroo dadhabbii keenyaa fi gowwummaa keenya beeknee Waaqayyo bira deemnu, yaada laphee jajjabeessee hin taane hundaa deebisuuf waanti tokko jira. Sana booda, namni tokko, "Kun namoota tokko tokkoof ta'uu danda'a, garuu ani hin milkaa'u jedhee nan sodaadha" yoo jedhe illee, abdichi: "Namni kadhatu hundumaaf ni kennama" jedha. Sammuun faayidaa hafuuraa fi bara baraa isaatiif xiyyeeffannoo tokkicha fi cimaa qabu, akkasumas Waaqayyoof kaayyoowwan isaa keessatti jabaatee dhaabatu, rakkina keessatti ni ogeessa, kadhannaa fi sagada keessatti gubataa ta'ee itti fufa, akkasumas qoramaatii fi mormii ni injifata. Yeroo amantii keenyaa fi hafuurri keenya sababa lammaffaa wajjin ol ka'uu fi gadi bu'u, dubbii keenyaa fi hojii keenya keessatti jajjabina dhabuun ni jiraata. Kun yeroo hundumaa namoota addunyaatti tuffii jala hin galchu, garuu karaawwan akkasii Waaqayyoon gammachiisuu hin danda'an. Haalli jireenyaa tokkollee Waaqayyotti gammaduu dhorkuu hin danda'u. Warri sadarkaa gadaanaa qaban ni gammadu, yoo amantiidhaan sooromanii fi dhaaltota Mootummaa Waaqayyoo ta'aniiru ta'e; warri sooreyyii ta'an immoo qajeelcha Waaqayyoo kan of gadi qabsiisuu, inni gara yaada laphee of gadi qabaa fi gad of deebisaatti geessu keessatti ni gammadu. Qabeenyi addunyaa wanta tortoru dha. Kanaaf, namni sooreyyii ta'e ayyaana Waaqayyoo inni isa of gadi qabsiisee eegu keessatti, akkasumas qoramaatii fi gochaawwan kan Waaqayyo keessaa fi Waaqayyo biraa gammachuu barbaaduu isa barsiisan, wantoota gammachiisan badaa irraa osoo hin taane, sana keessatti haa gammadu.

1:12-18

Namni hundumtuu dhiphatu eebbifamaa miti; garuu inni obsaa fi jabaataa ta'uudhaan rakkinoota hundumaa karaa dirqama isaa keessatti dabarsu malee. Rakkinni nuti gadadoomaa nu gochuu hin danda'u, yoo dogoggorri keenya hin taane malee. Kiristaanni qoramame kan gonfoome ta'a. Gonfoon jireenyaa hundumaaf, warra jaalalli Waaqayyoo garaa isaanii keessa bulchuuf, kadhameera. Lubbuun hundumtuu Waaqayyoon dhugaan jaallatu, qorumsa isaa addunyaa kana keessatti guutummaatti gatii ni argata, addunyaa sana olii keessatti, bakka jaalalli guutuu ta'utti. Ajajoonni Waaqayyoo, fi hojiin tiksa isaa garaa namootaa ni qoru, akkasumas ilaalchi isaan keessa jiran kan mo'an ni mul'isu. Haa ta'u malee, wanti cubbuu garaa keessaa yookaan amala keessaa tokkollee Waaqayyoof hin lakkaa'amu. Inni abbaa xuraa'ummaa miti, qorumsi isaa inni ibiddaa isa saaxilu ta'us. Warri balleessaa cubbuu daddabarsan, yookaan uumama isaaniitti, yookaan haala isaanii addunyaa keessatti qabaniitti, yookaan cubbuu irraa fagaachuu akka hin dandeenye kanneen of fakkeessan, Waaqayyoon ni dogoggorsu, akka inni abbaa cubbuu ta'eetti.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG የእግዚአብሔርና የጌታ የኢየሱስ ክርስቶስ ባሪያ ያዕቆብ ለተበተኑ ለአሥራ ሁለቱ ወገኖች፤ ሰላም ለእናንተ ይሁን። አማርኛ ENGNIV James, a servant of God and of the Lord Jesus Christ, To the twelve tribes scattered among the nations: Greetings. English BCV ካብቲ ናይ እግዚኣብሄርን፥ ናይ ጐይታና ኢየሱስ ክርስቶስን፥ ኣገልጋሊ ዝኾነ ያእቆብ፥ ነቶም ተበቲኖም ዘለዉ ዓሰርተ ኽልተ ነገዳት፥ ሰላም ንኣኻትኩም ይኹን። ትግርኛ BCV GIZ እምያዕቆብ ገብረ እግዚአብሔር ወእግዚእነ ኢየሱስ ክርስቶስ ለዐሠርቱ ወክልኤቱ ሕዝበ ድዮስጶራ ሰላም ለክሙ። giz GAZGAZ Ani Yaaqoob hojjetaa Waaqayyoo, hojjetaa Yesus Kristos gooftichaas ta'ee, warra gosa kudha lamaanuu keessaa biyya diida… Afaan Oromoo BCV aksum ካብቲ ናይ እግዚኣብሄርን፥ ናይ ጐይታና ኢየሱስ ክርስቶስን፥ ኣገልጋሊ ዝኾነ ያእቆብ፥ ነቶም ተበቲኖም ዘለዉ ዓሰርተ ኽልተ ነገዳት፥ ሰላም ንኣኻትኩም ይኹን። ትግርኛ AMHNIV የእግዚአብሔርና የጌታ የኢየሱስ ክርስቶስ አገልጋይ የሆነው ያዕቆብ፤ ለተበተኑ ለዐሥራ ሁለቱ ነገዶች፤ ሰላም ለእናንተ ይሁን። አማርኛ SWAHSUV Yakobo, mtumwa wa Mungu, na wa Bwana Yesu Kristo, kwa kabila kumi na mbili waliotawanyika; salamu. Kiswahili