2ffaa Ximotewos 1

GAZBIBAfaan Oromoo18 Keeyyattoota3:50 Dhaggeeffadhu

Dhaggeeffadhu 3:50 · Idilee · Diraamaawaa Biblight keessatti bani

1Ani Phaawulos jaalala Waaqayyootiin ergamaa Kristos Yesus ta'ee, akka abdii jireenya isa karaa Kristos Yesus argamutti kana caafuu koo ti.

2Haa ga'u gara Ximotewos ilma koo isa jaallatamaa! Waaqayyo abbaan, Kristos Yesus gooftaan keenyas ayyaana, araara, nagaas siif haa kennu!

3Waaqayyoon, isa ani akkuma abboota kootii yaada garaa qulqullaa'aadhaan hojjedhuuf, nan galateeffadha; kadhata koo halkanii fi guyyaa keessatti yeroo hundumaa sin yaadadha.

4Imimmaan kee yeroon yaadadhu immoo, si argee garaa guutuudhaan akkan gammaduuf sin yaada.

5Amantiin kee garaa qulqulluudhaan ta'uun isaa anatti yaadatama; amantiin inni dur akkoo kee Lo'is, haadha kee Ewuniiqee keessas ture sun, si keessas akka jiru nan amana.

6Kanaafis kennaa Waaqayyoo isa yeroo ani harka koo mataa kee irra kaa'e siif kenname, haaressitee akka ibiddaatti akka qabsiiftu sin yaadachiisa.

7Waaqayyo hafuura humnaa kan jaalalaa fi kan of qabuu malee, hafuura ija-laafinaa nuuf hin laanne.

8Egaa akka Waaqayyo humna siif kennetti, wangeelaaf rakkachuu keessaa qooda qabaadhu malee, gooftaa keenyaaf dhugaa ba'uu, waa'ee koo isa ani sababii Kristosiif jedhee hidhames hin yeella'in!

9Waaqayyo nu fayyisee isaaf akka qulqulloofnuuf nu waame; nu waamuun isaas akka akeeka isaatii fi akka ayyaana isaa isa durii durii jalqabee karaa Kristos Yesus nuuf kenneetti malee, akka hojii keenyaatti miti.

10Amma garuu ayyaanni isaa dhufa fayyisaa keenyaa Kristos Yesusiin nutti mul'ifameera; inni humna du'aa cabsee, jireenya, badiisa ooluus karaa wangeelaa ifatti baase.

11Ani wangeela kanaaf lallabaa, ergamaa fi barsiisaa ta'een jira.

12Kanaafan amma itti dhiphachaa jira; ani garuu eenyutti akkan amane waanan beekuuf hin yeella'u; akkasumas inni wanta hadaraa anatti kenname kana, hamma guyyaa sanaatti eeguu akka danda'u nan amanadha.

13Dubbii sirrii isa ana irraa dhageesse sana geggeessaa godhadhuu duukaa bu'i! Amantii fi jaalala karaa Kristos Yesus argamutti qabamii geggeeffami!

14Wanta gaarii hadaraa sitti kenname sana hafuura qulqulluu isa nu keessa jiraatuun eegi!

15Akkuma ati beektu, warri kutaa biyya Asiyaa keessaa hundinuu ana irraa gara galaniiru; Fiigelosii fi Hermogenesis isaan keessa jiru.

16Oneesiforos garuu deddeebi'ee yaada koo haaresseera; gooftaan warra mana isaatiif araara haa kennu! Inni waanan hidhameef anattii deddeebi'uu hin yeellaane;

17akkuma mandara Roomaa ga'een dhimmee ana barbaadee, na argates.

18Guyyaa sanatti goofticha biraa araara argachuun isaa jaalala gooftaa haa ta'u! Efesoonittis hammam akka inni anaaf ergame ati iyyuu ba'eessa gootee in beekta.

Ibsa

1:1-5

Abdiin jireenya bara baraa warra Kiristoos Yesuusitti amananiif kenname, dhimma ijoo tajaajiltoota fedha Waaqayyootiin bobbaafamaniiti. Eebbawwan asitti caqafaman, kanneen jaalatamtoota keenyaaf kadhachuu dandeenyu keessaa warra baay'ee filatamaadha; akka isaan Waaqayyo Abbaa fi Kiristoos Yesuus Gooftaa keenyaa wajjin nagaa qabaatanitti. Wanta gaarii inni tokko yoo hojjenne, ulfinni Waaqayyoof ta'uu qaba. Amanoonni dhugaan bara hundumaa keessatti wanta amantaa isaanii isa bu'uraatti walfakkaataa qabu. Amantiin isaanii soba hin qabu; qormaata ni dandamata, akkasumas bu'uura jiraataa ta'ee isaan keessa jiraata. Akkasumas dubartoonni amantoota ta'an milkaa'ina Looyisii fi Yuunikeen Timootee wajjin argatan irraa jajjabina argachuu danda'u; inni tajaajilaa baay'ee cimaa fi fayyadaa ta'e ta'ee mul'ate. Tajaajiltoota Waldaan Kiristoos ittiin eebbifamte keessaa warri baay'ee ulfina qabeessaa fi gatii qabeeyyiin, dhiibbaa amantaa yeroo jalqabaa sammuu isaanii irratti barsiisa haadholii isaanii yookiin firoota dubartoota biroo irraa kan gaheef Waaqayyoon galateeffatan.

1:6-14

Waaqayyo Hafuura sodaa nuuf hin kennine, garuu Hafuura humnaa, jabinnaa fi murannoo, rakkinnootaa fi balaawwan keessa darbuuf nu gargaaru nuuf kenneera; Hafuura isaaf jaalalaa, kan nu mormii hunda keessa baasu. Akkasumas Hafuura sammuu fayyaa, kan sammuu tasgabbeessu. Hafuurri Qulqulluun amaloota nama sodaa qabuu yookiin nama shororkeessuu hin uumu, yookiin sodaawwan garbummaa hin fiddu. Rakkinnoota gaariitti obsuuf ni dandeenya, yoo humnaa fi dandeettii Waaqayyo irraa nuuf kennameen isaan obsuuf dandeenye.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG በክርስቶስ ኢየሱስ እንደሚሆን የሕይወት ተስፋ፥ በእግዚአብሔር ፈቃድ የኢየሱስ ክርስቶስ ሐዋርያ የሆነ ጳውሎስ፥ አማርኛ ENGNIV Paul, an apostle of Christ Jesus by the will of God, according to the promise of life that is in Christ Jesus, English BCV ብክርስቶስ ኢየሱስ ንዝርከብ ናይ ህይወት ተስፋ፥ ብፍቓድ እግዚኣብሄር፥ ሃዋርያ ኢየሱስ ክርስቶስ ካብ ዝኾነ ጳውሎስ፥ ትግርኛ BCV GIZ እምጳውሎስ ሐዋርያሁ ለኢየሱስ ክርስቶስ በፈቃደ እግዚአብሔር ወበተስፋ ሕይወት እንተ በኢየሱስ ክርስቶስ። giz GAZGAZ Ani Phaawulos jaalala Waaqayyootiin ergamaa Kristos Yesus ta'ee, akka abdii jireenya isa karaa Kristos Yesus argamutti … Afaan Oromoo BCV aksum ብክርስቶስ ኢየሱስ ንዝርከብ ናይ ህይወት ተስፋ፥ ብፍቓድ እግዚኣብሄር፥ ሃዋርያ ኢየሱስ ክርስቶስ ካብ ዝኾነ ጳውሎስ፥ ትግርኛ AMHNIV በክርስቶስ ኢየሱስ ቃል በተገባው የሕይወት ተስፋ መሠረት፣ በእግዚአብሔር ፈቃድ የክርስቶስ ኢየሱስ ሐዋርያ የሆነ ጳውሎስ፤ አማርኛ SWAHSUV Paulo, mtume wa Kristo Yesu, kwa mapenzi ya Mungu; kwa ajili ya ahadi ya uzima ulio katika Kristo Yesu; Kiswahili